1Maû 21:2 - ÎVUKU RÎA ÛVORO MWARO

² Kwoguo Daudi nîwerire Joabu na anene acio engî atîrî, “Thiîni mûgatare Aisiraeli, kuuma Beeri-shiba nginya Dani nîûndû nîngwenda kûmenya ûrîa megana.”

1Maû 21:2 ပူးပေါင်းရင်းမြစ်များ

Kîam 21:14

Mûthenya ûcio warûmîrîrîte kîraûko tene mûno, Iburahimu nîwavere Hagari irio, na mbooro îcûrîte manjî. Nîwacokire agîkuithia Hagari mwana na akîmwîngata. Hagari nîwathiîre akîûrûraga werûrî wa Beerisheba.

2Sam 17:11

Ûrîa ngûgûtaara nî atî, ûcokanîrîrie Aisiraeli onthe vamwe kuuma Dani nginya Berisheba, mengîve ta mûthanga ûrîa wîthagîrwa ûrî rûtererî rwa îria, na ûmatongorie mbaararî we mwene.

2Sam 24:15

Kwoguo Ngai-Mûnene nîwatûmire kûgîe na mûthiro kûu Isiraeli kuuma kîraûko kîu nginya îvinda rîrîa aatuîte. Vûrûri ûcio wonthe kuuma Dani nginya Beeri-shiba Aisiraeli ngiri mîrongo mûgwanja nîmaakwire.

1Atha 4:25

Vîndî îrîa yonthe Solomoni aarî mwoyo, andû a Juda na a Isiraeli kuuma Dani kûthiî nginya Beerisheba maatûûraga na thayû, wa mûndû arî na mîthavibu na mîkûyû yake.

2Maû 30:5

Kwoguo nîmaanîrîre Isiraeli kuonthe kuuma Beerisheba nginya Dani mathiî Jerusalemu magakûngûîre pasaka ya Ngai-Mûnene, Ngai wa Isiraeli. Andû nîmeekarîte îvinda îraca matakûngûîrîte pasaka marî eengî kûringana na ûrîa watho ugîte.

Nthi 29:23

Mwîtîîo nîûtûmaga mûndû agwa, nwatî mûndû ûrîa mwînyivia nî avecagwa gîtîîo.

2Akor 12:7

Nwatî nîguo ndigetîîe mûno nîûndû wa maûndû mengî ma magegania marîa noonirue, nie nînaverwe mwîgua ûrî na ûrûrû mûno mwîrîrî wakwa. Naguo mwîgua ûcio ûrutaga wîra ta mûnjaama wa Caitani nîguo ûnthînagie na ûngiragie gwîtîîa mûno.

Atir 20:1

Andû onthe a Isiraeli kuuma Dani mwena wa rûgûrû nginya Berisheba mwena wa îveti, vamwe na a kuuma vûrûrirî wa Gileadi mwena wa îrathîro, nîmaagomanire vamwe mbere ya Ngai-Mûnene marî gîkundi kîmwe kûu Mizipa.

1Sam 3:20

Nao andû a Isiraeli, kuuma Dani nginya Berishiba nîmaamenyire atî, na ma Samueli aarî mûrathi wa Ngai-Mûnene.