1Joh 3:24 - ÎVUKU RÎA ÛVORO MWARO

²⁴ Arîa onthe mathîkagîra maathani ma Ngai matûûraga marî ûûrûmwe na Ngai nake Ngai atûûraga arî ûûrûmwe nao. Tûmenyaga atî Ngai atûûraga arî ûrûmwe natue nîûndû wa Roho ûrîa atûvete.

1Joh 3:24 ပူးပေါင်းရင်းမြစ်များ

Johana 10:38

Nwatî angîthîrwa nîreka maûndû marîa Vava endaga mbîke, nîkwagîrîrîte mwîtîkie maûndû marîa mbîkaga wana ethîrwa mûtirambîtîkia. Mwona mwetîkia maûndû marîa mbîkaga nîmûkûvota kûmenya waro atî nie na Vava tûrî kîndû kîmwe.”

Johana 14:17

Ke nîke Roho ûrîa wonagia andû ûvoro wa ma. Andû a gûkû nthî matingîmwamûkîra, nîûndû matimwonaga wana kana mamûmenye. Nwatî mue nîmûmwîcî nîûndû atûûranagia namue na arî ndaarî yenyu.

Johana 17:21

Nîravoya atî onthe matuîke kîndû kîmwe. Maroekara ndaarî yetû, wata ûrîa we ûrî ndaarî yakwa nanie nîrî ndaarî yaku. Marotuîka kîndû kîmwe nîguo andû a gûkû nthî metîkie atî we nîwe wandûmire.

1Akor 3:16

Mue nîmwicî atî mûrî hekarû ya Ngai na Roho wa Ngai atûûraga ndaarî yenyu.

1Akor 6:19

Anga mue mûtiîcî atî mîîrî yenyu nî hekarû ya Roho Mûtheru ûrîa ûrî ndaarî yenyu? Mue nîmwamûkîre Roho Mûtheru kuuma kûrî Ngai. Mûtirî enyu mue ene.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.

2Tim 1:14

Gitagîra ûvoro wa ma ûrîa wîvokeretwe ûvotithîtue nî Roho Mûtheru ûrîa ûtûûraga ndaarî yaku.

1Joh 2:24

Tigani ûvoro ûrîa mwegwire kuuma Kîammbîrîria wîkare ngororî cienyu. Ethîrwa ûvoro ûcio ûgekaraga ndaarî yenyu vîndî cionthe, mue nîmûgûtûûra mûrî ûrûmwe na Mûriû na Îthe.

1Joh 2:3

Ethîrwa nwa twathîkîre maathani ma Ngai nwa twîthîrwe tûrî na ûma atî nîtûmûmenyete.

1Joh 2:5

Nwatî mûndû ûrîa wathîkagîra kiugo gîake nîethagîrwa na ma ecûrîtwe nî wendo wa Ngai. Tûngîvota kûmenya tûrî ngwatanîro na Ngai na njîra ta îno:

1Joh 2:6

arîa maugaga atî matûûraga marî ngwatanîro na Ngai magîrîrwe nî gûtûûra ta ûrîa Jesû Kristû aatûûraga.

1Joh 3:22

Ngai nîatûvecaga kîndû wa kîonthe kîrîa twamwîtia nîûndû nîtûrûmagîrîra maathani make na nîtwîkaga maûndû marîa mamûkenagia.

1Joh 4:7

Arata akwa, nîtwendanageni mûndû na ûrîa wîngî nîûndû wendo umaga kûrî Ngai. Mûndû ûrîa wendanaga nî mwana wa Ngai, na ke nîwîcî Ngai.