1Joh 5:14 - ÎVUKU RÎA ÛVORO MWARO

¹⁴ Twîthagîrwa tûrî na ûmîrîru tûrî mbere ya Ngai nîûndû nîtwîcî na ma atî tûngîmwîtia kîndû wa kîonthe kûringana na wendi wake, ke nîatwîgucaga.

1Joh 5:14 ပူးပေါင်းရင်းမြစ်များ

1Atha 3:12

rîu nîngûkûva kîu wavoya. Nîngûva ûûgî mwîngî na ûmenyo, ûrîa ûtaanethîrwa ûrî na mûndû wîngî kana ûkeethîrwa ûrî na mûndû wîngî vuva waku.

Ayubu 34:28

Kwoguo nîmaatûmire arîa athîni makaîra Ngai, nake Ngai nîweguire kîrîro Kîam arîa maavinyîrîrîtue.

Thaburi 145:19

Nîavingagia mavata ma arîa onthe mamûtîîte, nîegucaga kîrîro Kîamo na akamavonokia.

Thaburi 31:22

Naarî mûmaku na ngeciria atî ûrî mûriganîre nînie, nwatî nîweguire kîrîro gîakwa rîrîa nagûkaîre ûndethie.

Thaburi 34:17

Rîrîa andû athingu magûkaîra Ngai-Mûnene nîamathikagîrîria; na nîamavonokagia kuuma mathînarî mao monthe.

Thaburi 69:33

Nîûndû Ngai-Mûnene nîathikagîrîria arîa marî na ûvatari, na ndariganagîrwa nî andû ake arîa marî njeera.

Nthi 10:24

Andû arîa athingu manyitaga kîrîa meriragîria, nwatî andû arîa aganu manyitaga kîrîa metigîrîte mûno.

Nthi 15:29

Ngai-Mûnene nîwîgucaga mavoya ma andû arîa athingu, nwatî ndathikagîrîria andû arîa aganu.

Jeremia 33:3

“Mbîta na nîngûgwîtîka na ngwîre maûndû manene marî nthithorî marîa ûtaicî.

Mathaayo 21:22

Ethîrwa mue nwa mwîtîkie, mûkaavecagwa kîndû kîonthe kîrîa mûgetagia rîrîa mûravoya.”

Johana 11:42

Nie nîmbîcî nîûnthikagîrîria vingo cionthe, nwatî nîrauga ûguo nîguo andû aya marî ava mamenye atî we nîwe wandûmire.”

Johana 14:13

Ûndû wa wonthe ûrîa mûkavoyaga na rîîtwa rîakwa ngawîkaga, nîguo Vava akumague na njîra ya Mûriû.

Johana 15:7

Ethîrwa mûgekaraga ndaarî yakwa na ciugo ciakwa igekara ndaarî yenyu, ngaamûvecaga kîndû wa kîonthe kîrîa mûkaambîtagia.

Johana 16:24

Nginya rîu gûtirî ûndû mwanavoya na rîîtwa rîakwa. Voyani namue nîmûkûvewa na mûcoke mûgîe na gîkeno gîkî gîcûru.

Johana 9:31

Tue nîtwîcî atî Ngai ndathikagîrîria evia, nwatî nîathikagîrîria mavoya ma andû arîa mamwîtigîrîte na mavingagia wendi wake.

Aefeso 3:12

Tûrî kîndû kîmwe na Kristû na nîtûmwîtîkîtie nîtûgîte na ûmîrîru wa kûthiî varî Ngai tûrî na mwîvoko.

Ahib 10:35

Kwoguo mûtikaûrwe nî vinya nîûndû mwathiî na mbere na kûmîrîria, nîmûkaagîa na kîveo kînene.

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

Ahib 3:6

Nwatî Kristû nîmwîvokeku ta Mûriû ûrîa wathanaga nyombarî ya Ngai. Tue tûrî nyomba ya Ngai ethîrwa nîtûkûthiî na mbere kûmîrîria tûrî na mwîvoko wa kîrîa twîrîgîrîrîte.

Jakuvu 4:3

Rîrîa mwetia, mûtivecagwa nîûndû mwîtagia mûtarî na itûmi mbaro. Mwîtagia indo nîguo mûitûmîre mûgîkenia mîîrî yenyu.

Jakuvu 5:16

Kwoguo umbûranagîrani mevia menyu na mûvoyanagîre nîguo mue mûvonue. Mavoya ma mûndû mûthingu nîmethagîrwa na ûvoti mûnene.

1Joh 2:28

Na rîu twana twakwa, îkarani ndaarî yake nîguo vîndî îrîa agaaûka, tûkethîrwa tûrî na ûmîrîru, nîguo tûtikegue nthoni tûrî mbere yake mûthenya ûrîa agaaûka.