1Joh 5:18 - ÎVUKU RÎA ÛVORO MWARO

¹⁸ Nîtwîcî atî gûtirî mwana wa Ngai wîkaraga akîvagia, nîûndû Mûriû wa Ngai nîamûgitagîra, na ûrîa mûcûku ndangîmwîka naaî.

1Joh 5:18 ပူးပေါင်းရင်းမြစ်များ

Thaburi 119:101

Nînîrigagîrîria ndikethîrwe nîrî na mîtugo mîcûku, nîguo mvingagie kiugo gîaku.

Thaburi 119:3

andû arîa matekaga maûndû macûku; nwatî nîmarûmagîrîra njîra ciake.

Thaburi 17:4

Ndiîkaga maûndû macûku ta andû arîa engî, nî mvingagia mawatho maku na ndinyitanagîra na andû arîa aganu.

Thaburi 18:23

Ke nîaicî, atî nie ndirî na mavîtia, na atî nînîthemete gwîka maûndû macûku.

Thaburi 39:1

Nînaugire atîrî, “Ngaamenyagîrîra mîthiîre yakwa, nîguo rûrîmî rwakwa rûtigatûme njîvie. Ndikaavingûra kanyua gakwa, rîrîa andû arîa aganu marî vakuvî.”

Nthi 4:23

Menyerera ngoro yaku waro mûno, nîûndû ngororî nîkuo kuumaga maûndû marîa matongoragia ûtûûro wa mûndû.

Alawi 11:37

Kimba kîngîkaagwîra mbegû cia kûvanda, mbegû icio ikethîrwa itarî mûgiro.

Mathaayo 5:37

Mwauga ‘Îî’ nîîtuîkage ‘Îî’, na mwauga ‘Naarî’ nîtuîkage ‘Naarî.’ Ûndû wîngî wa wonthe ûrîa mûngiuga makîria ya ûguo uumaga kûrî Ûrîa Mûcûku.

Mathaayo 6:13

Ndûgatûvire mageriorî, nwatî ûtûvonokie kuuma kûrî Ûrîa Mûcûku.’

Johana 1:13

Nao matiatuîka ciana cia Ngai na njîra îrîa andû maciaragwa, kana vinya wa mûndû wana kana wendi wa mûndû, nwatî Ngai ke mwene nîke watûmire matuîke ciana ciake.

Johana 14:30

Ndikwaria namue mûno rîngî îvinda îraca, nîûndû mûnene wa gûkû nthî nîaûkîte. Ke ndangîvota kûmbatha,

Johana 15:4

Îkaragani ndaarî yakwa, nanie mbîkare ndaarî yenyu. Rûvûa rûgekara rûrî ruonga rûtingîgîa na maciaro; rûngîvota kûgîa na maciaro tu angîthîrwa nwa rwîkare mûthaviburî. Ûguo nwaguo wa namue mûtangîvota kûgîa na maciaro angîthîrwa tî mwîkara mûrî ndaarî yakwa.

Johana 15:7

Ethîrwa mûgekaraga ndaarî yakwa na ciugo ciakwa igekara ndaarî yenyu, ngaamûvecaga kîndû wa kîonthe kîrîa mûkaambîtagia.

Johana 15:9

Nie nîmwendete wata ûrîa Vava amendete; îkaragani wendorî wakwa.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.

1Pet 1:23

Nîûndû na njîra ya kiugo Kîam Ngai kîrîa kîrî mwoyo nîmûciarîtwe rîngî ta ciana cia mûciari ûrîa ûtakucaga, nwatî atûûraga tene na tene.

1Joh 2:29

Ethîrwa nîmwîcî atî Kristû nî mûthingu, nîmwagîrîrwe nî kûmenya atî mûndû wonthe wîkaga maûndû ma ûthingu nî mwana wa Ngai.

1Joh 3:12

Tûtiagîrîrwe nî kwîthîrwa twîkariî ta Kaini ûrîa warî wa Ûrîa Mûcûku, na waûragire mûrwang'ina, Abili. Kaini aaûragire mûrwang'ina nîkî? Aamûragire nîûndû ciîko irîa ke eekaga ciarî njûku, nwatî cia mûrwang'ina Abili ciarî mbaro.

1Joh 3:3

Mûndû wa wonthe wîrîgîrîrîte Kristû nîethagîrwe arî mûtheru wata ûrîa Kristû arî mûtheru.

1Joh 3:9

Gûtirî mwana wana ûmwe wa Ngai ûthiîcaga na mbere kwîvia nîûndû arî na Ûngai. Ke ndevagia nîûndû Ngai nîke Îthe.

1Joh 4:6

Nwatî tue tûrî a Ngai. Mûndû wa wonthe wîcî Ngai nîatûthikagîrîria. Mûndû wa wonthe ûtarî wa Ngai ndatûthikagîrîria. Na njîra ta îno nîtûmenyaga Roho wa ma na roho wa maveeni.

1Joh 5:1

Mûndû wa wonthe wîtîkîtie atî Jesû nîke Mesaya nî mwana wa Ngai, na mûndû wa wonthe wendete mûciari nîwendete wana nginya mwana.

1Joh 5:15

Ethîrwa na ma nîtwîcî atî rîrîa twamwîtia kîndû nîatwîgucaga, nîtwîcî atî nîatûvecaga kîrîa kîonthe twamwîtia.

1Joh 5:19

Nîtwîcî atî tûrî a Ngai wana ethîrwa nthî yonthe îrî rungu rwa wathani wa Ûrîa Mûcûku.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

1Joh 5:21

Ciana ciakwa, reganani na ngai cia maveeni!

1Joh 5:4

Nîûndû mûndû wa wonthe ûciarîtwe nî Ngai nîmûvootu nthî. Tûvootaga nthî na njîra ya wîtîkio.

Juda 1:21

Îkaragani mwendete Ngai wa mûgîetagîrîra Mwathani wetû Jesû Kristû. Na nîûndû wa ntha ciake nîakaamûva mwoyo wa tene na tene.

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,

Kûguû 2:13

Nie nîmbîcî we ûtûûraga kûrîa Caitani arî na gîtî gîake Kîam ûthamaki. We ûrî mwîvokeku kûrî nie, na ndwatiganîria wîtîkio waku kûrî nie wa na vîndî îrîa Anitipa aaûragirwe. Anitipa aarî mûira wakwa ûrîa waûragirwe arî îtûûrarî rîu rîenyu kûrîa Caitani atûûraga.