1Maû 22:9 - ÎVUKU RÎA ÛVORO MWARO

⁹ Ngai-Mûnene nîwambîrire atî, nîngaagîa na mwana wa kavîcî na akethîrwa arî mûndû wa thayû. Nîakaagîa na thayû kuuma kûrî nthû ciake cionthe irîa ikethîrwa imûthiûrûrûkîrîtie. Rîîtwa rîake ageetagwa Solomoni na nîakaava Isiraeli thayû rîrîa akethîrwa arî mûthamaki.

1Maû 22:9 ပူးပေါင်းရင်းမြစ်များ

1Atha 1:13

Thiî wa rîmwe kûrî mûthamaki Daudi na ûmûrie atîrî, ‘Mwathi wakwa mûthamaki, kinthî ndwambîrîre na mwîvîtwa, atî mûvîcîwa Solomoni nîke ûgaatuîka mûthamaki vuva waku? Nîndûî gîtûmîte Adonija atuîke mûthamaki?’ ”

1Atha 2:15

Adonija nîwacokirie atîrî, “Nîwicî atî nînie nîngîatuîkire mûthamaki na atî andû onthe a Isiraeli nîguo meeriragîria. Nwatî nîgwekarire ûndû wîngî na mûrwaiya agîtuîka mûthamaki nîûndû nîguo Ngai-Mûnene eendete.

1Atha 3:7

Na rîu Ngai-Mûnene, Ngai wakwa, nîûmvotithîtie gûtuîka mûthamaki vuva wa vava Daudi, wana ethîrwa ndirî mûkûrû na ndiîcî kwathana.

1Atha 4:20

Andû a Juda na a Isiraeli maarî eengî ta mûthanga ûrîa wîthagîrwa ûrî rûtererî rwa îria. Nao maatûîre marîcaga, manyunyaga na makenaga.

1Atha 4:24

Solomoni aathanaga vûrûrirî wonthe ûrîa ûrî mwena wa îthûîro wa Rûnjî rwa Farati, kuuma Tifusa nginya Gaza. Athamaki onthe a mwena wa îthûîro wa rûnjî rwa Farati maathagwa nîke, na aatûûranirie nao na thayû vamwe na mavûrûri monthe marîa maariganîtie nake.

1Atha 4:25

Vîndî îrîa yonthe Solomoni aarî mwoyo, andû a Juda na a Isiraeli kuuma Dani kûthiî nginya Beerisheba maatûûraga na thayû, wa mûndû arî na mîthavibu na mîkûyû yake.

1Atha 5:4

Nwatî Ngai-Mûnene, Ngai wakwa nîatwîguithanîtie na andû onthe arîa tûvakanîte nao. Ndirî na nthû na ndirî na thîna wana ûrîkû.

1Atha 8:56

“Ngai-Mûnene arokumua, ûcio ûveete andû ake a Isiraeli thayû wata ûrîa aameerîre. Nîavingîtie ciîranîro ciake cionthe mbaro irîa eeranîre na njîra ya ndungata yake Musa.

1Maû 17:11

Rîrîa mûgaakua na mûthikwe, nîngaatua ûmwe wa avîcî aku mûthamaki na ndûme ûthamaki wake ûgîe vinya.

1Maû 22:18

“Ngai-Mûnene, Ngai wenyu ethîrîtwe namue na nîamûvete thayû mîena yonthe. Nîamvotithîtie kûvoota andû onthe arîa maatûûraga vûrûri ûyû, na rîu vûrûri ûyû ûrî njararî cia Ngai na cia andû ake.

2Maû 6:15

Nîûvingîtie kîîranîro kîrîa werîre vava Daudi, ndungata yaku. Weranîre na kanyua gaku na we mwene nîûvingîtie maûndû mau na vinya waku.

Ayubu 34:29

Ngai angîkira arege gwîka wanarî ûndû, nîûrîkû ûngîmûtuîra ciira? Angîthitha ûthiû wake, nû ûngîvota kûmwona,

Thaburi 72:1

Onagîrîria mûthamaki gûtua ciira na kîvooto, we Ngai; na ûmûgaagîre ûthingu waku,

Thaburi 72:7

Ûthingu ûrothiî na mbere ûtûûrorî wake wonthe, na kûgîe na thayû tene na tene.

Isaia 26:12

We Ngai-Mûnene nîûtûvete thayû, nîûtûvotithîtie kûruta mawîra metû monthe.

Isaia 45:7

Nînie ndûmaga kûgîe ûtheri na ngatûma kûgîe nduma; nînie ndûmaga kûgîe thayû na ngatûma kûgîe thîna. Nînie Ngai-Mûnene ûrîa wîkaga maûndû mau monthe.

Isaia 57:19

Nînie Ngai-Mûnene ngaamava thayû, thayû kûrî arîa marî kûraca na arîa marî gûkuvî! Nînie ngaavonia andû akwa.

Isaia 66:12

Ngai-Mûnene arauga atîrî, “Ngaava îtûûra rîa Jerusalemu ûtonga mwîngî ta rûnjî, na ûtonga wa ndûrîrî ûgeecûra kuo ta rûnjî rûrî rwîcûru. Namue mûkoonga na mûkuuagwe ta mwana wa rûkenge, na mûthathawe ta mwana athathaagwa arî cierorî cia ng'ina.

Hagai 2:9

Hekarû îrîa njerû îkethîrwa îrî nthaka gûkîra ya mbere, na kûu nîkuo ngarathimîra andû akwa.” Ûguo nîguo Ngai-Mûnene mwene vinya wonthe arauga.

Atir 6:24

Gideoni nîwatumîre Ngai-Mûnene metha ya kîgongoona vau, na akîmîtuîra rîîtwa, “Ngai-Mûnene nî thayû.” Metha îo ya kîgongoona îtwîre kûu îtûûrarî rîa Ofira kwa mbarî ya Abiezeri.