1Maû 21:27 - ÎVUKU RÎA ÛVORO MWARO

²⁷ Ngai-Mûnene nîwacokire akîatha mûraika acokie rûviû rwake njûrarî, nake nîwathîkire.

1Maû 21:27 ပူးပေါင်းရင်းမြစ်များ

2Sam 24:16

Rîrîa mûraika wa Ngai-Mûnene aarî vakuvî gûcûkangia Jerusalemu Ngai-Mûnene nîwericûkirwe ûvororî wîgiî kûverithia andû ake na akîra mûraika ûcio waûraganaga atîrî, “Tiga rîu! Ûguo nî mwîganu!” Mûraika ûcio aarî vakuvî na varîa Arauna, ûrîa warî Mûjebusi aavûûragîra ngano.

1Maû 21:12

mîaka îthatû ya yûra, kana mîeri îthatû ya gûcûkangua nî nthû ciaku kana mîthenya îthatû ya îverithia rîa Ngai-Mûnene na agûtûmîre mîrimû vûrûrirî wonthe na mûraika wa Ngai-Mûnene athiî agîcûkangagia andû vûrûrirî wonthe wa Isiraeli. Rîu mbîra ûrîa ngûcokeria ûrîa ûndûmîte.”

1Maû 21:20

Orinani nîmaavûraga ngano arî na avîcî ake ana vau îtîrirî. Rîrîa anake acio ana moonire mûraika, nîmethithire.

1Maû 21:26

Daudi nîwatumire metha ya kîgongoona ya Ngai-Mûnene vau na nîwarutire matega ma kûvîvua na matega ma thayû. Nîwavoire na Ngai-Mûnene nîwamûcokerie mavoya make na njîra ya gûtûma mwaki kuuma îgûrû na ûkînyûrûrûka ûkîvîvia matega mau.

1Maû 21:28

Rîrîa Daudi oonire atî Ngai-Mûnene nîwacokirie mavoya marîa aavoire arî vau îtîrirî rîa Orinani ûcio Mûjebusi, nîwarutire îgongoona arî vau,

Thaburi 103:20

Kumiani Ngai-Mûnene, mue araika arîa anene na marî vinya, mue mwathîkagîra watho wake na mwîkaga ûrîa augîte.

Jeremia 47:6

We rûviû rwa Ngai-Mûnene! Ûgakirîrîria rî? Coka njûrarî yaku, vurûka na ûkirîrîrie.

Ezek 21:30

“Cokia rûviû njûrarî yaruo. Ngamûtuîrîra mûrî varîa mwaûmbîrwe, vûrûrirî ûrîa mwaciarîrwe.

Mathaayo 26:52

Nake Jesû nîwamwîrire atîrî, “Cokia rûviû rwaku njûrarî, nîûndû arîa onthe marûaga na rûviû makaûragwa na rûviû.

Johana 18:11

Nake Jesû nîwerire Petero atîrî, “Cokia rûviû rwaku njûrarî. Nîkwa ûreciria atî ndikûnyuîra gîkomberî Kîam mathîna kîrîa Vava amvete?”

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.