1Maû 23:30 - ÎVUKU RÎA ÛVORO MWARO

³⁰ wîra wa gûkumia Ngai-Mûnene na kûmûva riiri vîndî cionthe, kîraûko na kîvwaî.

1Maû 23:30 ပူးပေါင်းရင်းမြစ်များ

1Maû 23:29

Alawi acio nîmaaveetwe wîra wa kwigagîrîra mûgate ûrîa mwamûre metharî, mûtu wa matega ma irio, mîgate îrîa îtekîrîtwe ndawa ya kwimbia, gûtukania mûtu na maguta ma mûtamaiyû na kûrûtha mîgate ya matega, kûthima ithimi irîa ciagîrîrîte,

1Maû 23:31

Alawi nîmaarutaga matega ma kûvîvua ma Ngai-Mûnene mîthenya ya thavatû, ciathî cia mweri wacicûka na mîthenya îrîa îngî ya ciathî. Kwarî na mawatho marîa maarûmagîrîrwa ma kwonania Alawi arîa maagîrîrwe nî gûtungata kavinda gwa kavinda marî hekarûrî.

1Maû 23:5

nao Alawi ngiri inya (4,000) marî arangîri, na engî ngiri inya (4,000) agûkumagia Ngai-Mûnene makîvûthagîra indo cia kwina nyîmbo irîa naarûthire nîûndû wa ûndû ûcio.

1Maû 9:27

Maatûûraga vakuvî na hekarû nîûndû nîo maarî arangîri a hekarû na nîo maavetwe wîra wa kûvingûraga ivingo vîndî cionthe kîraûko.

1Maû 9:33

Alawi amwe maarî aini a nyîmbo. Atongoria a nyomba ciao maatûûraga tûnyombarî twa hekarû na matiagaagîrwa mawîra mengî nîûndû maarutaga wîra ûtukû na mûthenya.

2Maû 31:2

Mûthamaki Hezekia nîwavangire athînjîri-Ngai na Alawi ikundi mwanya na akîgaîra wa mûndû wîra wa kûruta hekarûrî. Wîra ûcio warî ta wa kûruta matega ma kûvîvua na matega ma thayû, gûtungata ûgoocirî wa Ngai, gûcokia ngatho na gûkumia Ngai-Mûnene.

Kûguû 14:3

Andû acio ngiri îgana na mîrongo îna na inya (144,000) nîmaarûngamîte mbere ya gîtî Kîam ûnene, mbere ya ciûmbe irîa irî mwoyo inya, na mbere ya athuuri. Nao nîmaainaga rwîmbo rûcerû rûrîa tu nwa o mangîarûmenyire. Acio nî arîa maarî akûûre.