1Maû 15:3 - ÎVUKU RÎA ÛVORO MWARO

³ Daudi nîwagomanirie andû onthe a Isiraeli kûu Jerusalemu nîguo mavire îthandûkû rîa kîrîkanîro Kîam Ngai-Mûnene varîa aarîtumîrîte.

1Maû 15:3 ပူးပေါင်းရင်းမြစ်များ

2Sam 6:12

Mûthamaki Daudi nîwegwire, atî Ngai-Mûnene nîarathimîte Obedi-edomu na kîrîa kîonthe arî nakîo vamwe na andû onthe a mûciî wake nîûndû wa îthandûkû rîa kîrîkanîro. Kwoguo nîwathiîre akîruta îthandûkû rîa kîrîkanîro mûciî kwa Obedi-edomu na akîrîvira îtûûrarî rîa Daudi na gîkeno kînene mûno.

2Sam 6:17

Nîmaaretire Îthandûkû rîa Ngai-Mûnene na makîriigîrîra vandû va rîo îgemarî rîrîa Daudi aatumîte nîûndû wa rîo. Daudi nîwacokire akîrutîra Ngai-Mûnene magongoona ma kûvîvua na ma thayû.

1Atha 8:1

Mûthamaki Solomoni nîwacokire agîta athuuri onthe a Isiraeli na atongoria onthe a mîvîrîga na atongoria a mbarî cia andû a Isiraeli mathiî kûrî ke kûu Jerusalemu nîguo magakuue îthandûkû rîa Kîrîkanîro Kîam Ngai-Mûnene kuuma Zayuni, îtûûra rînene rîa Daudi marîvire hekarûrî.

1Maû 13:2

Nîwacokire akîra andû onthe a Isiraeli arîa maagomanîte atîrî, “Ethîrwa nîmûkwona kwagîrîrîte na wîthîrwe nîguo wendi wa Ngai-Mûnene, Ngai wetû, tigani tûtûme anjaama kûrî andû etû arîa engî marî vûrûrirî wonthe wa Isiraeli. Na tûtûme anjaama kûrî athînjîri-Ngai na Alawi arîa marî matûûrarî marîa marî na kûndû gwa kûrîthua tûgomane vamwe.

1Maû 13:5

Kwoguo Daudi nîwagomanirie andû onthe a Isiraeli kuuma Shihori mûvakarî wa Misiri nginya mwanyarî wa Hamathi. Andû acio maagomire nîguo mathiî magîre îthandûkû rîa kîrîkanîro Kîam Ngai kuuma Kiriathi-jearimu.

1Maû 15:1

Daudi nîwatumire nyomba ciake îtûûrarî rîa Daudi. Nîwacokire akîrûtha vandû va kwiga îthandûkû rîa kîrîkanîro Kîam Ngai na agîtuma îgema rîarîo.

1Maû 15:12

Nake nîwamerire atîrî, “Mue mûrî anene a mbarî cia Alawi. Îtherieni na mûtherie andû enyu nîguo mûvote kûreta îthandûkû rîa kîrîkanîro Kîam Ngai-Mûnene, Ngai wa Isiraeli rîvirwe vandû varîa nîrîvarîrîtie.

1Maû 16:1

Andû arîa maakuuîte îthandûkû rîa kîrîkanîro Kîam Ngai-Mûnene, nîmaarîtonyirie îgemarî rîrîa Daudi aarîtumîrîte. Nîmaacokire makîrutîra Ngai matega ma kûvîvua na matega ma thayû.

2Maû 1:2

Mûthamaki Solomoni nîwetire anene onthe a athigari arîa maarûngamagîrîra athigari ngiri îmwe, magana, na anene, atongoria onthe a Isiraeli na atongoria a mbarî cionthe cia mîvîrîga ya Isiraeli.

2Maû 1:4

(Kûnarî ûguo, îthandûkû rîa kîrîkanîro rîarî Jerusalemu rigîtwe îgemarî rîrîa mûthamaki Daudi aatumîte vîndî îrîa aarîretire kuuma Kiriathi-jearimu.)

2Maû 5:2

Mûthamaki Solomoni nîwacokire akîgomania atongoria onthe a mîvîrîga na a mbarî cia andû a Isiraeli kûu îtûûrarî rîa Jerusalemu; nîguo magîre îthandûkû rîa kîrîkanîro Kîam Ngai-Mûnene kuuma Zayuni, îtûûra rîa Daudi.

Ntha 40:20

Nîwacokire agîoca ivengere irîa igîrî cia mathiga na agîciîkîra îthandûkûrî rîa kîrîkanîro. Agîkîra mîtî ya gûkuua îthandûkû icûvîrî ciarîo na akigîrîra gîkunîko îgûrû rîarîo.

Alawi 9:5

Andû nîmaavirire mûromorî wa îgema rîa Ngai-Mûnene nyamû irîa Musa aathanîte, nao andû onthe a Isiraeli nîmaaûnganire vo nîguo magooce Ngai-Mûnene.