1Maû 12:18 - ÎVUKU RÎA ÛVORO MWARO

¹⁸ Roho wa Ngai nîwacokire ûgîtonya kûrî Amasai mûnene wa athigari arîa njamba mîrongo îthatû na akiuga atîrî, “Daudi tue tûrî aku, tûrî nawe mûvîcî wa Jesse! Thayû ûrogîa kûrî we, thayû ûrogîa kûrî arîa magûtethagia! Nîûndû Ngai waku nîagûtethagia.” Daudi nîwacokire akîmagwata ûgeni na akîmatua anene a athigari ake a mbaara.

1Maû 12:18 ပူးပေါင်းရင်းမြစ်များ

2Sam 15:21

Nwatî Itai nîwacokerie mûthamaki atîrî, “Mwathi wakwa, nevîta na rîîtwa rîa Ngai-Mûnene, atî vîndî cionthe tûkethagîrwa nawe, wana ethîrwa nî mûtinorî wa gîkuû.”

2Sam 17:25

Abusalomu nîwatuîte Amasa mûnene wa athigari vandûrî va Joabu Amasa aarî mûvîcî wa mûndû wetagwa Ithira ûrîa warî Mûishumaeli. Ng'ina wa Amasa aarî Abigaeli, mwarî wa Nahashu. Nahashu aarî mwarwang'ina na Zeruia. Nake Zeruia nîke warî ng'ina wa Joabu.

2Sam 19:13

Daudi nîwacokire akîmeera meere Amasa atîrî, “We ûrî wa nyomba yakwa kuuma ûmûnthî nînagûtua mûnene wa athigari akwa a mbaara vandûrî va Joabu. Ngai arombûraga ethîrwa tî mvingia ûguo.”

2Sam 5:2

Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

1Atha 9:22

Nwatî Solomoni ndaatua andû a Isiraeli ngombo; aamatwire athigari a mbaara, ndungata ciake, anene ake, atongoria a athigari a mbaara, amûrithia a ikaari ciake cia mbaara, na andû ake arîa maathiîcaga matûîte mbarathi.

2Atha 10:15

Jehu nîwambîrîre rûgendo rîngî, na arî njîrarî, nîwacemanirie na Jehonadabu mûvîcî wa Rekabu. Jehu nîwamûkethirie na akîmûria atîrî, “Wîna meciria ta makwa? Nîûkûnyita mbaru?” Nake Jehonadabu nîwacokirie atîrî, “Îî, nîngûkûnyita mbaru.” Jehu nîwacokire akîmwîra atîrî, “Ethîrwa nî guo, rete njara yaku.” Nîmaagwatanire njara na Jehu akîmûtethereria gûtwa gîkaarirî Kîam mbarathi.

2Atha 10:5

Kwoguo mûmenyereri wa nyomba ya mûthamaki, atongoria a îtûûra rînene rîa Samaria, atongoria a mîvîrîga na andû arîa maamenyagîrîra anake a Ahabu nîmaatûmanire kûrî Jehu na makiuga atîrî, “Tue tûrî ndungata ciaku, na nîtwîvarîrîtie gwîka maûndû monthe marîa ûgûtwîra twîke. Nwatî tî tîtûthuura mûndû wanarî ûmwe atuîke mûthamaki. We îka wa ûrîa ûrona kwagîrîrîte.”

2Atha 9:32

Jehu nîwarorererie ndiricarî na akîûria atîrî, “Nîûrîkû ûrî mwena wakwa? Nîûrîkû?” Ngaramba ithatû cia mûthamaki nîciamûrorererie ndiricarî.

1Maû 11:11

Athigari a Daudi arîa maarî njamba cia mbaara wa mbere aarî Jashobeamu kuuma mbarî ya Hakimoni. Jashobeamu aarî mûnene wa atongoria “Arîa athatû”. Nîwarûire na îtumû rîake na akîûraga andû magana mathatû (300) riita rîmwe mbaararî.

1Maû 12:17

Daudi nîwathiîre kûmatûnga na akîmera atîrî, “Ethîrwa mûkîte na thayû nîguo mûndethie, nîtûkûnyitanîra namue. Nwatî ethîrwa mûkîte mûngunyanîre kûrî nthû ciakwa na gûtirî mûndû wana ûrîkû nie mwene mbîkîte ûndû mûcûku, Ngai wa methe metû nîakûmwona na nîakûmûverithia.”

1Maû 2:17

Abigaeli nîwavikirue nî Jetheri wa njiarwa cia Ishumaeli. Nake nîwagîre na mûvîcî wetagwa Amasa.

Isaia 59:17

Nîekîra ûthingu takwa arî guo ngo ya kwîgitîra kîthûri, na ekîre ûvonokio kîongorî gîake ta ngovia ya kûgitîra kîongo. Nîeîkîra wîrîvîrîria ta nguo, na eyove wîru ta mûcivi.

Zakaria 8:23

Vîndî îo, andû îkûmi kuuma mavûrûrirî na mîarîrie yonthe nîmagetonyereria varî Mûyahudi ûmwe na mamwîre atîrî, ‘Tiga tûthiîcanie nawe nîûndû nîtwîguîte atî Ngai arî vamwe namue.’ ”

Mathaayo 12:30

“Mûndû wa wonthe ûtarî vamwe nanie nî nthû yakwa, na mûndû wa wonthe ûtandethagîrîria gûcokanîrîria, nîkwa anyagarûkanagia.

Agal 6:16

Thayû na ntha irogîa kûrî andû arîa marûmagîrîra watho ûyû, wa vamwe na andû onthe a Ngai!

Atir 13:25

Naguo Roho wa Ngai-Mûnene nîwambîrîrie kûmwîkîra vinya arî kûrîa mbarî ya Dani yambîte magema gatagatî ka Zora na Eshitaoli.

Atir 3:10

Othinieli nîwecûrirwe nî Roho wa Ngai-Mûnene na agîtuîka mûtongoria wa andû a Isiraeli. Nîwathiîre mbaararî na Ngai-Mûnene akîmûvotithia kûvoota mûthamaki Kushani Rishathaimu wa Mesopotamia.

Atir 6:34

Gideoni nîwatonyirwe nî Roho wa Ngai-Mûnene, na nîwavuvire karumbeta agîta andû a mbarî ya Abiezeri mamûrûmîrîre.

Ruthu 1:16

Nwatî Ruthu nîwerire Naomi atîrî, “Tiga kûningîrîria ngûtige, atî nîguo tûtikathiî nawe, nîûndû kûrîa ûkaathiî nîkuo ngaathiî; na kûrîa ûgaatûûra nîkuo ngaatûûra. Andû enyu nîo magaatuîka andû akwa, nake Ngai waku nîke ûgaatuîka Ngai wakwa.

1Sam 16:4

Nake Samueli nîwekire ûrîa Ngai-Mûnene aamwathire na akîthiî Bethilehemu. Atongoria a îtûûra rîu nîmaaûkire kûmûtûnga makinainaga na makîmûria atîrî, “Waûka wî na thayû?”

1Sam 16:5

Nake nîwacokirie atîrî, “Îî naûka nîrî na thayû. Naûka kûrutîra Ngai-Mûnene kîgongoona. Îîtherieni na mûke tûthiî.” Nîwacokire akîîra Jesse na anake ake metherie wanao, na akîmeeta kîgongoonarî.

1Sam 22:7

Saûlo nîwerire ndungata ciake atîrî, “Nthikîrîriani mue andû a Benjamini! Mûreciria atî Daudi nîakaamûva muonthe mîgûnda ya irio na ya mîthavibu na amûtue anene a athigari ake?

1Sam 24:12

Ngai-Mûnene arotûtuîra we nanie onanie ûrîa wîvîtie! Ngai-Mûnene arokûverithia nîûndû wa ûrîa ûrambîka, nwatî nie ndingîgwîka ûndû mûcûku wanarî vanini.

1Sam 24:13

We nîwicî nthimo îrîa yugaga atîrî, ‘Waganu wîkagwa nî andû arîa aganu.’ Nwatî nie ndingîgwîka ûûru.

1Sam 24:16

Rîrîa Daudi aarîkirie kwîra Saûlo ûguo, Saûlo nîwaugire atîrî, “Mûgambo ûcio nî waku mûvîcîwa Daudi?” Nake Saûlo nîwambîrîrie kûrîra.

1Sam 8:12

Amwe ao nîakaamatua athani a athigari ngiri îmwe, nao engî amatue athani a athigari mîrongo îtano. Nao arîa engî nîakaamatua arîmi a mîgûnda yake, magîkethaga maketha make. Nî gûkethîrwa kûrî na anake engî arîa makethîrwa marî a kûthondekagîra mûthamaki indo ciake cia mbaara, na cia ikaari ciake cia mbaara.