1Maû 11:2 - ÎVUKU RÎA ÛVORO MWARO

² Mbererî wana rîrîa Saûlo aarî mûthamaki nîwatongoririe andû a Isiraeli makîthiî kûrûa. Nake Ngai-Mûnene, Ngai waku nîwakwîrire atî nîûgaatongoria andû ake na ûtuîke mûnene wao.”

1Maû 11:2 ပူးပေါင်းရင်းမြစ်များ

2Sam 5:2

Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

2Sam 7:7

Kûrîa kuonthe nanathiî na andû a Isiraeli ndianaûria mûtongoria wanarî ûmwe wa arîa naathuurire matongorie andû akwa a Isiraeli kîrîa gîatûmire marega kûndumîra hekarû ya mîtarakwe.’

1Atha 14:7

Thiî wîre Jeroboamu, Ngai-Mûnene, Ngai wa Isiraeli amwîrîte atîrî, ‘Naakûthuurire kuuma kûrî andû na ngîgûtua mûtongoria wa andû akwa, Aisiraeli.

1Atha 3:9

Kwoguo mva ûûgî ûrîa mvatarîte nîguo mvote gûtongoria andû aku, na mvotage gûkûûranagia maûndû maro na maûndû macûku, nîûndû nîûrîkû ûngîvota gûtongoria andû aya aku eengî ûguo?”

Thaburi 78:71

Aamûrutire wîra wa kûrîthia ng'ondu na twana twa ng'ondu, nîguo atuîke mûthamaki wa Isiraeli, na arîthagie andû a Ngai.

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Isaia 55:4

Nama, nînamûtuire mûira kûrî andû a ndûrîrî, mûtongoria na mûnene wa andû.

Jeremia 3:15

“Nîngamûva arîthi arîa makambathîkagîra, arîa makamûrîthagia marî na ûûgî na ûmenyo.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Mika 5:4

Mûtongoria ûcio nîakaarîthia andû ake na vinya kuuma kûrî Ngai-Mûnene, na ûvoti wa Ngai ke mwene. Andû ake nîmagaatûûra matarî na guoya, nîûndû akethîrwa arî mûnene nginya mîthiia yonthe ya nthî,

Ndari 27:17

na ûrîa ûkaamathaga marî mbaararî nîguo matigekare ta ng'ondu itarî na mûrîthi.”

Mathaayo 2:6

‘We Bethilehemu vûrûrirî wa Juda, We tîwe mûnini mûno gatagatîrî ka matûûra ma Juda, nîûndû mûtongoria nî akauma kûrî we, ûrîa ûkaarîthia andû akwa a Isiraeli.’ ”

Johana 10:4

Nake airuta nja nîaitongoragîria nacio ikamuuma vuva nîûndû nîciîcî mûgambo wake.

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”

1Sam 16:13

Samueli nîwocire mûcuva ûrîa warî na maguta ma mîtamaiyû îrîa îciaraga matunda na agîtîrîria Daudi maguta aa mûrwang'ina makîonaga. Naguo roho wa Ngai-Mûnene nîwanyûrûrûkîre Daudi wa rîmwe na agîkara nake kuuma mûthenya ûcio. Nake Samueli nîwacokire Rama.

1Sam 18:13

Kwoguo Saûlo nîwamûthengutirie mbere yake na akîmûtua mûnene wa athigari ngiri îmwe (1,000). Daudi nîwatongoririe andû ake mbaararî,