Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1Maû 15:15 - ÎVUKU RÎA ÛVORO MWARO

15 Alawi nîmaakuuire îthandûkû rîa kîrîkanîro Kîam Ngai. Maavûthîre mîtî kûrîkuua na ituro wata ûrîa Ngai-Mûnene aathanîte na njîra ya Musa.

အခန်းကိုကြည့်ပါ။ ကော်ပီ




1Maû 15:15
12 ပူးပေါင်းရင်းမြစ်များ  

Mûthamaki Daudi nîwegwire, atî Ngai-Mûnene nîarathimîte Obedi-edomu na kîrîa kîonthe arî nakîo vamwe na andû onthe a mûciî wake nîûndû wa îthandûkû rîa kîrîkanîro. Kwoguo nîwathiîre akîruta îthandûkû rîa kîrîkanîro mûciî kwa Obedi-edomu na akîrîvira îtûûrarî rîa Daudi na gîkeno kînene mûno.


Na rîrîa andû acio maakuîte îthandûkû rîa Kîrîkanîro maakinyûkirie makinyo matandatû, Daudi nîwamarûngamirie na akîrutîra Ngai-Mûnene îgongoona rîa ndegwa na njaû ino noru.


Itugî icio itingîonirwe nî mûndû arûngamîte vandû vengî tiga arûngamîte mbere ya vandû varîa vatheru Mûno. Itugî icio irî vo nginya ûmûnthî.


Wa rîmwe Ngai-Mûnene nîwarakarire nî Uza nîûndû nîwanyitire îthandûkû rîa kîrîkanîro. Kwoguo Ngai-Mûnene nîwamûragire na agîkua arî vau mbere yake.


Mîtî ya gûkuua îthandûkû rîa kîrîkanîro yarî mîraca, na mîthiia yayo nîyonagwa nî mûndû arûngamîte vandû varîa vatheru mbere ya varîa vatheru mûno, nwatî ndîngîonekire nî mûndû arî vandû vengî. Mîtî îo îrî vo nginya ûmûnthî.


Nîwacokire agîoca ivengere irîa igîrî cia mathiga na agîciîkîra îthandûkûrî rîa kîrîkanîro. Agîkîra mîtî ya gûkuua îthandûkû icûvîrî ciarîo na akigîrîra gîkunîko îgûrû rîarîo.


Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.


Nwatî Musa ndaanengera andû a Kohathu gîkaari kana ndegwa wanarî îmwe nîûndû wîra wao warî wa gûkuua indo irîa nyamûre, na maaikuuaga na ituro.


Vîndî îo, Ngai-Mûnene nîwathuurire andû a mûvîrîga wa Lawi makuuage îthandûkû rîa kîrîkanîro na mamûtungatagîre marî athînjîri-Ngai, na marathimage andû rîîtwarî rîake. Ûguo nîguo mekaga nginya ûmûnthî.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ