1Joh 2:3 - ÎVUKU RÎA ÛVORO MWARO

³ Ethîrwa nwa twathîkîre maathani ma Ngai nwa twîthîrwe tûrî na ûma atî nîtûmûmenyete.

1Joh 2:3 ပူးပေါင်းရင်းမြစ်များ

Thaburi 119:32

Ngaarûmagîrîra ûrîa maathani maku maugîte, nîûndû nîûmvecaga ûtaûku mwîngî.

Thaburi 119:6

Nîngîrûmîrîra maathani maku monthe, ndigaacoka gûconorithua.

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Luka 6:46

“Nîndûî gîtûmaga mûmbîte, ‘Mwathani, Mwathani,’ na mûtiîkaga maûndû marîa nîmwîraga mwîke?

Johana 14:15

“Ethîrwa nîmûmendete, mûkaathîkagîra maathani makwa.

Johana 15:10

Mwathîkîra maathani makwa mûgekaraga mûrî wendorî wakwa, wata ûrîa mbathîkîrîte maathani ma Vava na ngekara nîrî wendorî wake.

Johana 15:14

Mwona mweka maûndû marîa nîmwathaga, nîmûgûtuîka arata akwa.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

Ahib 5:9

Na rîrîa aatuirwe mwagîrîru, nîwatuîkire kiumo Kîam ûvonokio wa tene na tene kûrî arîa onthe mamwathîkagîra.

1Joh 2:13

Nîramwandîkîra mue andû akûrû, nîûndû nîmwîcî ûrîa ûtûûraga mwoyo kuuma wa Kîammbîrîria. Nîramwandîkîra mue andû ethî, nîûndû nîmûvootete Ûrîa Mûcûku. Nîramwandîkîra mue ciana ciakwa, nîûndû nîmwîcî Îthe wetû.

1Joh 3:14

Nîtwîcî atî nîtûthengutîrîtue gîkuû na tûgakinya mwoyorî nîûndû nîtwendete ariû na aarî a îthe wetû. Mûndû ûrîa ûtendanaga atûûraga gîkuûrî.

1Joh 3:19

Ûndû ûyû nîguo ûgaatûmenyithagia atî tûrî a ma, na atî twîthagîrwa tûtarî na nganja ngororî cietû tûrî mbere ya Ngai.

1Joh 3:6

Kwoguo mûndû wa wonthe ûtûûraga arî ûrûmwe na Kristû ndevagia nwatî mûndû wa wonthe wîvagia, ndaanamwona na ndamwîcî.

1Joh 4:13

Ûndû ûrîa tûmenyaga naguo atî Ngai atûûraga ndaarî yetû, natue tûtûûraga ndaarî yake nî atî: ke nîwatûvere Roho wake.

1Joh 4:7

Arata akwa, nîtwendanageni mûndû na ûrîa wîngî nîûndû wendo umaga kûrî Ngai. Mûndû ûrîa wendanaga nî mwana wa Ngai, na ke nîwîcî Ngai.

1Joh 5:19

Nîtwîcî atî tûrî a Ngai wana ethîrwa nthî yonthe îrî rungu rwa wathani wa Ûrîa Mûcûku.

1Joh 5:2

Tûmenyaga atî nîtwendete ciana cia Ngai na njîra ya kwenda Ngai, na kwathîkîra maathani make.

1Joh 5:3

Nîûndû wendo wetû kûrî Ngai nî atî twathîkîre Maathani make na maathani make tî mûrigo kûrî tue.

Kûguû 12:17

Njûnamatu îo nîyarakarirue mûno nî mûndûmûka ûcio na îkîthiî kûrûa na njiarwa icio ciîngî ciake, nacio nî irîa ciathîkagîra maathani ma Ngai na irî na wîvokeku kûrî ûma ûrîa waguûrirue na njîra ya Jesû.

Kûguû 14:12

Ava varenda ûmîrîru wa andû a Ngai arîa mavingagia maathani make na mevokete Jesû.

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.