1Maû 17:9 - ÎVUKU RÎA ÛVORO MWARO

⁹ Nîngaathuurîra andû akwa a Isiraeli kûndû na nîngaatûma matûûrage kuo kûrî kwao, marî na thayû na matakûvinyîrîrua nî mûndû rîngî ta ûrîa matûûraga mbererî.

1Maû 17:9 ပူးပေါင်းရင်းမြစ်များ

1Maû 17:10

Kuuma kavinda karîa naathuurire atirîrîri vûrûri a gûtongoria andû akwa a Isiraeli nîneranîre nîngavoota nthû cienyu cionthe na nîngaava njiarwa cienyu kûndû gwa gûtûûra.

1Maû 17:8

Nîrethagîrwa nawe kûrîa kuonthe ûrathiîcaga na nîravootaga nthû ciaku cionthe wa ûrîa ûrathiîcaga na mbere, na nîngaagûtua mûndû ûrî na îgweta wata atongoria arîa anene a nthî.

Thaburi 44:2

ûrîa wengatire andû a ndûrîrî na vinya waku, na ûkiga andû aku mavûrûrirî ma andû acio; ûrîa waverithirie andû a mavûrûri mengî, na ûgîtûma andû aku mekindîrie.

Thaburi 89:22

Nthû ciake itikaamûvoota, andû arîa aganu matikaamûvinyîrîria.

Thaburi 92:13

Mekariî ta mîtî îvandîtwe nyombarî ya Ngai-Mûnene, îrîa îkûragîra hekarûrî ya Ngai wetû.

Ntha 2:23

Mîaka mîîngî yathira mûthamaki wa Misiri nîwakuire. Nwatî andû a Isiraeli nwa macaaga nî ûndû wa kwîthîrwa marî ûkomborî na makarîraga matethue. Ngai egua kîrîro Kîamo na

Isaia 49:17

Arîa magaagûtuma rîngî nîmagûka wa rîu, nao arîa maagûcûkangirie nîmakaauma kûrî we mathiî.

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Jeremia 24:6

Nîngamagitîra na nîmeke maûndû maro na nîngamacokia vûrûrirî ûyû. Nîngamatuma na ndikamomomora; nîngamavanda na ndikamang'aûrania.

Jeremia 32:41

Nîngakena ngîmeka maûndû maro, na ndûme mekindîrie vûrûrirî ûyû.”

Ezek 28:4

Ûûgî waku na ûtaûku nîcio itûmîte ûgîa na ûtonga. Wîyûnganîrîtie thaavu na sîlûva na ûgaciga mûthithûrî waku.

Ezek 34:13

Nîngaairuta kuuma kûrî andû a mavûrûri mageni, na nîicokie vûrûrirî wacio. Nîngaairîthia irîmarî cia vûrûri wa Isiraeli, tûrûnjîrî twakuo na kûndû kûrîa kuonthe andû matwîre vûrûrirî.

Ezek 37:25

Nîmagaatûûra vûrûrirî ûrîa naveere ndungata yakwa Jakovu. Vûrûri ûcio nî ûrîa methe mao maatûûraga. Nao o ene, ciana ciao na ciana cia ciana ciao nîmagaatûûra kuo tene na tene. Nake Daudi ndungata yakwa nîagaatuîka mûnene wao tene na tene.

Amosi 9:15

Nîngatûma andû akwa mekare vûrûrirî wao, na matikaarutwa kuo rîngî.” Ûguo nîguo Ngai-Mûnene augîte.

Aefeso 5:6

Mûtigetîkîre mûndû wana ûrîkû amûveenererie na ciugo ntheri, nîûndû mîtugo ta îo nîyo îtûmaga Ngai arakarue nî andû arîa matamwathîkagîra.

Kûguû 21:4

Ke nîakaamagiria methori monthe kuuma methorî mao. Gûtikethîrwa gîkuû, kîeva, kîrîro, kana ûrûrû rîngî. Maûndû marîa ma tene makethîrwa marî mathiru.”