1Maû 10:9 - ÎVUKU RÎA ÛVORO MWARO

⁹ Nîmaatinirie kîongo gîa Saûlo, na makîmwovora indo ciake cia mbaara. Nîmaatûmire anjaama vûrûrirî wonthe wa Afilisiti makavecane ûvoro ûcio mwaro kûrî ngai ciao na kûrî andû ao.

1Maû 10:9 ပူးပေါင်းရင်းမြစ်များ

2Sam 1:20

Mûtikavecane ûvoro ûcio kûu Gathu, kana mûûvecana njîrarî cia Ashikeloni. Mûtigatûme erîtu a Afilisiti makena, mûtigatûme erîtu a andû arîa mataruaga makena.

1Maû 10:10

Nîmaaigire indo ciake cia mbaara hekarûrî ya ngai ciao na nîmaacuririe kîongo gîake hekarûrî ya Dagoni.

1Maû 10:4

Nake nîwerire mwanake ûrîa wamûkuuagîra indo cia mbaara atîrî, “Comora rûviû rwaku na ûmbûrage, nîguo Afilisiti aya matatîîte Ngai matikanume.” Nwatî mwanake ûcio wamûkuuagîra indo cia mbaara ndaamûraga nîûndû nîwetigagîra mûno. Kwoguo Saûlo nîwacomorire rûviû rwake na akîyûraga naruo.

1Maû 10:8

Mûthenya ûcio wîngî Afilisiti nîmaaûkire kûthûgathûga ciimba. Nîmeethîre Saûlo na avîcî ake marî akuû kûu kîrîmarî Kîam Giliboa.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Mathaayo 14:11

Nakîo kîongo kîu nîkîaretirwe kîrî thaanirî na gîkînengerwa mwîrîtu ûcio nake agîkîvira kûrî ng'ina.