1Maû 18:5 - ÎVUKU RÎA ÛVORO MWARO

⁵ Rîrîa athigari a Sîria a kuuma Damesiki maathiîre gûtethia mûthamaki Hadadezeri wa Zoba, Daudi nîwamatharîkîre na nîwaûragire athigari ngiri mîrongo îîrî na igîrî (22,000) a Sîria.

1Maû 18:5 ပူးပေါင်းရင်းမြစ်များ

1Maû 18:3

Daudi nîwatharîkîre mûthamaki Hadadezeri wa Zoba vakuvî na vûrûri wa Hamathi. Vîndî îo Hadadezeri aageragia kûnenevia ûthamaki wake ûkinye mwena wa îgûrû wa rûnjî rwa Farati.

1Maû 18:4

Daudi nîwatavire ikaari ciake cia mbaara ngiri îmwe (1,000), athigari ngiri mûgwanja (7,000) arîa maathiîcaga matwîte mbarathi na athigari ngiri mîrongo îîrî (20,000) arîa maathiîcaga na magûrû. Daudi nîwaigire mbarathi cia kwîgana gûkururia ikaari îgana rîmwe (100), nwatî nîwatinirie icio ciîngî mîkiva ya magûrû ma vuva.

1Maû 18:6

Mûthamaki Daudi nîwacokire akîamba magema ma athigari ake Sîria. Nao andû a Sîria nîmaatuîkire ndungata cia Daudi na nîmaarîvaga gooti kûrî ke. Nake Ngai-Mûnene nîwatûmire Daudi avootane kûrîa kuonthe aathiîcaga.

1Maû 19:6

Andû a Aamoni nîmaamenyire atî nîmaavîtîrie Daudi. Kwoguo mûthamaki Hanuni na andû ake nîmaatûmanire sîlûva ya kilo ngiri mîrongo îthatû na inya (34,000) cia gûkombora ikaari cia mbarathi na andû a kûthiî na mbarathi kuuma Mesopotamia, Aram-maaka (nîkuo gwîtagwa Sîria) na Zoba.

Thaburi 60:2

Nîûtûmîte vûrûri winaine na watûkane; cokanîrîria vûrûri rîngî nîûndû nîkwa ûrathira.

1Sam 14:47

Vîndî îrîa Saûlo aatuîkire Mûthamaki wa Isiraeli, nîwarûire na nthû ciake cionthe kuuma mîena yonthe: Nîwarûire na Amoabu, andû a Amoni, Aedomu, athamaki a Zoba na Afilisiti. Nao andû onthe arîa ke aathiîcaga kûrûa nao, nîwamavootaga.