1Joh 5:16 - ÎVUKU RÎA ÛVORO MWARO

¹⁶ Ûngîona mûndû agîka rîvia rîrîa rîtangîtûma mûndû aûragwe mûvoere, na Ngai nîakaava mûndû ûcio mwoyo. Ûndû ûyû wîkîkaga kûrî andû arîa mekîte wîvia ûtangîtûma makue. Nwatî kûrî na wîvia ûtûmaga mûndû akue. Ndirauga atî mûndû nwa avoe nîûndû wa rîvia rîu.

1Joh 5:16 ပူးပေါင်းရင်းမြစ်များ

Kîam 20:17

Iburahimu nîwavoire Ngai nake akîvonia Abimeleki, mûka wa vamwe na ngombo ciake cia erîtu nîguo magîe na ciana.

Kîam 20:7

Nwatî rîu, cokia mûndûmûka ûyû kûrî mûthuuriwe. Mûthuuri ûcio wake nî mûrathi, na nîagûkûvoera nîguo ndûgaakue. Nwatî ethîrwa tîûmûcokia, nîrakwîra nama atî we nîûgûkua vamwe na andû aku onthe.”

Thaburi 106:23

Ngai nîangîathiririe andû ake, tiga nî Musa, ndungata îrîa aathuurîte waririe nake, na akîrigîrîria ndakamathirie nîûndû wa marakara make.

Ntha 34:9

Nîwaugire atîrî, “We Mwathani wakwa, ethîrwa ûrî mûkenie nî nie, nînakûthaitha wîtîkîre tûthiîcanie nawe. Andû aya nî aremi, nwatî tûkirîrîrie mavîtia metû, ûtwovere mevia metû na ûtwîtîkîre tûrî andû aku.”

Jeremia 11:14

Kwoguo, we Jeremia, ndûkangaîre kana ûmvoya nîûndû wa andû aya, nîûndû nie ndikaamathikîrîria mavinda marîa makethîrwa marî thînarî.”

Jeremia 14:11

Ngai-Mûnene nîwambîrire atîrî, “Ndûkanthaithe ndethie andû aya.

Jeremia 7:16

Ngai-Mûnene augîte atîrî, “We Jeremia, ndûkavoere andû aya, kana ûrîre ûkînthaitha nîûndû wa andû aya, nîûndû tîngûthikîrîria.

Ezek 22:30

Naacaririe mûndû gatagatîrî kao ûrîa ûngîtuma rûthingo na arûngame mbere yakwa vandûrî va andû a vûrûri nîguo ndikamacûkangie, nwatî ndianona wanarî ûmwe.

Ndari 12:13

Kwoguo Musa nîwarîrîre Ngai-Mûnene akîmwîra atîrî, “Ûûi, Ngai, nakûthaitha ûmûvonie!”

Ndari 15:30

“Nwatî mûndû ûrîa wîvagia akîmenyaga, arî Mûisiraeli kana arî mûgeni, ethagîrwa akîruma Ngai-Mûnene. Mûndû ûcio akaathengutagua andûrî a Ngai-Mûnene.

Luka 12:10

“Mûndû wa wonthe ûcambagia Mûrû wa Mûndû nîakooverwa, nwatî mûndû wa wonthe ûrumaga Roho Mûtheru ndarî vingo akooverwa.

Johana 17:9

“Acio nîo nîravoera. Ndiravoera andû a gûkû nthî nwatî nîravoera arîa wamvere nîûndû nî aku.

2Tim 4:14

Alekisanda mûturi wa cuuma nîwambîkire maûndû meengî macûku. Mwathani nî akaamûrîva kûringana na ciîko ciake.

1Joh 5:17

Gwîka naaî nî mevia, nwatî kûrî wîvia ûtangîtûma mûndû akue.

1Sam 12:19

Nao andû acio nîmeerire Samueli atîrî, “Twakûthaitha ûtûvoere kûrî Ngai-Mûnene, Ngai waku, nîguo tûtigakue. Rîu nîtwamenya atî nîtwongererete mevia marîa mengî monthe metû na wîvia wa gwîtia mûthamaki.”

1Sam 2:25

Angîthîrwa mûndû nwa avîtîrie mûndû ûrîa wîngî, Ngai nîke ûngîmeguithania. Nwatî mûndû angîvîtîria Ngai-Mûnene, nî ûrîkû vi ûngîmûthaithanîrîra?” Nao nîmaaregire kûthikîrîria ûrîa meeragwa nî îthe, nîûndû Ngai-Mûnene nîwatuîte atî nîakûmaûraga.