1Maû 21:12 - ÎVUKU RÎA ÛVORO MWARO

¹² mîaka îthatû ya yûra, kana mîeri îthatû ya gûcûkangua nî nthû ciaku kana mîthenya îthatû ya îverithia rîa Ngai-Mûnene na agûtûmîre mîrimû vûrûrirî wonthe na mûraika wa Ngai-Mûnene athiî agîcûkangagia andû vûrûrirî wonthe wa Isiraeli. Rîu mbîra ûrîa ngûcokeria ûrîa ûndûmîte.”

1Maû 21:12 ပူးပေါင်းရင်းမြစ်များ

2Sam 21:1

Vîndî îrîa Daudi aathanaga, nîkwagîre na yûra înene îvinda rîa mîaka îthatû. Kwoguo Daudi nîwavoire Ngai-Mûnene, nake Ngai-Mûnene akîmwîra atîrî, “Saûlo na andû a mûciî wake nîo matûmîte kûgîe na yûra nîûndû wa aûragani; nîmaûragithîtie andû a Gibeoni.”

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

2Atha 19:35

Ûtukû ûcio, mûraika wa Ngai-Mûnene nîwathiîre kûrîa andû a Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko Kîam mûthenya ûcio wîngî, nîmeethîrîrie athigari acio onthe marî akuû!

2Atha 8:1

Elisha nîwerîte mûndûmûka ûrîa watûûraga Shunemu, ûrîa aariûkîtie mûvîcî atîrî, “Ûkîra mûrî na andû a nyomba yaku na mûthiî kûndû kwîngî, nîûndû Ngai-Mûnene nîagûtûma kûgîe na yûra vûrûrirî îvinda rîa mîaka mûgwanja.”

1Maû 21:11

Kwoguo Gadi nîwathiîre kûrî Daudi na nîwamwîrire atîrî, “Ngai-Mûnene augîte wîthuurîre ûndû ûmwe gatagatî ka mama:

Thaburi 91:6

kana mîthiro îrîa yûkaga ûtukû kana maûndû macûku marîa maûkaga mûthenya.

Ntha 12:23

Vîndî îrîa Ngai-Mûnene akaavîtûkîrîra vûrûrirî wa Misiri kûraga andû a kuo, nîakoona nthakame itugîrî cia mîrango yenyu. Nake nî akaagiria mûraika ûrîa ûkethîrwa akîûraga andû a Misiri atonya kwenyu nyomba amûûrage.

Isaia 66:16

Nîûndû Ngai-Mûnene agaatuîra andû onthe na mwaki na rûviû rwake; nao andû eengî nîmakaaûragwa.

Jeremia 12:12

Îgûrû rîa irîma cionthe werûrî, andû arîa manjûkangagia nî akinyu, nîûndû rûviû rwa Ngai-Mûnene nîrûgûcûkangia vûrûri wonthe, kuuma mwena ûmwe wa vûrûri nginya ûrîa wîngî, gûtirî mûndû ûgaatûra na thayû.

Jeremia 42:16

mbaara îrîa mwîtigagîra nîikaamwîthîrîria kuo, na yûra rîrîa mwîtigagîra nîmûgaacemania narîo kûu Misiri na nîmûgaakuîra kuo.

Jeremia 47:6

We rûviû rwa Ngai-Mûnene! Ûgakirîrîria rî? Coka njûrarî yaku, vurûka na ûkirîrîrie.

Maca 4:9

Kava arîa maaûragîrwe mbaararî, gûkîra arîa maakwire nî yûra, maakwire kavora nî yûra, nîûndû wa gûtura irio.

Alawi 26:10

Irio cienyu nîikeengîva mûno, na vîndî ya maketha nîkwa mûgaata irîa ngûrû nîguo irîa ikethîrwa igîkethwa cione gwa kwigwa.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Luka 4:25

Jesû nîwerire andû acio atîrî, “Taririkanani ûrîa gwekîkire vîndî ya Elija, rîrîa gwekarire mîaka îthatû na nuthu gûtakuura mbura, na gûkîgîa yûra rînene mûno vûrûrirî wonthe wa Isiraeli. Nîramwîra na ma atî kwarî na aka eengî a ndigwa,

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

Gûco 28:15

“Nwatî ethîrwa mûtikaathîkîra na kinyi ûrîa Ngai-Mûnene Ngai wenyu akuuga, kana mûrege kûvingia maathani make na maûndû monthe marîa ngûmwatha ûmûnthî nîmûkaanyitwa nî irumi ino cionthe irûmîrîrîte na mûtûûre nacio nginya rîrîa ikaamûthiria.

Gûco 28:22

Ngai-Mûnene nîagaatûma mûnyitwe nî wonje, kûgîa na matoo mwîrî, kûviûva mwîrî, ûrugarî mwîngî, na gûtura mbura. Maûndû mau matikaathira kûrî mue nginya rîrîa mûgaakua.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 28:27

Ngai-Mûnene nîagaatûma mûgîe na nyimba ta irîa ciarî na andû a Misiri, na atûme mîîrî yenyu îtûrîkange ironda. Nîmûkaagîa na ûvere na mwîthûa na mûtikaavora.

Gûco 28:35

Ngai-Mûnene nîagaatûma magûrû menyu mecûrwe nî nyimba irî na ûrûrû mûno na itangîvora, kuuma gîtende nginya kîongo.