1Maû 15:13 - ÎVUKU RÎA ÛVORO MWARO

¹³ Ngai-Mûnene, Ngai wetû nîwatûverithirie nîûndû tûtiarîkuua vîndî ya mbere na tûtiarîmenyarera ta ûrîa aathanîte.”

1Maû 15:13 ပူးပေါင်းရင်းမြစ်များ

2Sam 6:3

Nîmaarutire îthandûkû rîa Kîrîkanîro rîa Ngai nyombarî ya Abinadabu îrîa yarî îgûrû rîa kîrîma makîrigîrîra îgûrû rîa gîkaari gîcerû. Nao anake a Abinadabu; Uza na Ahio nîo maathiîre na gîkaari kîu.

1Maû 13:3

Tûcoke tûthiî tûgîre îthandûkû rîa kîrîkanîro Kîam Ngai wetû rîcoke kûrî tue. Nîûndû nîtwarîtiganîrie vîndî îrîa Saûlo aarî mûthamaki.”

1Maû 15:2

Nake nîwaugire atîrî, “Gûtirî andû engî metîkîrîtue gûkuua îthandûkû rîa kîrîkanîro tiga Alawi onga, nîûndû nîo Ngai-Mûnene aathuurire marîkuage na mamûtungatagîre tene na tene.”

Nthi 28:13

Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.

Ndari 4:15

Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.

Ndari 7:9

Nwatî Musa ndaanengera andû a Kohathu gîkaari kana ndegwa wanarî îmwe nîûndû wîra wao warî wa gûkuua indo irîa nyamûre, na maaikuuaga na ituro.

1Akor 11:2

Nînîmûgathagîrîria nîûndû nîmûndirikanaga vingo cionthe na nîmûrûmagîrîra waro kîrîra kîrîa namûkinyîrie.

1Akor 14:40

Maûndû monthe magîrîrwe marûthagwe na njîra mbaro na îrî na mûvango.

Gûco 31:9

Musa nîwandîkire watho wa Ngai na akîûnenganîra kûrî athînjîri-Ngai, Alawi arîa maakuuaga îthandûkû rîa kîrîkanîro Kîam Ngai-Mûnene na atongoria onthe a Isiraeli.