1Joh 5:11 - ÎVUKU RÎA ÛVORO MWARO

¹¹ Ûyû nîguo ûira atî: Ngai nîatûvete mwoyo wa tene na tene. Naguo mwoyo ûyû umaga kûrî Mûriû wake.

1Joh 5:11 ပူးပေါင်းရင်းမြစ်များ

Mathaayo 25:46

Nao andû acio nîmakaathiî kûrîa makaaverithua tene na tene. Nao andû arîa athingu nîmakaathiî mwoyorî wa tene na tene.”

Johana 1:19

Atongoria a Ayahudi marî Jerusalemu, nîmaatûmire athînjîri-Ngai na Alawi mathiî kûrî Johana makamûrie atîrî, “We wî û?”

Johana 1:4

Ndaarî yake kwarî na mwoyo, naguo mwoyo nîguo warî ûtheri wa andû.

Johana 10:28

Nie nînîivecaga mwoyo wa tene na tene, na itigaakua rî kana rî. Gûtirî mûndû ûngînjuna cio.

Johana 12:50

Na nîmbîcî atî maathani make nîmatûmaga andû magîe na mwoyo wa tene na tene. Kwoguo ûndû wa wonthe mbugaga nî ûrîa Vava ethagîrwa ambîrîte mbuge.”

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 19:35

(Mûndû ûrîa wonire ûndû ûyû ûgîkîka nîke ûravecana ûira, na ûrîa augîte nî ûira wa ma. Ke nîwicî aragia ûvoro wa ma, na aragia nîguo wa namue mwîtîkie.)

Johana 3:36

Mûndû wa wonthe wîtîkîtie Mûriû arî na mwoyo wa tene na tene; na mûndû wa wonthe ûregete kûmwîtîkia ndakaagîa na mwoyo, nwatî agatûûra averithagua nî Ngai.

Johana 4:36

Mûkethi wa maciaro mau nîararîvwa mûcara wake na araketha maciaro nîûndû wa mwoyo wa tene na tene. Kwoguo mûvandi na mûkethi nîmagaakena marî vamwe.

Johana 4:4

Na arî rûgendorî rwa kûthiî Galili, nwa nginya angîavîtûkîrîre Samaria.

Johana 5:21

Na wata ûrîa Îthe ariûkagia akuû na akamava mwoyo, ûguo nwa ta guo Mûriû avecanaga mwoyo kûrî arîa onthe endaga kûva.

Johana 5:26

Na wata ûrîa Vava ke mwene arîke kiumo Kîam mwoyo, ûguo nwa ta guo atûmîte Mûriû atuîke kiumo Kîam mwoyo.

Johana 6:40

Nîûndû wendi wa Vava nî atî mûndû wa wonthe ûrîa wonaga Mûriû na akamwîtîkia nîwagîrîrwe nî kûgîa na mwoyo wa tene na tene. Nanie nîngaamûriûkia mûthenya wa mûthiia.”

Johana 6:47

Nie nîramwîra ûma: mûndû wa wonthe wîtîkîtie arî na mwoyo wa tene na tene.

Johana 6:68

Nake Simoni Petero nîwamûcokerie atîrî, “Mwathani tûngîgûtiga tûkathiî kûrî û? We ûrî na ciugo cia mwoyo wa tene na tene.

Aroma 5:21

Kwoguo wata ûrîa mevia maathamakire na njîra ya gîkuû, nwaguo wega wa Ngai ûthamakaga na njîra ya ûthingu na ûgatûma tûgîe na mwoyo wa tene na tene na njîra ya Jesû Kristû Mwathani wetû.

Aroma 6:23

Nîûndû mûcara wa mevia nî gîkuû, nwatî kîveo kîrîa Ngai avecanaga nî mwoyo wa tene na tene mûrî rûmwe na Jesû Kristû Mwathani wetû.

1Tim 1:16

Nwatî Ngai nîwambîguîrîre ntha. Ekire ûguo nîguo gûkirîrîria kwa Jesû Kristû kwonekane na njîra yakwa nîûndû naarî mûndû mwîvia mûno. Nie nîrî kîonereria Kîam andû arîa magaacoka gwîtîkia Jesû Kristû nîguo magîe na mwoyo wa tene na tene.

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

1Joh 2:25

Kîveo kîrîa Kristû aatwîrîre nî mwoyo wa tene na tene.

1Joh 4:10

Wendani wîkariî ûû: tî atî nîkwa twendire Ngai, nwatî nîke watwendire na agîtûma Mûriû wake atuîke wa gûtûma tûoverwe mevia metû.

1Joh 4:9

Ngai nîwonanirie ûrîa atwendete na njîra îno; ke nîwatûmire Mûrû wake wa mûmwe gûkû nthî nîguo tûgîe mwoyo nîûndû wake.

1Joh 5:10

Kwoguo mûndû wa wonthe wîtîkagia Mûriû wa Ngai arî na ûira ûyû ngororî yake. Nwatî mûndû wa wonthe ûtetîkîtie Ngai nî atuîte Ngai wa maveeni, nîûndû mûndû ûcio ndetîkanîtie na ûrîa Ngai augîte ûrî ta ûira wîgiî Mûriû wake.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

1Joh 5:7

8 Kûrî na aira athatû, nao nî;

3Joh 1:12

Andû onthe maragia maûndû maro megiî Demetirio. Ûma guo mwene nîwaragia ûvoro mwaro ûmwîgiî. Wanatue nîtwaragia maûndû maro mamwîgiî na nîmwîcî atî maûndû marîa twaragia nîma ma.

Juda 1:21

Îkaragani mwendete Ngai wa mûgîetagîrîra Mwathani wetû Jesû Kristû. Na nîûndû wa ntha ciake nîakaamûva mwoyo wa tene na tene.

Kûguû 1:2

na Johana nîwîranîte ûrîa wonthe onete. Rûrû nîruo rûgano rwake rwîgiî ndûmîrîri kuuma kûrî Ngai, na ûma ûrîa waguûrirue nî Jesû Kristû.

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.