1Maû 11:6 - ÎVUKU RÎA ÛVORO MWARO

⁶ Daudi nîwaugire atîrî, “Mûndû ûrîa ûgaatongoria kûtharîkîra andû a Jebusi nîke ûgaatuîka mûnene wa athigari onthe a mbaara!” Joabu, mûvîcî wa Zeruia nîwamatongoririe, kwoguo nîwatuirwe mûnene wa athigari.

1Maû 11:6 ပူးပေါင်းရင်းမြစ်များ

2Sam 2:13

Nake Joabu, ûrîa ng'ina eetagwa Zeruia na ndungata icio ciîngî cia Daudi nîmaathiîre na magîtûngana na Ishiboshethu na andû ake vakuvî na karia ka Gibeoni, nao onthe magîkara nthî. Gîkundi kîmwe nîgîekarire nthî mwena ûmwe wa karia, nakîo gîkundi kîu kîngî gîgîkara mwena ûcio wîngî wa karia kau.

2Sam 2:18

Nao anake athatû a Zeruia, Joabu, Abishai na Asaheli maarî vo. Asaheli ûrîa warî na îvenya ta nthwariga,

2Sam 20:23

Joabu nîke warî mûnene wa athigari onthe a mbaara a Isiraeli; nake Benaia mûvîcî wa Jehoiada nîke warî mûnene wa athigari arîa maarangagîra Daudi;

2Sam 3:27

Rîrîa Abineri aakinyire Heburoni, Joabu nîwamûvirire vandû keverirî vakuvî na kîvingo takwa kwarî na kaûndû eendaga kûmwîra. Nao marî wa vau Joabu nîwamundire Abineri îvu na Abineri akînakua. Joabu aaûragire Abineri nîûndû Abineri nîke waûragîte mûrwang'ina na Joabu ûrîa wetagwa Asaheli.

2Sam 8:16

Joabu, ûrîa ng'ina eetagwa Zeruia nîke warî mûnene wa athigari. Nake Jehoshafati mûvîcî wa Ahiludi nîke wamenyagîrîra mandîko.

1Atha 1:7

Nîwaririe na Joabu, (ûrîa ng'ina eetagwa Zeruia) na Abiatharu, mûthînjîri-Ngai, na magîtîkîra gûtethia Adonija na makîmûrûmîrîra.

1Maû 11:5

Nao andû a Jebusi nîmeerire Daudi atî ndangîtonya îtûûrarî rîu. Kûnarî ûguo mûthamaki Daudi nîwanyitire kûndû kûrîa kwarî kûgitîre mûno kûu Zayuni na gûgîcoka gwîtagwa, “Îtûûra rînene rîa Daudi.”

1Maû 11:7

Daudi nîwacokire akîthiî gûtûûra kûndû kûrîa kwarî kûgitîre mûno, kwoguo nîgwacokire gwîtagwa “Îtûûra rîa Daudi.”

1Maû 18:15

Nake Joabu mûvîcî wa Zeruia nîke warî mûnene wa athigari a mbaara. Jehoshafati mûvîcî wa Ahiludi aarî mûmenyereri wa mandîko.

1Maû 27:34

Ahithofeli akua, Jehoiada mûvîcî wa Benaia marî na Abiatha nîo maatuîkire ataari a mûthamaki. Nake Joabu nîke warî mûnene wa athigari a mûthamaki.

Thaburi 60:9

Nû ûkaamvira îtûûrarî rîrîa rîgitîre? Nû ûkaandongoreria kûthiî Edomu?

1Sam 17:25

Nao nîmeeranire atîrî, “Taroriani mûndû ûyû! Na ma ke aûka kûnyararithia andû a Isiraeli. Mûthamaki Saûlo nîwîranîrîte atî mûndû ûrîa ûkaamûraga, nîakaamûva kîveo kîene. Mûthamaki nîagaacoka amûve mwarî amûvikie na andû a mûciî wa îthe matigaacoka kûrîva gooti kûu vûrûri wa Isiraeli.”