1Maû 13:6 - ÎVUKU RÎA ÛVORO MWARO

⁶ Daudi na andû onthe a Isiraeli nîmaaunûkirie na makîthiî Baala na nîkuo Kiriathi-jearimu vûrûrirî wa Juda nîguo magîre îthandûkû rîa kîrîkanîro Kîam Ngai. Îthandûkû rîu nîrîo rîrî na rîîtwa rîa Ngai-Mûnene ûrîa wîkaragîra gîtî Kîam Ûthamaki na arî mûnene kûrî Akerubi.

1Maû 13:6 ပူးပေါင်းရင်းမြစ်များ

1Atha 8:16

‘Kuuma rîrîa naarutire andû akwa Aisiraeli vûrûrirî wa Misiri, ndianathuura îtûûra wanarî rîmwe mîvîrîgarî yonthe ya Isiraeli varîa nîngîatumîrwe hekarû nîguo ngoocagîrwe vo. Nwatî nînathuurire Daudi nîguo atongorie andû akwa Aisiraeli.’ ”

2Atha 19:15

Mûthamaki Hezekia nîwavoire atîrî, “We Ngai-Mûnene Ngai wa Isiraeli, we wîkarîte gîtîrî gîaku Kîam ûthamaki îgûrû rîa Akerubi, we wenga tu nîwe Ngai, we nîwe Ngai wa mothamaki monthe ma nthî. We nîwe waûmbire nthî na îgûrû.

Thaburi 80:1

We mûrîthi wa andû a Isiraeli tûthikîrîrie, we ûtongoragia njiarwa cia Josefu ta ndîthia ya ng'ondu. We wîkaragîra gîtî gîaku Kîam ûnene îgûrû rîa akerubi, onania ûnene waku.

Thaburi 99:1

Ngai-Mûnene nî mûthamaki, andû nî mateteme. Ekarîrîte gîtî Kîam ûthamaki îgûrû rîa Akerubi; nayo nthî nîîthingithe.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Ntha 23:21

Mûthikagîrîrieni na mûmwathîkagîre na mûtikamûkararie. Mwaregana nake ndakaamûrekera nîûndû nînie nîmûtûmîte.

Ntha 25:22

Vau nîvo ngaatûngana nawe. Na îgûrû rîa gîkunîko Kîam îthandûkû, gatagatî ka akerubi acio aîrî marî îgûrû gîkunîkorî Kîam îthandûkû, nîvo ngaakwarîria ngûnengere maathani ma andû a Isiraeli.

Isaia 37:16

“We Ngai-Mûnene mwene vinya wonthe, Ngai wa Isiraeli, ûrîa wîkarîrîte gîtî Kîam ûthamaki îgûrû rîa akerubi, we wenga nîwe Ngai wa mothamaki monthe ma nthî; we nîwe waûmbire îgûrû na nthî.

Ndari 6:27

Ngai-Mûnene nîwaugire atîrî, “Mangîkaarathima andû a Isiraeli makîgwetaga rîîtwa rîakwa, nîngaamarathima.”

Ndari 7:89

Rîrîa Musa aathiîre îgemarî rîa gûcemanîrua kwaria na Ngai-Mûnene, nîwegwire mûgambo ûkîmwarîria umîte varîa mevia movanagîrwa varîa vaarî îgûrû rîa îthandûkû rîa kîrîkanîro gatagatî ka akerubi aîrî.

Josh 15:60

Nîmaaveerwe matûûra marîa manene mengî maîrî vamwe na icagi irîa ciarî vakuvî namo. Namo nî: Kiriathi Baali (kana na rîîtwa rîngî Kiriathi-jearimu) na Raba.

Josh 15:9

Kuuma vau mûvaka wa Juda nîwathiîrîrîte ithimarî cia Nefutoa, na ûkathiîra matûûrarî marîa marî vakuvî na kîrîma Kîam Efironi. Wakinya vau nîwacokete ûkegata ûkathiî werekere Baala îrîa îtagwa (Kiriathi-jearimu.)

Josh 9:17

Kwoguo andû a Isiraeli nîmaambîrîrie rûgendo na vuva wa mîthenya îthatû nîmaakinyire matûûrarî marîa andû acio. Matûûra mau metagwa Gibeoni, Kefira, Beerothi na Kiriathu-jearimu.

1Sam 4:4

Kwoguo athuuri acio nîmaatûmire anjaama mathiî Shilo makagîre îthandûkû rîa kîrîkanîro rîa Ngai-Mûnene mwene vinya wonthe, ûrîa wîkaraga gatagatîrî ga Akerubi. Nao anake aîrî a Eli, Hofini na Finehasi wanao nîmaaûkire vamwe na îthandûkû rîa kîrîkanîro.

1Sam 6:21

Kwoguo nîmaatûmire anjaama kûrî andû arîa matûûraga Kiriathi Jearimu makameere atîrî, “Afilisiti nîmaracokirie îthandûkû rîa kîrîkanîro rîa Ngai-Mûnene. Nyûrûrûkani mûrîîcîre mûthiî narîo na kûu kwenyu.”