1Maû 19:2 - ÎVUKU RÎA ÛVORO MWARO

² Nake Daudi nîwaugire atîrî, “Nîngûva Hanuni gîtîîo nîûndû îthe Nahashi nîwamvete gîtîîo.” Kwoguo Daudi nîwatûmire anjaama nîguo makaûmîrîrie Hanuni nîûndû wa îthe gûkua. Rîrîa maakinyire Aamoni kwa mûthamaki Hanuni,

1Maû 19:2 ပူးပေါင်းရင်းမြစ်များ

2Sam 9:1

Vîndî îmwe Daudi nîwaûririe atîrî, “Kûrî na mûndû wanarî ûmwe ûtigarîte wa kuuma mûciî wa Saûlo? Ethîrwa kûrî nake, nie nwa mende gwîka mûndû ûcio maûndû maro nîûndû wa Jonathani.”

2Sam 9:7

Daudi nîwamwîrire atîrî, “Tiga gwîtigîra nîngûgwîka maûndû ma ntha nîûndû wa aguo Jonathani; na nîngûgûcokeria kîthaka kîonthe kîrîa Kîamrî Kîam ûmaguo Saûlo, na tûkaarîcanagîra nawe vingo cionthe.”

2Atha 4:13

Elisha nîwerire Gehazi atîrî, “Mûrie ûrîa nîngîmwîkîra nîûndû wa maûndû mama monthe atwîkîte. Nîakwenda arîrîrue kûrî mûthamaki kana kûrî mûnene wa athigari a mbaara?” Nake mûndûmûka nîwacokirie atîrî, “Nîrîmwîganîru nîrî gatagatîrî ka andû a mûvîrîga wetû.”

1Maû 19:1

Vuvarî mûthamaki Nahashi wa Aamoni nîwakwire. Nake mûvîcî Hanuni nîwatuîkire mûthamaki vuva wake.

1Maû 19:3

atongoria a andû a Aamoni nîmeerire mûthamaki wao atîrî, “Ûreciria nî gîtîîo Kîam aguo gîtûmîte Daudi atûma anjaama nîguo maûke makûmîrîrie? Naarî! Amatûmîte maûke marî athigani a vûrûri nîguo makaaûvota!”

Nehemia 13:1

Mûthenya ûcio andû nîmaathomerwe na mûgambo mûnene Watho kuuma îvukuurî rîa Musa. Wathorî ûcio nîmaathomire vandû varîa vaaugîte atî gûtirî vîndî wana îrîkû andû a Aamoni kana Amoabu mageetîkîrua gûtonya kîûnganorî Kîam andû a Ngai.

Nehemia 4:3

Tobia ûrîa Mûamoni aarî vo rîrîa Sanibalati aaugire ûguo na Tobia akiuga atîrî. “Rûthingo rûu maratuma wana mbwe îgatwa îgûrû rîaruo nî kwomomoka!”

Nehemia 4:7

Nwatî rîrîa Sanibalati, Tobia na andû a Arabia, Aamoni, na Ashidodi meegwire atî wîra wa gûtuma rûthingo rwa Jerusalemu rîngî nwa ûrathiî na mbere na kûrîa kwarî na mîanya nîkûravingwa nîmaarakarire mûno.

Esita 6:3

Nake mûthamaki nîwaûririe atîrî, “Moridekai aaveerwe gîtîîo kîrîkû kana ngathî îrîkû nîûndû wa ûndû ûcio eekire?” Nacio ndungata ciake nîciacokirie atîrî, “Gûtirî ûndû eekirwe.”

Mûvunjia 9:15

Gatûûrarî kau kwarî na mûndûmûrûme ûmwe mûûgî na warî mûthîni na watûmire gatûûra kau kavonoke na njîra ya ûûgî wake. Nwatî gûtirî mûndû wacokire kûririkana mûndû ûcio mûthîni.

Johana 11:19

na andû eengî kuuma Judea maarî athiîu kûmîrîria Maritha na Mariamu nîûndû wa gûkuîrwa nî mûrwang'ina.

1Sam 30:26

Rîrîa Daudi aacokire Zikilagi, nîwavecanire indo imwe cia irîa ciatavîtwe kûrî arata ake arîa maarî atongoria a Juda, na akîmeera atîrî, “Gîkî nîkîo kîveo kîenyu kîrîa kiumîte kûrî indo irîa itavîtwe kuuma kûrî nthû cia Ngai-Mûnene.”