1Maû 20:1 - ÎVUKU RÎA ÛVORO MWARO

¹ Kîambîrîria Kîam mwaka mavinda marîa athamaki maamenyerete kûthiî mbaararî, Joabu nîwatongoririe athigari a mbaara na makîthiî vûrûrirî wa Aamoni na makîûgwata. Nîmaarigicîrie îtûûra rîa Raba makîrîtharîkîra na makîrîcûkangia. Nwatî mûthamaki Daudi eekarîte Jerusalemu.

1Maû 20:1 ပူးပေါင်းရင်းမြစ်များ

2Sam 11:1

Kîambîrîriarî Kîam mwaka vîndî îrîa athamaki maamenyerete kûthiî mbaararî, Daudi nîwatûmire Joabu, vamwe na ndungata ciake wana Aisiraeli onthe mathiî vamwe. Nao nîmaavootire Aamoni na makîthiûrûrûkîria îtûûra rîa Roba. Nwatî Daudi ke mwene nîwatigirwe Jerusalemu.

2Sam 17:27

Rîrîa Daudi aakinyire Mahanaimu nîwatûngirwe nî Shobi mûvîcî wa Nahashu, ûrîa waumîte îtûûrarî rîa Raba, rîrîa rîarî vûrûrirî wa Aamoni. Shobi maarî na Makiru, mûvîcî wa Amieli, ûrîa waumîte Lodebari, na Barizilai ûrîa waumîte Rogelimu. Rogelimu yarî vûrûrirî wa Gileadi.

1Atha 20:22

Mûrathi nîwacokire akîthiî kûrî mûthamaki wa Isiraeli na akîmwîra atîrî, “Thiî wîvarîrie waro na ûmenye ûrîa ûgwîka, nîûndû mûthamaki wa Sîria nîagaakûtharîkîra îvinda rîu rîngî rîa mvevo.”

1Atha 20:26

Îvinda rîu rîngî rîa mvevo, Benihadadi nîwaûnganirie Asîria na makîthiî îtûûrarî rîa Afeku nîguo makarûe na Aisiraeli.

2Atha 13:20

Elisha nîwakwire na andû makîmûthika. Ikundi cia athigari a mbaara cia andû a Moabu nîmaatharîkagîra vûrûri wa Isiraeli wa mwaka wa mwaka.

1Maû 19:19

Rîrîa athamaki arîa maarî ndungata cia mûthamaki Hadadezeri moonire atî nîmavootwa nî Aisiraeli, nîmaarûthire kîrîkanîro Kîam thayû na Daudi na magîtuîka ndungata ciake. Asîria nîmaaregire gûgaatethia andû a Aamoni rîngî.

Isaia 54:16

“Taroria, nînie naûmbire mûturi wa indo cia cuuma, ûrîa ûvurutaga mwaki wa makara, agacoka agatura indo cia mbaara naguo. Na nwanie naûmbire mûndû ûrîa ûcûkangagia akathiria.

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Ezek 21:20

Ûgeekîra rûûri rwa kwonia mûthamaki njîra îrîa îthiîte Raba, îtûûra rînene rîa Aamoni. Nîûgekîra rûûri rwîngî rwa kwonania njîra îrîa îthiîte Jerusalemu îtûûrarî rîrîa rîgitîre rîa Juda.

Ezek 25:5

Nîngaatua îtûûra rîa Raba kûndû gwa kûrîthagua ngamîîra, na ndue matûûra ma Amoni njaga cia ng'ondu. Namue nîmûkaamenya atî nie nînie Ngai-Mûnene.”

Amosi 1:14

Kwoguo nîngaatûma mwaki wakane rûthingorî rwa Raba, na ûcûkangie kûrîa kûgitîre îtûûrarî rîu. Mûthenya wa mbaara nîgûkaagîa na înegene rînene, nayo mbaara nîîkaneneva ta kîvuvûkanio kînene.

Gûco 3:11

“Ogu, mûthamaki wa Bashani nîke wenga watigarîte gatagatîrî ka njiarwa cionthe cia Refaimu. Gîtanda gîake gîatumîtwe na cuuma. Kîarî na ûraca wa mita inya (4) na wariî wa mita igîrî (2), kûringana na kîthimi kîrîa Kîamgîrîrîte. Gîtanda kîu nwa kîonagwa Raba, îtûûra înene rîa Aamori.