1Maû 11:5 - ÎVUKU RÎA ÛVORO MWARO

⁵ Nao andû a Jebusi nîmeerire Daudi atî ndangîtonya îtûûrarî rîu. Kûnarî ûguo mûthamaki Daudi nîwanyitire kûndû kûrîa kwarî kûgitîre mûno kûu Zayuni na gûgîcoka gwîtagwa, “Îtûûra rînene rîa Daudi.”

1Maû 11:5 ပူးပေါင်းရင်းမြစ်များ

2Sam 5:9

Daudi arîkia gûcuunana îtûûra rîu rîairigîrîtwe na rûthingo rwa vinya, nîwatûûrire kuo na akîrîtuîra rîîtwa, “Îtûûra rîa Daudi.” Nîwacokire agîtuma îtûûra rîrigicîrîtie ambîrîrîtie mwena wa îrathîro wa kîrîma nîûndû kûu nîkuo mûthetu waikîrîtue gûkaragana waro.

2Sam 6:10

Kwoguo Daudi ndeendaga kûvira îthandûkû rîa kîrîkanîro Jerusalemu îtûûrarî rîa Daudi; vandû va ûguo, ke nîwagarûrûkire na akîrîvira mûciî kwa Obedi-edomu, ûrîa watûûraga îtûûrarî rîa Gathu.

2Sam 6:12

Mûthamaki Daudi nîwegwire, atî Ngai-Mûnene nîarathimîte Obedi-edomu na kîrîa kîonthe arî nakîo vamwe na andû onthe a mûciî wake nîûndû wa îthandûkû rîa kîrîkanîro. Kwoguo nîwathiîre akîruta îthandûkû rîa kîrîkanîro mûciî kwa Obedi-edomu na akîrîvira îtûûrarî rîa Daudi na gîkeno kînene mûno.

1Atha 8:1

Mûthamaki Solomoni nîwacokire agîta athuuri onthe a Isiraeli na atongoria onthe a mîvîrîga na atongoria a mbarî cia andû a Isiraeli mathiî kûrî ke kûu Jerusalemu nîguo magakuue îthandûkû rîa Kîrîkanîro Kîam Ngai-Mûnene kuuma Zayuni, îtûûra rînene rîa Daudi marîvire hekarûrî.

1Maû 11:4

Mûthamaki Daudi na Aisiraeli onthe nîmaathiîre na makîtharîkîra îtûûra rîa Jerusalemu rîrîa vîndî îo rîetagwa Jebusi. Îtûûra rîu rîatûûragwa nî Ajebusi.

1Maû 11:6

Daudi nîwaugire atîrî, “Mûndû ûrîa ûgaatongoria kûtharîkîra andû a Jebusi nîke ûgaatuîka mûnene wa athigari onthe a mbaara!” Joabu, mûvîcî wa Zeruia nîwamatongoririe, kwoguo nîwatuirwe mûnene wa athigari.

1Maû 11:7

Daudi nîwacokire akîthiî gûtûûra kûndû kûrîa kwarî kûgitîre mûno, kwoguo nîgwacokire gwîtagwa “Îtûûra rîa Daudi.”

2Maû 5:2

Mûthamaki Solomoni nîwacokire akîgomania atongoria onthe a mîvîrîga na a mbarî cia andû a Isiraeli kûu îtûûrarî rîa Jerusalemu; nîguo magîre îthandûkû rîa kîrîkanîro Kîam Ngai-Mûnene kuuma Zayuni, îtûûra rîa Daudi.

Thaburi 122:5

Kûu nîkuo itî cia gûcirithanîria cigîtwe, itî cia ûthamaki wa nyomba ya Daudi.

Thaburi 132:13

Ngai-Mûnene nîathuurîte Zayuni; nîonete kwagîrîrîte gûtuîke gîkaro gîake.

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Thaburi 48:2

Zayuni, kîrîma Kîam Ngai, nî kîraca na nî kîthaka; îtûûra rîa mûthamaki mûnene nîrîkenagia andû onthe a nthî.

Thaburi 78:68

Vandû va ûguo aathuurire mûvîrîga wa Juda, Kîrîma Kîam Zayuni kîrîa endete.

Thaburi 87:2

Ngai-Mûnene nî endete îtûûra rîa Zayuni mûno, gûkîra matûûra marîa mengî ma Jakovu.

Thaburi 87:5

Naguo ûvoro wîgiî Zayuni gûkeragwa atîrî, “Zayuni nîke ng'ina wa ndûrîrî cionthe, na ûrîa Ûrî Îgûrû mûno nîke ûtûmaga rîîvande.

Thaburi 9:11

Inani nyîmbo cia gûkumia Ngai-Mûnene, ûrîa ûtûûraga Zayuni! Îrani andû a onthe ûrîa Ngai-Mûnene ekîte.

Aroma 9:33

Wa ta ûrîa kwandîkîtwe Mandîkorî Matheru atîrî: “Taroriani, kûu Zayuni nî ngwiga îthiga rîrîa rîkaavînga andû, îthiga rîrîa rîgaatûma andû magûe. Nwatî mûndû wa wonthe ûmwîtîkîtie ndagaaconorithua.”

Ahib 12:22

Vandû va ûguo, nîmûkinyîte kîrîmarî gîa Zayuni îtûûrarî înene rîa Ngai ûrîa ûtûûraga mwoyo. Nîmûkinyîte Jerusalemu îtûûra rîa îgûrû kûrîa kûrî araika ngiri nyîngî.

Kûguû 14:1

Ngîcoka ngîroria ngîona Gatûrûme arûngamîte kîrîmarî gîa Zayuni îgûrû. Na vau aarî vaarî na andû ngiri îgana na mîrongo îna na inya. Acio nî arîa maarî na rîîtwa rîake na rîa îthe mandîkîtwe mothiûrî mao.

Atir 19:10

Nwatî Mûlawi ndeendaga kûraara kuo rîngî. Kwoguo nîwocire mûka ûrîa aaigîte, ndungata yake na mvunda ciake cioîrî ikuîte mîrigo na makîambîrîria rûgendo.

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.