1Joh 4:8 - ÎVUKU RÎA ÛVORO MWARO

⁸ Mûndû wa wonthe ûtendanaga ndecî Ngai, nîûndû Ngai nî wendo.

1Joh 4:8 ပူးပေါင်းရင်းမြစ်များ

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Thaburi 86:5

We Mwathani, wî mwagîrîru na nîwovanagîra; nîwonagia andû arîa makûvoyaga wendo ûtathiraga.

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

Aefeso 2:4

Nwatî ntha cia Ngai nî nyîngî mûno na nîatwendete mûno.

Ahib 12:29

nîûndû Ngai wetû nî mwaki ûrîa ûvîvagia ûkathiria.

1Joh 1:5

Îno nîyo ndûmîrîri îrîa twîguîte kuuma kûrî Mûriû wake na nîyo tûmûvunjagîria atî: Ngai nî ûtheri na ndaarî yake gûtirî nduma wana vanini.

1Joh 2:4

Mûndû ûrîa ugaga atî nîamwîcî na ndathîkagîra maathani make nî mûthaani na ndaarî yake gûtirî na ûma.

1Joh 2:9

Mûndû wa wonthe ugaga atî ke arî ûtherirî na nîamenaga aa mwarwang'ina na aa mûrwang'ina, ethagîrwa arî ndumarî wata mbere.

1Joh 3:10

Îno nîyo ngûrani îrîa îthagîrwa îrî vo gatagatîrî ga ciana cia Ngai na ciana cia Ngoma. Mûndû wa wonthe ûtekaga ûrîa kwagîrîrîte, tî mwana wa Ngai na andû arîa matendete andû arîa engî tî ciana cia Ngai.

1Joh 3:6

Kwoguo mûndû wa wonthe ûtûûraga arî ûrûmwe na Kristû ndevagia nwatî mûndû wa wonthe wîvagia, ndaanamwona na ndamwîcî.

1Joh 4:16

Kwoguo tue nîtwîcî na nîtwîtîkîtie wendo ûrîa Ngai atwendete naguo. Ngai nî wendo na mûndû wa wonthe wîkaraga endanîte, ekaraga ndarî ya Ngai nake Ngai ekaraga ndaarî yake.

1Joh 4:7

Arata akwa, nîtwendanageni mûndû na ûrîa wîngî nîûndû wendo umaga kûrî Ngai. Mûndû ûrîa wendanaga nî mwana wa Ngai, na ke nîwîcî Ngai.