1Maû 17:24 - ÎVUKU RÎA ÛVORO MWARO

²⁴ Ngumo yaku îkeethîrwa îrî nene na andû nîmagaatûûra tene na tene makiugaga, ‘Ngai-Mûnene mwene vinya wonthe, nîke Ngai wa Isiraeli.’ Nayo nyomba ya ndungata yaku Daudi nîîtûûra îîvandîte tene na tene.

1Maû 17:24 ပူးပေါင်းရင်းမြစ်များ

1Maû 17:23

“Ngai-Mûnene tûma maûndû marîa waririe megiî ndungata yaku na megiî nyomba yake mavinge tene na tene, na wîke wata ûrîa waugire nî ûgeeka.

1Maû 17:25

Ngai wakwa, nîûmenyithîtie nie ndungata yaku atî nîûgaatûma andû a nyomba yakwa matuîke athamaki. Kwoguo nîrî na ûmîrîru wa gûkûvoya nîrî mbere yaku.

2Maû 6:33

ûkaamwîgua ûrî kûu gwaku îgûrû. Ûcoke ûvingîrie mûgeni ûcio mavoya make nîguo andû onthe a nthî makûmenye na magwîtigîre wata ûrîa andû aku a Isiraeli magwîtigîrîte na mamenye atî hekarû îno ndumîte îtanîtue na rîîtwa rîaku.

Thaburi 21:13

Ûrokumua, we Ngai-Mûnene, nîûndû wa vinya waku mûnene! Tûkaaina na tûkumie ûvoti waku.

Thaburi 72:19

Rîîtwa rîake rîrî riiri rîrokumagua tene ne tene! Riiri wake ûroîcûra nthî yonthe. Ameni! Ameni!

Thaburi 90:17

Tûma wega waku we Mwathani Ngai wetû wîkarage natue, na ûtûmage maûndû marîa twîkaga magagîre.

Jeremia 31:1

Ngai-Mûnene arauga atîrî, “Îvinda rîu nîngatuîka Ngai wa mîvîrîga yonthe ya Isiraeli nao nîmagaatuîka andû akwa.”

Jeremia 38:17

Jeremia nîwacokire akîra Zedekia atîrî, “Ngai-Mûnene Ngai wa Isiraeli augîte atî, ûngîtîkîra we mwene kwîvecana kûrî atongoria a mûthamaki wa Babuloni, nîûkwîvonokia we mwene na ûvonokie îtûûra rîîrî rîtikavîvue na mwaki, na we vamwe na andû a mûciî waku nîmûgûtûûra mwoyo.

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Mathaayo 6:9

Kwoguo voyagani atîrî: ‘Vava wetû ûrî îgûrû, rîîtwa rîaku rîtheru rîrokumua.

Johana 12:28

Vava goocithia rîîtwa rîaku!” Naguo mûgambo nîwacokire ûkiuma îgûrû ûkiuga atîrî, “Nînîrîgoocithîtie na nwa ngûrîgoocithia wa rîngî.”

Johana 17:1

Jesû arîkia kwaria maûndû mama, nîwaroririe îgûrû na akîvoya atîrî, “Vava îvinda nîrîkinyu. Goocithia Mûrûguo, nîguo nake Mûrûguo akûgoocithie.

Afil 2:11

na cionthe ikaumbûraga atî Jesû Kristû nî Mwathani, nîguo Ngai Îthe akumague.

Ahib 11:16

Vandû va ûguo, meeriragîria vûrûri mwaro, vûrûri wa îgûrû. Na nîûndû wa ûguo, Ngai ndangîconoka nî o makîmwîta Ngai wao, nîûndû ke nîamathondekerete îtûûra rînene kûu îgûrû.

Ahib 8:10

Mwathani arauga atîrî, “Gîkî nîkîo kîrîkanîro kîrîa ngaathondeka na andû a Isiraeli mîthenya îrîa îgaaûka, vîndî îo nîngekîra mawatho makwa meciriarî mao, na nîmandîke ngororî ciao. Nîngaatuîka Ngai wao, nao nîmagaatuîka andû akwa.

1Pet 4:11

Mûndû ûrîa ûvunjagia nwanginya avunjagie ndûmîrîri ya Ngai, na ûrîa ûtungataga nwanginya atungatage na vinya îrîa aveetwe nî Ngai, nîguo Ngai akumague na njîra ya Jesû Kristû maûndûrî monthe marîa mûgeekaga nîûndû riiri wonthe na vinya nî ciake tene na tene. Ameni.

Kûguû 21:3

Nînegwire mûgambo mûnene ûkîaria kuuma gîtîrî Kîam ûthamaki ûkiuga atîrî: “Taroria, rîu mûciî wa Ngai ûrî vamwe na andû! Ke nîagaatûûrania nao, nao nîmagaatuîka andû ake. Ngai ke mwene agaatûûranagia nao, arî Ngai wao.