1Maû 13:2 - ÎVUKU RÎA ÛVORO MWARO

² Nîwacokire akîra andû onthe a Isiraeli arîa maagomanîte atîrî, “Ethîrwa nîmûkwona kwagîrîrîte na wîthîrwe nîguo wendi wa Ngai-Mûnene, Ngai wetû, tigani tûtûme anjaama kûrî andû etû arîa engî marî vûrûrirî wonthe wa Isiraeli. Na tûtûme anjaama kûrî athînjîri-Ngai na Alawi arîa marî matûûrarî marîa marî na kûndû gwa kûrîthua tûgomane vamwe.

1Maû 13:2 ပူးပေါင်းရင်းမြစ်များ

1Atha 12:7

Nao nîmaamûcokerie atîrî, “Ûmûnthî ethîrwa nîûkwenda gûtungatîra andû aya waro, macokerie waro ûndû ûrîa makûûria, na makaagûtungatagîra vîndî cionthe marî na wîvokeku.”

2Atha 9:15

nwatî mûthamaki Joramu nîwacokete Jezireeli nîguo akavorere ironda kuo irîa aativîrîtue mbaararî kûu Ramothu rîrîa maarûaga na Hazaeli, mûthamaki wa Sîria.) Kwoguo Jehu nîwerire anene acio engî atîrî, “Ethîrwa nîmwetîkania nanie, mûtikareke wanarî mûndû ûmwe auma gûkû Ramothu athiî kwîra andû a Jezireeli ûvoro ûcio.”

1Maû 10:7

Rîrâ ndû a Isiraeli arîa maatûûraga Kîamndarî nîmoonire atî athigari a mbaara nîmaaûra na makîmenya atî Saûlo na avîcî nîmaaûragwa, nîmaaumire matûûrarî mao na makîûra. Afilisiti nîmaacokire magîûka na magîtûûra matûûrarî mau.

1Maû 13:1

Daudi nîwaranîrie na anene a athigari ngiri, îgana na mûndû wa wonthe warî mûtongoria.

1Maû 13:3

Tûcoke tûthiî tûgîre îthandûkû rîa kîrîkanîro Kîam Ngai wetû rîcoke kûrî tue. Nîûndû nîtwarîtiganîrie vîndî îrîa Saûlo aarî mûthamaki.”

Ntha 18:23

Ethîrwa ûgeka ûguo ta ûrîa Ngai athanîte, ûkavotaga kûmîrîria na andû menûkage makenete.”

Nthi 15:22

Mîvango nîcûkaga varîa vatarî na ûtaarani, nwatî varîa varî na ataarani eengî mîvango nîîvucaga.

Isaia 37:4

Nwa kwîthîrwa Ngai-Mûnene Ngai waku, nîeguîte ûrîa Rabushake augîte, ûrîa watûmîtwe nî mwathi wake, mûthamaki wa Asîria, nîguo athekerere Ngai ûrîa ûtûûraga mwoyo, nake Ngai-Mûnene, Ngai waku nîakaaregana na maûndû mau eeguire. Kwoguo voera andû arîa matigarîte.’ ”

1Sam 31:1

Afilisiti nîmaarûîre na Aisiraeli Kîrîmarî Kîam Giliboa. Andû eengî mûno a Isiraeli nîmaaûragîrwe kuo. Nao andû acio engî wa vamwe na mûthamaki Saûlo na anake ake nîmaaûrire.