1Maû 19:6 - ÎVUKU RÎA ÛVORO MWARO

⁶ Andû a Aamoni nîmaamenyire atî nîmaavîtîrie Daudi. Kwoguo mûthamaki Hanuni na andû ake nîmaatûmanire sîlûva ya kilo ngiri mîrongo îthatû na inya (34,000) cia gûkombora ikaari cia mbarathi na andû a kûthiî na mbarathi kuuma Mesopotamia, Aram-maaka (nîkuo gwîtagwa Sîria) na Zoba.

1Maû 19:6 ပူးပေါင်းရင်းမြစ်များ

Kîam 34:30

Jakovu nîwerire Simeoni na Lawi atîrî, “Mue nîmwandetera thîna. Nîûndû Akanaani, Aperizi na andû onthe a vûrûri ûyû nîmakûmena. Ndirî na arûme eengî, na kwoguo andû a gûkû mangînyitana vamwe na manthithûkîre nwa mambûrage vamwe na andû akwa.”

2Sam 10:6

Rîrîa Aamoni moonire atî nîmatuma ûthû na Daudi, nîmaakomborire athigari ngiri mîrongo îîrî cia Sîria kuuma Bethireehobu na Zoba, athigari ngiri îkûmi na igîrî kuuma Tobu, na mûthamaki wa Maaka na athigari ake ngiri îmwe.

2Sam 8:3

Daudi nîwacokire akîvoota Hadadezeri, mûvîcî wa Rehobu. Hadadezeri aarî mûthamaki wa Zoba kûrîa kwarî Sîria. Daudi aavootire mûthamaki ûcio rîrîa mûthamaki aathiîte gûkûûra vûrûri wake ûrîa warî vakuvî na rûnjî rwa Farati.

1Maû 18:5

Rîrîa athigari a Sîria a kuuma Damesiki maathiîre gûtethia mûthamaki Hadadezeri wa Zoba, Daudi nîwamatharîkîre na nîwaûragire athigari ngiri mîrongo îîrî na igîrî (22,000) a Sîria.

1Maû 18:9

Rîrîa Mûthamaki Tou wa Hamathi eegwire atî mûthamaki Daudi nîwavootete athigari onthe a Hadadezeri mûthamaki wa Zoba,

1Maû 19:5

Rîrîa Daudi eerirwe ûvoro wao, nîwatûmire andû mathiî makamatûnge nîûndû nîmegucaga marî na nthoni mûno. Mûthamaki Daudi nîwaugire nîmekare Jeriko nginya rîrîa nderu ciao igaakûra nîguo macoke.

2Maû 18:3

Ahabu, mûthamaki wa Isiraeli nîwaûririe Jehoshafati mûthamaki wa Juda atîrî, “Nîûgwîtîkîra tûthiî nawe tûkatharîkîre Ramothi-gileadi?” Nake Jehoshafati nîwamûcokerie atîrî, “Îî nînetîkîra, athigari akwa a mbaara nwa ta athigari aku. Nîtûkûnyitanîra nawe mbaararî.”

2Maû 18:5

Kwoguo mûthamaki Ahabu nîwagomanirie arathi ta magana mana (400) vamwe na akîmaûria atîrî, “Nîtwagîrîrwe nî kûthiî kûtharîkîra îtûûra rîa Ramothi-gileadi kana tûtiagîrîrwe?” Nao nîmaamûcokerie atîrî, “Thiî ûkarîtharîkîre. Ngai nîagûkûvotithia kûrîvoota.”

2Maû 18:9

Ahabu, mûthamaki wa Isiraeli na Jehoshafati, mûthamaki wa Juda nîmeekîrîte nguo ciao cia ûthamaki na magekarîra itî cia ûthamaki îtîrirî varîa vaavûragîrwa ngano vakuvî na kîvingo gîa îtûûra rîa Samaria. Nao arathi onthe nîmaarathaga movoro marî mbere yao.

2Maû 25:6

Amazia nîwacokire agîkombora athigari engî a mbaara maarî na vinya na njamba ngiri îgana rîmwe (100,000) kuuma Isiraeli. Aamakomborire kilo ngiri ithatû na magana mana (3,400) cia sîlûva.

2Maû 27:5

Mûthamaki Jothamu nîwarûire na mûthamaki wa Amoni na akîmûvoota. Mwakarî ûcio, andû a Aamoni nîmaarîvire gooti ya kilo ngiri ithatû na magana mana (3,400) cia sîlûva, tani ngiri îmwe (1,000) cia ngano na tani ngiri îmwe (1,000) cia cairi kûrî mûthamaki Jothamu. Ûguo nwaguo maamûrîvire mwaka wa kaîrî, wana wa kathatû.

Thaburi 14:3

Nwatî onthe nî eviu, mevîtie ûndû ûmwe onthe. Gûtirî wanarî ûmwe wao wîkaga waro, gûtirî wanarî ûmwe.

Thaburi 46:9

Nîathiragia mbaara kûndû kuonthe gûkû nthî, nîaunangaga mota, na agacûkangia matumû, na nîavîvagia ngo na mwaki.

Ntha 5:21

Nao nîmeerire Musa na Aroni atîrî, “Ngai-Mûnene nîonete ûrîa mwîkîte na nîakûmûtuîra nîûndû nîmûtûmîte mûthamaki na atongoria ake matûthûra. Nîmûmavete kîîgwatio gîa gûtûraga.”

Luka 10:16

Jesû nîwacokire akîîra arutwa ake atîrî, “Mûndû wa wonthe ûrîa ûmûthikagîrîria, nînie athikagîrîria; na mûndû wa wonthe ûrîa ûmûregaga, nînie aregaga, na mûndû wa wonthe ûrîa ûndegaga, aregaga ûrîa wandûmire.”

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.

1Sam 13:4

Nao andû a Isiraeli onthe nîmeguîte atî Saûlo nîwaûragîte mûnene wa Afilisiti, na atî Aisiraeli nîmaamenetwe nî Afilisiti. Kwoguo andû nîmeetîkîrire kûthiî na Saûlo kûu Giligali.

1Sam 14:47

Vîndî îrîa Saûlo aatuîkire Mûthamaki wa Isiraeli, nîwarûire na nthû ciake cionthe kuuma mîena yonthe: Nîwarûire na Amoabu, andû a Amoni, Aedomu, athamaki a Zoba na Afilisiti. Nao andû onthe arîa ke aathiîcaga kûrûa nao, nîwamavootaga.

1Sam 27:12

Nwatî Akishi nîwetîkirie Daudi na akîîra na ngoro atî, Daudi nîwathûrîtwe mûno nî andû ake a Isiraeli, na kwoguo nîatûûra andungatagîra vîndî cionthe.