1Maû 22:19 - ÎVUKU RÎA ÛVORO MWARO

¹⁹ Rîu tungatagîrani Ngai-Mûnene na ngoro yonthe na meciria menyu monthe. Ûkîrani rîu mûtume hekarû ya Ngai-Mûnene, Ngai wenyu, nîguo îthandûkû rîa kîrîkanîro Kîam Ngai-Mûnene na indo irîa ntheru cia Ngai iretwe nyombarî îtumîtwe nîûndû wa Ngai-Mûnene.”

1Maû 22:19 ပူးပေါင်းရင်းမြစ်များ

1Atha 5:3

“Nîwicî atî vava Daudi ndangîavotire gûtumîra Ngai-Mûnene, Ngai wake hekarû nîûndû wa mbaara irîa aarûaga na nthû irîa ciamûthiûrûrûkîrîtie nginya rîrîa Ngai-Mûnene aamûvotithirie kûvoota nthû ciake.

1Atha 8:21

Nîndumîte vandû va kwiga îthandûkû rîa kîrîkanîro Kîam Ngai-Mûnene. Kîrîkanîro kîu nîkîo Ngai-Mûnene aarûthire na methe metû rîrîa aamarutire vûrûrirî wa Misiri.”

1Atha 8:6

Athînjîri-Ngai nîmaacokire magîkuua îthandûkû rîa kîrîkanîro na makîrigîrîra vandû varîa vatheru Mûno rungu rwa akerubi.

1Maû 16:10

Kenani nîûndû mûrî ake, arîa onthe mamûgoocaga nîmacanjamûke!

1Maû 16:11

Cariani Ngai-Mûnene nîguo amûtethie, na mûmûgoocage vîndî cionthe!

1Maû 22:16

na thaavu, sîlûva, gîcango na cuuma. Ûkîra rîu wambîrîrie wîra, na Ngai-Mûnene ethagîrwe nawe!”

1Maû 22:7

Daudi nîwerire Solomoni atîrî, “Mûvîcîwa nîrendete gûtuma hekarû ya kûgoocagîra Ngai-Mûnene, Ngai wakwa.

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 20:3

Jehoshafati nîwamakire na akîvoya Ngai-Mûnene amwonie ûrîa agwîka. Nîwacokire akîanîrîra andû onthe a vûrûri wa Juda menyerekie.

2Maû 5:7

Kwoguo athînjîri-Ngai nîmaakuuire îthandûkû rîa kîrîkanîro na makîrîvira hekarûrî makîrîtonyia vandû varîa vatheru mûno varîa vaarûthîtwe nîûndû wa rîo rungu rwa akerubi.

2Maû 6:11

Kûu hekarûrî nîmbigîte îthandûkû rîa kîrîkanîro rîrî na ivengere cia Maathani ma Ngai-Mûnene marîa aarîkanîre na andû a Isiraeli.”

Thaburi 119:2

Kûrathimwa nî arîa marûmagîrîra kîrîra gîake, arîa mamûcaragia na ngoro ciao cionthe;

Thaburi 14:2

Ngai-Mûnene arî îgûrû nîaroragia andû gûkû nthî, nîguo one kana kûrî wanarî andû aûgî, wana kana kûrî andû mamûgoocaga.

Thaburi 27:4

Mvoete Ngai-Mûnene ûndû ûmwe, na nîguo nîracaria: gûtûûra nyombarî yake ûtûûro wakwa wonthe, ngîonaga wega wa Ngai-Mûnene, na ngîcaragia wendi wake hekarûrî yake.

Ntha 25:8

Andû nwanginya mandumîre îgema îtheru rîa gwîkaraga nîguo ndûûrage gatagatîrî kao.

Isaia 60:1

We Zayuni rûngama na ûkenge nîûndû ûtheri nîûkwarîrîte, na riiri wa Ngai-Mûnene nîûkûmûrîkîrîte!

Jeremia 29:13

Nîmûkaanjaria na mûmone, rîrîa mûkanjaria na ngoro yenyu yonthe,

Danieli 9:3

Nînathiîre kûrî Mwathani Ngai na ngîmûvoya ngîmûthaithaga na nîînyereketie, mbîkîrîte nguo cia macakaya, na ngevaka mûu.

Hagai 1:5

Rîu Ngai-Mûnene mwene vinya wonthe arauga atîrî, “Îîcirieni kana mwîthîrîtwe mûgîka waro.

Hagai 1:8

Rîu thiîni irîmarî mûgateme mîtî mûtume hekarû rîngî, nîguo nîmîkenerere na ngoocagwe ûrîa kwagîrîrîte.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 22:16

Na rîu wetererete Ndûî? Ûkîra ûvoe Ngai, ûvatithue na nîûkwoverwa mevia maku.’

Gûco 4:29

Mûrî kûu, nîmûgaacaria Ngai-Mûnene, Ngai wenyu na nîmûkaamwona, ethîrwa nama nîmûkaamûcaria na ngoro yonthe na mwoyo wonthe.