1Maû 12:17 - ÎVUKU RÎA ÛVORO MWARO

¹⁷ Daudi nîwathiîre kûmatûnga na akîmera atîrî, “Ethîrwa mûkîte na thayû nîguo mûndethie, nîtûkûnyitanîra namue. Nwatî ethîrwa mûkîte mûngunyanîre kûrî nthû ciakwa na gûtirî mûndû wana ûrîkû nie mwene mbîkîte ûndû mûcûku, Ngai wa methe metû nîakûmwona na nîakûmûverithia.”

1Maû 12:17 ပူးပေါင်းရင်းမြစ်များ

Kîam 31:42

Tiga nî ûrîa Ngai wa methe makwa ûrîa arî ke Ngai wa Iburahimu na Isaka ethîrîtwe arî vamwe nanie ûngîamîngatire ndarî kîndû. Nwatî Ngai nîwonire mathîna makwa na wîra ûrîa ndutîte na nîkîo kîratûmire agûkaanie ûtukû.”

Kîam 31:53

Ngai wa Iburahimu na Ngai wa Nahoru Ngai wa îthe wao nîagaatûtuîra ciira.” Jakovu nîwacokire akîîvîta na rîîtwa rîa Ngai wa îthe Isaka atî nama nîakûvingia mwîvîtwa ûcio.

1Atha 2:13

Adonija, ûrîa ng'ina eetagwa Hagithi nîwacokire akîthiî kûrî Bathisheba, ng'ina wa Solomoni. Nake Bathisheba nîwamûûririe atîrî, “Waûka na thayû?” Nake Adonija nîwacokirie atîrî, “Nîrî na thayû.”

2Atha 10:15

Jehu nîwambîrîre rûgendo rîngî, na arî njîrarî, nîwacemanirie na Jehonadabu mûvîcî wa Rekabu. Jehu nîwamûkethirie na akîmûria atîrî, “Wîna meciria ta makwa? Nîûkûnyita mbaru?” Nake Jehonadabu nîwacokirie atîrî, “Îî, nîngûkûnyita mbaru.” Jehu nîwacokire akîmwîra atîrî, “Ethîrwa nî guo, rete njara yaku.” Nîmaagwatanire njara na Jehu akîmûtethereria gûtwa gîkaarirî Kîam mbarathi.

2Atha 9:22

Rîrîa Joramu oonire Jehu, nîwamûririe atîrî, “Ûkîte na thayû?” Nake Jehu nîwamûcokerie atîrî “Kûngîthîrwa kwî na thayû atîa rîrîa ûragûri na ûvoi wa ngai cia mîvuanano irîa ciaretirwe nî nyûkwe, Jezebeli ciîngîvîte ûguo?”

1Maû 12:16

Vîndî îmwe arûme kuuma mûvîrîgarî wa Benjamini na wa Juda nîmaathiîre kûrî Daudi arî varîa vagitîre mûno.

1Maû 12:18

Roho wa Ngai nîwacokire ûgîtonya kûrî Amasai mûnene wa athigari arîa njamba mîrongo îthatû na akiuga atîrî, “Daudi tue tûrî aku, tûrî nawe mûvîcî wa Jesse! Thayû ûrogîa kûrî we, thayû ûrogîa kûrî arîa magûtethagia! Nîûndû Ngai waku nîagûtethagia.” Daudi nîwacokire akîmagwata ûgeni na akîmatua anene a athigari ake a mbaara.

Thaburi 7:6

Ûûi Ngai-Mûnene, rûngama na marakara maku! ûûkîrîre marakara ma nthû ciakwa. Ûka we Ngai wakwa, ûka ûndethie, nîûndû wendaga kîvooto kîrûmagîrîrwe.

Thaburi 86:11

Nthomithia njîra ciaku, we Ngai-Mûnene, na nîngûkwathîkîra nîrî mwîvokeku; nthomithia nîguo ngûtungatage na ngoro yonthe.

Jeremia 32:39

Nîngamava mworoto ûmwe nîguo mavote gûtûûra mandîaga tene na tene nîûndû wa wagîrîru wao o ene na wa njiarwa ciao.

Zakaria 3:2

Nake mûraika wa Ngai-Mûnene nîwamwîrire atîrî, “Ngai-Mûnene arogûkûûma we Caitani! Ngai-Mûnene ûrîa ûthuurîte îtûûra rîa Jerusalemu arogûkûûma! Anga mûndû ûyû ndekariî ta karûkû gagîakana karutîtwe mwakirî?”

Ciîko 4:32

Etîkia onthe maarî na ngwatanîro ya ngoro na meciria. Gûtirî mûndû wana ûmwe gatagatîrî kao waugaga atî arî na kîndû gîake arî wenga. Maatûmagîra indo ciao cionthe marî vamwe.

1Akor 1:10

Ariû na aarî a îthe wetû, na rîîtwa rîa Mwathani wetû Jesû Kristû nîramûthaitha muonthe mwîtîkanagie nîguo gûtikagîcage na nyamûkano gatagatîrî kenyu. Îthagîrwani mûgwatanîrîte viû na mûrî na rîciria na îtua rîmwe.

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

Afil 1:27

Rîu, ûndû ûrîa ûrî na vata mûno nî atî mûtûûrage ta ûrîa ûvoro mwaro wa Jesû Kristû ûmwîraga mûtûûre, nîguo wana ethîrwa nîngûka kûmwona kana ndege gûka, nîngegua atî nîmûrûngamîte mwîkindîrîtie na mwî na ngoro îmwe, na atî nîmûrarûa mûnyitanîte vamwe nîûndû wa wîtîkio wa ûvoro ûrîa mwaro.

1Pet 2:23

Rîrîa aarumirwe, ndeerîvîrîria na kûrumana. Rîrîa aathînirue, gûtirî mûndû eevîtîre, nwatî aaigire mwîrîgîrîro wake kûrî Ngai ûrîa ûtucanagîra cira na kîvooto.

Juda 1:9

Wana nginya Mikaeli mûraika ûrîa mûnene ndeeka ûguo. Rîrîa Mikaeli aakararanagia na Ngoma ûvoro wîgiî ûrîa wagîrîrwe nî kûnengerwa mwîrî wa Musa, Mikaeli ndaaûmîrîria gûcokeria Ngoma na ciugo cia kûmûruma, nwatî aamwîrire atîrî, “Mwathani arogûkaania!”

1Sam 16:4

Nake Samueli nîwekire ûrîa Ngai-Mûnene aamwathire na akîthiî Bethilehemu. Atongoria a îtûûra rîu nîmaaûkire kûmûtûnga makinainaga na makîmûria atîrî, “Waûka wî na thayû?”

1Sam 18:1

Rîrîa Saûlo na Daudi maarîkirie kwaria, Jonathani mûvîcî wa Saûlo nîwagucîrîrue mûno nî Daudi na Jonathani akîenda Daudi wata ûrîa eyendete ke mwene.

1Sam 18:3

Jonathani nîwendire Daudi mûno na kwoguo nîwathondekire kîîranîro na Daudi, atî magaatûûra marî arata.