1Maû 15:28 - ÎVUKU RÎA ÛVORO MWARO

²⁸ Kwoguo andû onthe a Isiraeli nîmaavirire îthandûkû rîa kîrîkanîro Kîam Ngai-Mûnene Jerusalemu. Maathiîre makiugagîrîria nîûndû wa gîkeno na nîmaavuvaga tûrumbeta, coro, makîringithanagia ithaani, makinaga nyîmbo na ngita.

1Maû 15:28 ပူးပေါင်းရင်းမြစ်များ

2Sam 6:15

Kwoguo Daudi na andû onthe a Isiraeli nîmaavirire îthandûkû rîa Kîrîkanîro kûu Jerusalemu makiugagîrîria nîûndû wa gûkena na makîvuvaga tûrumbeta.

2Sam 6:5

Daudi na Aisiraeli onthe nîmaainire makîrûgaga na vinya wao wonthe nîguo makumie Ngai-Mûnene. Vîndî îo nîmaavûraga ngita, mîtûrirû, ndarama na ithaani irîa iringithanagua.

1Maû 13:8

Daudi na andû onthe nîmeinagia na vinya wao wonthe magîkumagia Ngai. Nîmaainaga makîvûraga indo cia kwina ta ngita, ndarama, ithaani irîa iringithanagua na tûrumbeta.

1Maû 15:16

Nîwathire anene a Alawi mathuure andû amwe ao a kwina makîvûraga indo ta ngita na ithaani irîa iringithanagua nîguo maine nyîmbo na gîkeno maugîrîrîtie.

1Maû 15:24

Nao athînjîri-Ngai, Shebania, Joshafati, Nethanieli, Amasai, Zekaria, Benaia na Eliezeri nîmaathuurirwe matuîke a kûvuva tûrumbeta marî mbere ya îthandûkû rîa kîrîkanîro. Obedi-edomu na Jehia wanao maarî arangîri a îthandûkû rîa kîrîkanîro.

1Maû 15:27

Daudi nîwekîrîte nguo ndaca yatumîtwe na gîtambaa Kîamro na agekîra efodi ya gîtambaa Kîamro. Aini a nyîmbo na Kenania mûtongoria wao wanao nîmeekîrîte nguo ndaca ciatumîtwe na gîtambaa Kîamro.

1Maû 15:29

Rîrîa îthandûkû rîa kîrîkanîro Kîam Ngai-Mûnene rîatonyaga îtûûrarî rînene rîa Daudi, Mikali mwarî wa Saûlo nîwaroretie arî ndiricarî ya nyomba. Rîrîa oonire mûthamaki Daudi akîinia arî na gîkeno nîwamûnyararire.

1Maû 25:1

Mûthamaki Daudi na anene a hekarû nîmaathuurire avîcî amwe a Asafu, Hemani na Jeduthuni nîûndû wa ûtungati wa nyîmbo. Maakumagia Ngai-Mûnene magîtûmagîra indo cia kwina ciagathîtwe na ndigi, ngita na ithaani irîa ciaringithanagua. Mûtaratara wa andû acio na wîra ûrîa maarutaga nî ûyû:

Nehemia 12:27

Vîndî ya kwamûrîra Ngai rûthingo rwa Jerusalemu Alawi onthe nîmaaretirwe vamwe kuuma kûrîa maatûûraga. Maaretirwe vamwe Jerusalemu nîguo makûngûîre wamûri ûcio marî na gîkeno, magîcokagîria Ngai ngatho, makinaga na ithaani irîa iringithanagua, ngita na mîtûrirû.

Thaburi 47:6

Inîrani Ngai nyîmbo cia kûmûkumia, mwinîreni! Inani mûthamaki wetû nyîmbo cia kûmûkumia, mwinîreni!

Thaburi 68:25

Aini marî mbere, nao avûûri inanda marî vuva, gatagatî kao kûrî na erîtu makîvûraga tamburini.