1Maû 11:16 - ÎVUKU RÎA ÛVORO MWARO

¹⁶ Daudi aarî kûndû kûrîa kwarî kûgitîre, nao athigari a mbaara a Afilisiti maarî Bethilehemu.

1Maû 11:16 ပူးပေါင်းရင်းမြစ်များ

2Sam 5:17

Rîrîa Afilisiti meeguire atî Daudi nîmûtuîku mûthamaki wa Isiraeli, Afilisiti onthe nîmaathiîre kûmûcaria nîguo mamûnyite. Na rîrîa Daudi eegwire ûvoro ûcio, nîwathiîre na akîîthitha îtûûrarî rîrîa rîarigicîrîtue na rûthingo rwa vinya.

1Maû 11:17

Daudi nîwanyondire mûno na akîenda kûnyua manjî. Kwoguo nîwaugire atîrî, “Nwa mende mûndû andetere manjî ma kûnyua kuuma kîthimarî kîrîa kîrî mwîrîgarî wa Bethilehemu!”

Thaburi 142:1

Nînîrakaîra Ngai-Mûnene mbugîrîrîtie, nînîrathaitha Ngai-Mûnene na mûgambo wakwa.

1Sam 10:5

Vuva wa ûguo, we ûthiî na mbere nginya kîrîmarî Kîam Ngai kîrîa kîrî Gibea. Kûu nîkuo Afilisiti matumîte magema mao. Wakinya vau kîvingorî gîa îtûûra ûgatûngana na gîkundi Kîam arathi manyûrûrûkîte makîvûraga inanda, ndarama, mîtûrirû, na ngita. Nao makethîrwa maumîte metharî ya Kîgongoona kûu Kîrîmarî makinaga maugîrîrîtie.

1Sam 13:23

Nakîo gîkundi kîmwe Kîam athigari a Afilisiti nî Kîamthiîre kûgitîra njîrarî îrîa îvîtûkîrîrîte Mikimashi.

1Sam 13:4

Nao andû a Isiraeli onthe nîmeguîte atî Saûlo nîwaûragîte mûnene wa Afilisiti, na atî Aisiraeli nîmaamenetwe nî Afilisiti. Kwoguo andû nîmeetîkîrire kûthiî na Saûlo kûu Giligali.

1Sam 22:1

Daudi nîwaûrire akiuma kûu îtûûrarî rîa Gathu na akîthiî ngurungarî îrîa yarî vakuvî na îtûûra rîa Adulamu. Rîrîa aa mûrwang'ina na andû onthe a mûciî wao meeguire atî aarî kûu, nîmaathiîre kûrî ke.

1Sam 22:4

Kwoguo Daudi nîwatigire aciari ake marî na mûthamaki wa Moabu na nîmeekarire na mûthamaki îvinda rîrîa rîonthe Daudi eethithîte ngurungarî.

1Sam 22:5

Nake mûrathi Gadi nîwathiîre kûrî Daudi na akîmwîra atîrî, “Tiga gwîkara ava. Thiî narua vûrûrirî wa Juda.” Nake Daudi nîwaumire vau na akîthiî mûtitûrî wa Herethu.

1Sam 23:25

Nake Saûlo na andû ake nîmaathiîre gûcaria Daudi, nwatî rîrîa Daudi eerirwe ûvoro ûcio, nîwathiîre kîrîmarî kîrîa kîrî mathiga kûu werûrî wa Maoni na agîkara kuo. Rîrîa Saûlo eeguire ûguo, nîwarûmîrîrie Daudi kûu werûrî wa Maoni.