1Maû 19:13 - ÎVUKU RÎA ÛVORO MWARO

¹³ Gîa na vinya na ûcamba na tûrûîrîre andû etû na matûûra ma Ngai wetû. Ngai-Mûnene nîagwîka ûrîa akwona kwagîrîrîte.”

1Maû 19:13 ပူးပေါင်းရင်းမြစ်များ

2Sam 10:12

Îyûmîrîrie! Tûrûe na vinya nîûndû wa andû etû na matûûra ma Ngai wetû. Nake Ngai-Mûnene aroeka wa ûrîa akwona kwagîrîre.”

2Sam 15:26

Nwatî angîthîrwa tî mûkenu nînie gûtirî ûndû, nîakambîka wa ûrîa akoona kwagîrîrîte.”

1Maû 19:12

Joabu nîwerire Abishai atîrî, “Ûngîkoona athigari a Sîria marî na vinya kûngîra, ûgaaûka ûndethie, nao Aamoni mangîkaagîa na vinya gûgûkîra ngaaûka ngûtethie.

1Maû 19:14

Kwoguo Joabu na andû ake nîmaathiîre kûtharîkîra andû a Sîria, nao andû a Sîria nîmaaûrire.

Ezira 10:4

Ûkîra wîke ûrîa wagîrîrwe nî gwîka. Îîyûmîrîrie tue nîtûgûkûnyita mbaru.”

Nehemia 4:14

Nînaroririe ngîona atî andû maarî amaku mûno. Kwoguo nînameerire wa vamwe na atongoria na anene ao atîrî, “Mûtikamakue nî nthû cietû. Ririkanani ûrîa Mwathani arî mûnene na arî vinya na mûrûîrîre andû enyu, ciana cienyu, aka enyu, na mîciî yenyu.”

Ayubu 1:22

Maûndûrî mama monthe Ayubu ndevia na ndaaruta Ngai mavîtia.

Thaburi 27:14

Îîvoke Ngai-Mûnene. Gîa na vinya, na ndûgakue ngoro. Îîvoke Ngai-Mûnene.

1Akor 16:13

Îkaragani mwîvarîrîtie na mwîkindîrîtie wîtîkiorî wenyu. Gîani na ûmîrîru. Gîani na vinya.

Josh 1:7

Kwoguo gîa na vinya na ûmîrîrie na wathîkagîre watho wonthe kûringana na ûrîa Musa ndungata yakwa aakwathire. Ndûkagarûrûke na mwena wa ûrîo kana wa ûmotho ume wathorî ûcio. Na wona weka ûguo ûkavootanaga kûrîa kuonthe ûkathiîcaga.

Josh 10:25

Nîwacokire akîra anene a athigari a mbaara atîrî, “Mûtikamake kana mûnyitwa nî guoya. Gîani na vinya na mûmîrîrie nîûndû ûguo nîguo Ngai-Mûnene ageeka nthû cienyu cionthe.”

Atir 10:15

Nwatî andû a Isiraeli nîmeerire Ngai-Mûnene atîrî, “Nîtwîvîtie. Twîke wa ûrîa ûkwona kwagîrîrîte, nwatî twakûthaitha ûtûvonokie ûmûnthî.”

1Sam 17:32

Nake Daudi nîwerire Saûlo atîrî, “Mwathi wakwa, mûndû wana ûrîkû ndagetigîra Mûfilisiti ûyû! Nie ndungata yaku nîngûthiî kûrûa nake.”

1Sam 3:18

Kwoguo Samueli nîwamwîrire maûndû monthe atakûmûthitha wanarî ûndû. Nake Eli akiuga atîrî, “Ke nîke Ngai-Mûnene, tiga eke ûndû wa wonthe ûrîa ke akwona ûrî mwaro.”

1Sam 4:9

Mwîyûmîrîrieni Afilisiti aya na mûrûe ta arûme, nîguo tûtigatuîke ngombo cia Ahibirania ta ûrîa maarî ngombo cietû. Kwoguo rûani ta arûme.”