1Joh 5:20 - ÎVUKU RÎA ÛVORO MWARO

²⁰ Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

1Joh 5:20 ပူးပေါင်းရင်းမြစ်များ

Isaia 44:6

Ngai-Mûnene mwene vinya wonthe Mûthamaki na Mûkûri wa Isiraeli arauga atîrî, “Nie nînie wa mbere na nînie wa mûthiia; gûtirî ngai îngî tiga nie.

Isaia 54:5

Nîûndû ûrîa wakûmbire nîke mûthuuriguo, Ngai-Mûnene mwene vinya wonthe nîrîo rîîtwa rîake. Ûrîa Mûtheru wa Isiraeli nîke Mûkûri waku, ke etagwa Ngai wa nthî yonthe.

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Luka 24:45

Nake Jesû nîwamavotithirie gûtaûkîrwa nî Mandîko,

Johana 1:18

Gûtirî mûndû wanona Ngai. Nwatî Mûriû wake wa mûmwe ûrîa wî vakuvî mûno na îthe, nîke ûtûmîte amenyekane.

Johana 10:30

Nie na Vava tûrî kîndû kîmwe.”

Johana 14:20

Na rîrîa mûthenya ûcio ûgaaûka, nîmûkaamenya atî nie nîrî ndaarî ya Vava na atî mue mûrî ndaarî yakwa, wata ûrîa nie nîrî ndaarî yenyu.

Johana 14:23

Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 14:9

Jesû nîwamûcokerie atîrî, “Filipu, ndûûranîtie namue muonthe kavinda karaca ûguo na atî we ndûrî mûûmenyu? Mûndû wa wonthe ûmonete, nîmwonu Vava. Nîndûî kîratûma ûmbîre, ‘Twonie Vava?’

Johana 15:4

Îkaragani ndaarî yakwa, nanie mbîkare ndaarî yenyu. Rûvûa rûgekara rûrî ruonga rûtingîgîa na maciaro; rûngîvota kûgîa na maciaro tu angîthîrwa nwa rwîkare mûthaviburî. Ûguo nwaguo wa namue mûtangîvota kûgîa na maciaro angîthîrwa tî mwîkara mûrî ndaarî yakwa.

Johana 17:14

Nînaamakinyîrie ndûmîrîri yaku na andû a gûkû nthî makîmamena nîûndû o tî a gûkû nthî wata ûrîa wa nanie ndarî wa gûkû nthî.

Johana 17:25

Vava Mûthingu! Andû a gûkû nthî matigwîcî, nwatî nie nîngwîcî na nginya acio wamvere nîmaicî atî we nîwe wandûmire.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 20:28

Nake Toma nîwamûcokerie atîrî, “Mwathani wakwa na Ngai wakwa!”

Johana 8:42

Nake Jesû nîwamerire atîrî, “Angîthîrwa na ma Ngai nîke Îthe wenyu, nîmûngîmendete nîûndû naaumire kûrî Ngai na rîu nîrî ava. Nie tînie netûmire nwatî Ngai nîke wandûmire.

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

Aroma 9:5

Nî a mbarî ya methe metû ma tene na Kristû ta mûndû, nwa wa rûrîrî rwao. Ngai ûrîa wathaga maûndû monthe arogoocwa tene na tene! Ameni.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

2Akor 5:17

Mûndû wa wonthe wînyitithanîtie na Kristû, ke nî kîûmbe gîcerû. Maûndû marîa makûrû nî mathiru, namo maûndû marîa macerû nîmaûku.

Aefeso 3:18

na nîguo mûrî vamwe na andû onthe a Ngai, mûgîe na ûvoti wa kûmenya ûrîa wendo wa Kristû waramîte, ûracavîte na mwena, ûracavîte na îgûrû na ûrikîrîte.

Afil 3:9

tûtuîke kîndû kîmwe nake viû. Rîu ndiîthagîrwa nîrî na ûthingu wakwa nie mwene ûrîa umanaga na watho. Nîrî na ûthingu wa Ngai, ûrîa ûvecanagwa nîûndû wa gwîtîkia Jesû Kristû. Ûthingu ûcio uumaga kûrî Ngai na njîra ya wîtîkio.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Tito 2:13

Nîtwagîrîrwe nîgwîkaraga ûguo wa tûgîetagîrîra mûthenya ûrîa mûrathime twîrîgîrîrîte. Mûthenya ûcio nîguo riiri wa Ngai ûrîa mûnene na mûvonokia wetû Jesû Kristû ûkoonekana.

Ahib 1:8

Ûvoro wîgiî Mûriû Ngai nîwaugire atîrî, “Ûthamaki waku we Ngai nîûgûtûûra tene na tene! We wathaga andû aku na kîvooto.

1Joh 2:23

Mûndû wa wonthe ûregete Mûriû nîaregete wana nginya îthe. Mûndû wa wonthe wîtîkîrîte Mûriû nîetîkîrîte îthe wanake.

1Joh 2:24

Tigani ûvoro ûrîa mwegwire kuuma Kîammbîrîria wîkare ngororî cienyu. Ethîrwa ûvoro ûcio ûgekaraga ndaarî yenyu vîndî cionthe, mue nîmûgûtûûra mûrî ûrûmwe na Mûriû na Îthe.

1Joh 2:6

arîa maugaga atî matûûraga marî ngwatanîro na Ngai magîrîrwe nî gûtûûra ta ûrîa Jesû Kristû aatûûraga.

1Joh 4:14

Tue nîtwonete na nîtumbûraga atî Îthe nîwatûmire Mûriû wake atuîke Mûvonokia wa nthî.

1Joh 4:16

Kwoguo tue nîtwîcî na nîtwîtîkîtie wendo ûrîa Ngai atwendete naguo. Ngai nî wendo na mûndû wa wonthe wîkaraga endanîte, ekaraga ndarî ya Ngai nake Ngai ekaraga ndaarî yake.

1Joh 4:2

Mûkaavotaga gûkûranaga Roho wa Ngai na njîra îno: mûndû wa wonthe umbûraga atî Jesû Kristû aûkire arî na mwîrî ta mûndû, arî na Roho ûrîa umaga kûrî Ngai.

1Joh 5:1

Mûndû wa wonthe wîtîkîtie atî Jesû nîke Mesaya nî mwana wa Ngai, na mûndû wa wonthe wendete mûciari nîwendete wana nginya mwana.

1Joh 5:15

Ethîrwa na ma nîtwîcî atî rîrîa twamwîtia kîndû nîatwîgucaga, nîtwîcî atî nîatûvecaga kîrîa kîonthe twamwîtia.

1Joh 5:18

Nîtwîcî atî gûtirî mwana wa Ngai wîkaraga akîvagia, nîûndû Mûriû wa Ngai nîamûgitagîra, na ûrîa mûcûku ndangîmwîka naaî.

1Joh 5:5

Nû ûngîvoota nthî? Nwa ûrîa tu wîtîkîtie atî Jesû nî mwana wa Ngai.

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!

Kûguû 19:11

Nînacokire ngîona îgûrû rîvingûkîte na kûrî na mbarathi ya rangi njerû. Ûrîa wathiîte amîkarîrîte etagwa Mwîvokeku na wa Ma. Na ûrîa atucanagîra ciira na akarûa mbaara na njîra ya kîvooto.

Kûguû 3:14

“Andîka kûrî mûraika wa kanitha ûrîa ûrî Laodikia atîrî: “Îno nîyo ndûmîrîri kuuma kûrî ûrîa wîtagwa Ameni. Ke nîke mûira ûrîa mwîvokeku na wa ma. Nîke Kîammbîrîria Kîam indo cionthe irîa Ngai aûmbîte.

Kûguû 3:7

“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.

Kûguû 6:10

Nayo mîoyo îo nîyaugîrîrie na mûgambo mûnene atîrî; “Mwathani mwene vinya wonthe, Mûtheru na wa ma! Nîwîkara nginya rî ûtarî mûtuîru na ûkaverithia andû a nthî nîûndû wa gûtûûraga?”