1Joh 3:14 - ÎVUKU RÎA ÛVORO MWARO

¹⁴ Nîtwîcî atî nîtûthengutîrîtue gîkuû na tûgakinya mwoyorî nîûndû nîtwendete ariû na aarî a îthe wetû. Mûndû ûrîa ûtendanaga atûûraga gîkuûrî.

1Joh 3:14 ပူးပေါင်းရင်းမြစ်များ

Thaburi 16:3

Andû arîa mevokete Ngai-Mûnene vûrûrirî kaî nî aro-î! Nîngenaga mûno ngîkarania nao.

Nthi 21:16

Mûndû ûrîa ûtiganaga na mîtugo îrîa mîaro, arîkagîrîria kwa arîa akuû.

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Luka 15:24

nîûndû mwanake ûyû wakwa ararî mûkuû, nwatî rîu nîmûriûku; ararî mûru nwatî rîu nîmwoneku.’ Na kwoguo nîmaambîrîrie gûkenanîra.

Luka 15:32

Nwatî nîkûragîrîrîte tûkûngûîre na tûkene nîûndû mûrwanyûkwe ûyû ararî mûkuû nwatî rîu nîmûriûku, na ararî mûru na rîu nî mwoneku.’ ”

Luka 7:5

nîûndû ke nîwendete andû etû na nîwatûtumîre îvoero.”

Johana 13:35

Mwekara mwendanîte, andû onthe makaamenyaga atî mûrî arutwa akwa.”

Johana 15:12

Narîo rîathani rîakwa nî rîîrî: Endanagani wa ta ûrîa nîmwendete.

Johana 15:17

Narîo rîathani rîakwa nî rîîrî: Endanagani.

Johana 5:24

“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo.

2Akor 5:1

Tue nîtwîcî atî kûrî vîndî îgema rîîrî rîetû tûtûûraga rîa gûkû nthî rîkaatharua. Narîo îgema rîu nî mîîrî îno yetû. Vîndî îo Ngai akeethîrwa arî na nyomba yetû kûu îgûrû. Nyomba îo nîke ke mwene ûtumîte na îgaatûûra tene na tene.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Aefeso 1:15

Nîûndû wa gîtûmi kîu, kuuma wa rîrîa neguire ûrîa mwîtîkîtie Mwathani Jesû na ûrîa mwendete andû onthe a Ngai

Aefeso 2:1

Mue mwarî akuû kîîroho nîûndû wa ûremi na mevia menyu.

Aefeso 2:5

Wana rîrîa twarî akuû kîîroho nîûndû wa ûremi wetû, nîwatûmire tûtûûre mwoyo vamwe na Kristû. Nî wega wa Ngai ûtûmîte mûvonoke.

Akol 1:4

nîûndû nîtûrîkîtie kwîgua atî nîmwîtîkîtie Jesû Kristû na nîmwendete andû onthe a Ngai.

1Ath 4:9

Gûtirî na vata ya kûmwandîkîra ûvoro wîgiî kwenda ariû na aarî a îthe wetû, nîûndû Ngai nîamûthomithîtie ûrîa mwagîrîrwe nî kwendana.

Ahib 13:1

Endanagani mûndû na ûrîa wîngî ta ariû na aarî a îthe wetû.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Pet 3:8

Mûthiiarî nîramwîra atî, nwanginya muonthe mûnyitanagîre meciriarî menyu na mûcaanagîre. Endanagani ta ciana cia ng'ina ûmwe na mwîgucanagîre ntha na mwînyivanagîrie.

2Pet 1:7

Ûngairî wenyu mwongagîrîre ûtaana kûrî aarî na ariû a îthe wetû, ûtaanarî wenyu kûrî aarî na ariû a îthe wetû mwongagîrîre wendani.

1Joh 2:3

Ethîrwa nwa twathîkîre maathani ma Ngai nwa twîthîrwe tûrî na ûma atî nîtûmûmenyete.

1Joh 3:23

Narîo rîathani rîake nî atî; nwa nginya twîtîkie Mûriû wake Jesû Kristû na twendanage mûndû na ûrîa wîngî ta ûrîa Kristû aatwathire.

1Joh 4:12

Gûtirî mûndû wanona Ngai, nwatî tûngîendana Ngai agatûûraga ndaarî yetû naguo wendo wake ûkethagîrwa ûrî mûkinyanîru ndaarî yetû.

1Joh 5:13

Mue arîa mwîtîkîtie Mûriû wa Ngai nîramwandîkîra nîguo mûmenye atî mûrî na mwoyo wa tene na tene.

1Joh 5:2

Tûmenyaga atî nîtwendete ciana cia Ngai na njîra ya kwenda Ngai, na kwathîkîra maathani make.