1Maû 13:1 - ÎVUKU RÎA ÛVORO MWARO

¹ Daudi nîwaranîrie na anene a athigari ngiri, îgana na mûndû wa wonthe warî mûtongoria.

1Maû 13:1 ပူးပေါင်းရင်းမြစ်များ

2Sam 6:1

Daudi nîwacokanîrîrie athigari arîa maarî na vinya kûu Isiraeli rîngî. Nao onthe maarî athigari ngiri mîrongo îthatû.

2Atha 23:1

Mûthamaki Josia nîwatûmanîre atongoria onthe a Juda na a Jerusalemu na nîmaacemanirie varî ke.

1Maû 12:14

Andû a kuuma mûvîrîgarî wa Gadi marî anene a mbaara. Ûrîa warî mûnini aarî mûnene wa athigari îgana, nake ûrîa warî mûnene mûno aarî mûnene wa athigari ngiri îmwe.

1Maû 12:20

Aya nîo athigari arîa maathiîre kûrî Daudi kuuma mûvîrîgarî wa Manase rîrîa aacokire Zikilagi: Adina, Jozabadi, Jediaeli, Mikaeli, Jozabadi, Elihu na Zilethai. Wa mûndû eethagîrwa arî mûnene wa athigari ngiri îmwe (1,000) mûvîrîgarî wa Manase.

1Maû 12:32

Kuuma mûvîrîgarî wa Isakaru kwarî na andû maarî na ûûgî wa kûmenya maûndû marîa magekîka na ûrîa andû a Isiraeli magîrîrwe nî gwîka. Andû acio maarî atongoria magana maîrî (200) vamwe na andû ao arîa maarî rungu rwao.

1Maû 12:40

Andû arîa maariganîtie nao, kuuma Isakaru, Zebuluni na Nafutali nîmaaûkire makuuîte irio na mvunda ciao, ngamîîra, nyûmbû na ndegwa. Irio icio ciarî: mûtu, tûmîgate twa ngûyû, thavibu, ndivei na maguta. Nîmaacokire makîvira ndegwa na ng'ondu, nîûndû kûu Isiraeli kuonthe kwarî na gîkeno.

1Maû 13:2

Nîwacokire akîra andû onthe a Isiraeli arîa maagomanîte atîrî, “Ethîrwa nîmûkwona kwagîrîrîte na wîthîrwe nîguo wendi wa Ngai-Mûnene, Ngai wetû, tigani tûtûme anjaama kûrî andû etû arîa engî marî vûrûrirî wonthe wa Isiraeli. Na tûtûme anjaama kûrî athînjîri-Ngai na Alawi arîa marî matûûrarî marîa marî na kûndû gwa kûrîthua tûgomane vamwe.

2Maû 1:2

Mûthamaki Solomoni nîwetire anene onthe a athigari arîa maarûngamagîrîra athigari ngiri îmwe, magana, na anene, atongoria onthe a Isiraeli na atongoria a mbarî cionthe cia mîvîrîga ya Isiraeli.

2Maû 29:20

Mûthenya ûcio wîngî kîraûko, mûthamaki Hezekia nîwaûkîrire na agîta anene onthe a îtûûra na makîthiî hekarûrî.

Nthi 15:22

Mîvango nîcûkaga varîa vatarî na ûtaarani, nwatî varîa varî na ataarani eengî mîvango nîîvucaga.

Mathaayo 25:16

Ndungata îrîa yaverwe mbeca cia sîlûva ngiri ithano, nîyathiîre wa rîmwe, na îgîcionjorithia, na îkîona ngiri ciîngî ithano.