1Maû 26:12 - ÎVUKU RÎA ÛVORO MWARO

¹² Arangîri acio magaanîtue ikundi kûringana na nyomba ciao, na maagaîrîtwe wîra wa gûtungata wata ûrîa andû acio engî ao maarî na wîra wa gûtungata hekarûrî ya Ngai-Mûnene.

1Maû 26:12 ပူးပေါင်းရင်းမြစ်များ

2Atha 7:10

Kwoguo nîmaaumire kûrîa andû a Sîria maambîte magema na magîcoka Samaria. Nîmeetire arangîri a kîvingo na makîmeera atîrî, “Tûthiîre kûrîa andû a Sîria mambîte magema na tûtinona kana twîgua wanarî mûndû kuo: Mbarathi na mvunda irarî nthaîke, namo magema mekariî wa ûrîa maatigirwe nî andû a Sîria.”

1Maû 25:8

Andû onthe nîmaaikirie mîtî nîguo mamenye mawîra mao, arîa maarî akûrû kana ethî, athomi kana athomithania.

1Maû 26:11

Hilikia nîke warî wa kaîrî, akîrûmîrîrwa nî Tebalia na Zekaria. Avîcî a Hosa na njiarwa ciao onthe maarî arûme îkûmi na athatû.

1Maû 26:13

Nyomba cionthe, nene kana nini nîciaikirie mîtî nîguo imenye ivingo irîa ikaarangagîra.

1Maû 9:23

Kwoguo o vamwe na njiarwa ciao nîo maathiîre na mbere kûrangîra ivingo cia nyomba ya Ngai-Mûnene na nwayo îtagwa îgema rîa gûtûnganwa.

2Maû 31:14

Kore mûvîcî wa Imuna, Mûlawi ûrîa warangagîra Kîvingo Kîam mwena wa Îrathîro nîke warûngamagîrîra matega marîa maarutagîrwa Ngai nî andû na njîra ya kwîyendera, nwake wagaaga matega na indo irîa ciarî nyamûrîre Ngai-Mûnene na matega marîa matheru mûno.

2Maû 35:15

Nao aini a nyîmbo kuuma mbarî ya Asafu nîmeekarîte varîa maathîtwe mekarage nî mûthamaki Daudi, Asafu, Hemani, na Jeduthuni ûrîa warî mwoni maûndû ma mûthamaki. Nao arangîri a ivingo mekarîte ivingorî irîa mekaragia. Gûtiarî na vata wao maume wîrarî nîûndû Alawi acio engî nîmaamavarîrîtie pasaka.