1Maû 16:25 - ÎVUKU RÎA ÛVORO MWARO

²⁵ Ngai-Mûnene nî mûnene na nîwagîrîrwe nî gûkumua mûno, nîwagîrîrwe nî kûvewa gîtîîo gûkîra ngai cionthe.

1Maû 16:25 ပူးပေါင်းရင်းမြစ်များ

1Maû 16:24

Anîrîrani ûvoro wa riiri wake kûrî ndûrîrî cionthe, andû onthe nîmerwe maûndû make ma magegania!

2Maû 2:5

Hekarû îrîa ngaatuma îkethîrwa îrî nene nîûndû Ngai wetû nî mûnene gûkîra ngai cionthe.

Thaburi 145:3

Ngai-Mûnene nî mûnene na nîwagîrîrwe nî gûkumua mûno, ûnene wake ndûngîmenyeka nî mûndû.

Thaburi 48:1

Ngai-Mûnene nî mûnene na nîwagîrîrwe nî gûkumua mûno, îtûûrarî rîa Ngai wetû, kîrîmarî gîake kîtheru.

Thaburi 76:7

Nwatî we Ngai, wîtigîrîtwe nî andû onthe. Gûtirî mûndû ûngîrûngama mbere yaku rîrîa wî mûrakaru.

Thaburi 76:8

Nîwamenyithanirie îtuîro rîaku ûrî îgûrû; nthî nîyetigîrire na îgîkira,

Thaburi 89:7

We nîwîtigîrîtwe nî Kîamma Kîam arîa atheru, arîa onthe makûrigicîrîtie nîmagwîtigagîra mûno.

Ntha 15:11

Ngai-Mûnene, nî ngai îrîkû gatagatî ka ngai îkariî tawe? Nî ûrîkû wîkariî tawe, we ûrî ûthingu wa magegania? Nî ûrîkû ûngîringa ciama na ciîko cia vinya ta ciaku?

Jeremia 5:22

Ngai-Mûnene araûria atîrî, Nîndûî kîgiragia mûnîîtigîra? Nîndûî kîgiragia mwinaine mûrî mbere yakwa? Nînaigîre mûthanga ûtuîke mûvaka wa îria, mûvaka wa gûtûûra ûrîa rîtangîkîra. Wana ethîrwa makûmbî nîmaikanagia ava na vaarîa mwatî matingîûvîtûka, wana ethîrwa nîmarurumaga, matingîûkîra.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.