1Maû 11:18 - ÎVUKU RÎA ÛVORO MWARO

¹⁸ Athigari arîa athatû njamba nîmaavîtûkîrîre varîa athigari a Afilisiti maambîte magema mao, nîmaathiîre magîtava manjî na makîvirîra Daudi. Nwatî Daudi ndaanyua manjî mau, vandû va ûguo nîwametûrûrire nthî marî ta îtega kûrî Ngai-Mûnene

1Maû 11:18 ပူးပေါင်းရင်းမြစ်များ

2Sam 23:16

Andû acio athatû maarî îgweta nîmaavîtûkanîrie kûrîa Afilisiti maatûûraga, magîtava manjî kuuma kîthimarî, na makîvirîra Daudi. Nwatî Daudi ndaanyua manjî mau. Vandû va ûguo, aameetûrûrire nthî rîrî îtega kûrî Ngai-Mûnene

1Maû 11:17

Daudi nîwanyondire mûno na akîenda kûnyua manjî. Kwoguo nîwaugire atîrî, “Nwa mende mûndû andetere manjî ma kûnyua kuuma kîthimarî kîrîa kîrî mwîrîgarî wa Bethilehemu!”

1Maû 11:19

na akiuga atîrî, Ngai-Mûnene arongiria kûnyua manjî mama, nîûndû gwîka ûguo nîta kûnyua nthakame ya andû acio metonyirie thînarî wa kûragwa. Kwoguo nîwaregire kûnyua manjî mau. Mama nîmo maûndû marîa meekirwe nî njamba icio ithatû.

Rwîmbo rwa Nyîmbo 8:6

Ngororî yaku ndûkagîe wendo na mûndû wîngî tiga nie, ndûkamumunye mûndû wîngî tiga nie. Nîûndû wendo ûrî vinya ta gîkuû, wîru nî mûcûku ta gîkuû kîo kîene. Wendo ûrîrîmbûkaga ta mwaki, wakanaga ta mwaki ûtangîvoreka.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 21:13

Nwatî nîwatûcokerie atîrî, “Mue mûreka atîa? Mûrarîra methori na mûkambûraga ngoro nîkî? Nie nînîvarîrîtie kwovwa njeera wana gûkua nîrî kûu Jerusalemu nîûndû wa rîîtwa rîa Mwathani Jesû.”

1Sam 19:5

Nîweîkîrire ûgwatirî mûnene rîrîa aaûragire Goliathu na Ngai-Mûnene agîtûma Aisiraeli mavootane. Rîrîa wonire ûndû ûcio, we nîwakenire. Rîu we ûrenda gwîka ûndû ûyû mûcûku nîkî wa gwîtûrûra nthakame ya mûndû ûtarî na wîvia na njîra ya kûûraga Daudi vatarî na gîtûmi?”

1Sam 7:6

Kwoguo nîmaacemanirie kûu Mizipa. O nîmaatavire manjî na makîmetûrûra kîrî ta kîveo kûrî Ngai-Mûnene na makîînyerekia mûthenya ûcio wonthe. Nao nîmaaugire atîrî, “Tue nîtwîvîrîtie Ngai-Mûnene.” (Nake Samueli aacirithagîria andû a Isiraeli kûu Mizipa.)