1Maû 16:27 - ÎVUKU RÎA ÛVORO MWARO

²⁷ Ngumo na ûnene nîimûthiûrûrûkîrîtie, vinya na gîkeno ciîcûrîte hekarûrî yake.

1Maû 16:27 ပူးပေါင်းရင်းမြစ်များ

1Maû 16:26

Nîûndû ngai cia ndûrîrî icio ciîngî nî mîvuanano, nwatî Ngai-Mûnene nîke waûmbire îgûrû.

1Maû 16:28

Kumiani Ngai-Mûnene andû onthe a nthî, kumiani riiri na ûvoti wake.

Nehemia 8:10

Thiîni na kwenyu mîciî na mûthondeke kîrugo, mûrîe na mûnyue ndivei îrîa mbaro na mûgaîre arîa matarî na kîndû irio icio cienyu nîûndû ûmûnthî nî mûthenya mûtheru wa Mwathani wetû, kwoguo mûtikegue kîeva. Gîkeno Kîam Ngai-Mûnene nîkîo vinya wenyu.”

Thaburi 16:11

We nîûmonagîrîria njîra îrîa îthiîte mwoyorî, nîrî varî we mbîthagîrwa mbîcûrîtwe nî gîkeno gîkinyanîru, njararî yaku îrî na vinya varî gîkeno gîa tene na tene.

Thaburi 8:1

Ûûi Ngai-Mûnene, Mwathani wetû, rîîtwa rîaku nî rînene nthî yonthe! Riiri waku ûkinyîte îgûrû matuurî.

Thaburi 96:6

Ke athiûrûrûkîrîtue nî riiri na ûnene; Hekarû yake îcûrîtwe nî vinya na ûthaka.

Ezek 1:27

Mwena wa îgûrû kuuma varîa vekariî ta kîûnû, Kîamvenavenagia ta cuuma ya gîcango îthiûrûrûkîrîtue nî mwaki. Naguo mwena wa gûcoka na nthî wa kuuma vau vekariî ta kîûnû, gwekariî ta mwaki na kûrî na ûkengu ûmûthiûrûrûkîrîtie.

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.