1Maû 25:6 - ÎVUKU RÎA ÛVORO MWARO

⁶ Hemani nîwatongoririe avîcî ake ûtungatarî wa kwina hekarûrî ya Ngai-Mûnene. Maainaga magîtûmagîra ithaani irîa iringithanagua, ngita na inanda vîndî ya kûgooca Ngai hekarûrî. Mûthamaki nîke wavecaga Asafu, Jeduthuni na Hemani watho.

1Maû 25:6 ပူးပေါင်းရင်းမြစ်များ

2Sam 6:5

Daudi na Aisiraeli onthe nîmaainire makîrûgaga na vinya wao wonthe nîguo makumie Ngai-Mûnene. Vîndî îo nîmaavûraga ngita, mîtûrirû, ndarama na ithaani irîa iringithanagua.

1Atha 10:12

Mûthamaki Solomoni nîwatûmîre mîtî îo ya mîthandari îrî itugî cia hekarû na cia nyomba ya mûthamaki. Nîwacokire agîtûmîra mîtî îo kûrûtha inanda na ngita cia andû arîa maainaga. Gûtirî mîtî ya mîthandari yacokire kwoneka rîngî nginya ûmûnthî.

1Maû 15:16

Nîwathire anene a Alawi mathuure andû amwe ao a kwina makîvûraga indo ta ngita na ithaani irîa iringithanagua nîguo maine nyîmbo na gîkeno maugîrîrîtie.

1Maû 15:19

Aini ta Hemani, Asafu na Ethani maarî a kûgambithia ithaani irîa iringithanagua cia gîcango.

1Maû 15:22

Kenania, mûnene wa Alawi nîwathuurirwe atuîke mûtongoria wa nyîmbo nîûndû ke nîwaicî ûvoro wîgiî nyîmbo.

1Maû 23:5

nao Alawi ngiri inya (4,000) marî arangîri, na engî ngiri inya (4,000) agûkumagia Ngai-Mûnene makîvûthagîra indo cia kwina nyîmbo irîa naarûthire nîûndû wa ûndû ûcio.

2Maû 20:28

Makinya Jerusalemu, nîmaathiîre hekarûrî makinaga na ngita, mîtûrirû na tûrumbeta.

2Maû 23:13

Rîrîa aaroririe nîwonire mûthamaki arûngamîte mwenarî wa gîtugî Kîam mûromo wa hekarû. Anene a athigari a mbaara na andû arîa maavuvaga tûrumbeta marûngamîte mîena mathiûrûrûkîrîtie mûthamaki na andû onthe a vûrûri magîkenaga makîvuvaga tûrumbeta, na aini a nyîmbo marî na indo ciao cia kwina matongoreretie andû gûkûngûîra. Athalia nîwatembûrangire nguo ciake na akiugîrîria atîrî, “Ûkunyanîri! Ûkunyanîri!”

2Maû 29:13

Kuuma mbarî ya Elizafani kwarî na Shimuri na Jeieli. Kuuma mbarî ya Asafu kwarî na Zakaria na Matania.

2Maû 29:25

Mûthamaki Hezekia nîwarûmîrîre maûndû marîa Ngai-Mûnene aathîte mûthamaki Daudi na njîra ya Gadi ûrîa warî mwoni maûndû ma mûthamaki na mûrathi Nathani. Kwoguo nîwaigire Alawi hekarûrî marî na mîtûrirû, ngita na ithaani irîa iringithanagua kûringana na ûrîa Ngai-Mûnene aathanîte na njîra ya arathi ake.

Nehemia 11:17

Na kwarî Matania mûvîcî wa Mika, Mika mûvîcî wa Zabudi, Zabudi mûvîcî wa Asafu. Matania nîke warî mûtongoria vîndî ya mavoya ma ngatho. Na kwarî Bakibukia ûrîa warî wa kaîrî gatagatî ka aa mûrwang'ina, na Abida mûvîcî wa Shamua, Shamua aarî mûvîcî wa Galali mûvîcî wa Jeduthuni.

Nehemia 12:24

Atongoria a Alawi maarî: Hashabia, Sherebia, Jeshua mûvîcî wa Kadimieli. Nao aa mûrwang'ina nîmaarûngamaga mwena ûcio wîngî merekanîrîte na nîmaainaga nyîmbo cia gûkumia na gûcokia ngatho kûrî Ngai kûringana na ûrîa Daudi mûndû wa Ngai amaathîte.

Nehemia 12:46

Nîûndû kuuma tene vîndî ya Daudi na Asafu kwethagîrwa kûrî na mûnene wa aini a nyîmbo, na kwarî na nyîmbo cia gûkumia na gûcokia ngatho kûrî Ngai.

Thaburi 68:25

Aini marî mbere, nao avûûri inanda marî vuva, gatagatî kao kûrî na erîtu makîvûraga tamburini.

Aefeso 5:19

Aranagîriani na ciugo cia thaburi, nyîmbo cia gûkumia Ngai na nyîmbo cia kîîroho. Inagîrani Mwathani na mûmûkumagie na ngoro cienyu cionthe.

Akol 3:16

Tigani ûtonga wa ndûmîrîri ya Kristû wîkarage ngororî cienyu. Tûmagîrani ûûgî wonthe wenyu rîrîa mûkûthomithania na mûgûtaarana mue ene. Inagani thaburi, nyîmbo, nyîmbo cia kîîroho mûrî na ngatho ngororî cienyu.