1Joh 2:17 - ÎVUKU RÎA ÛVORO MWARO

¹⁷ Nthî na indo cionthe irîa irî kuo, irîa ciîriragîrua nî andû nîirathira. Nwatî mûndû ûrîa wîkaga wendi wa Ngai atûûraga tene na tene.

1Joh 2:17 ပူးပေါင်းရင်းမြစ်များ

Thaburi 102:26

Îgûrû na nthî nîikaathira, nwatî we nîûtûûra kuo, ikaathira ta nguo ngûrû, na nîikaaûrîra.

Thaburi 143:10

Nthomithia gwîka wendi waku, nîûndû we nîwe Ngai wakwa. Tiga wega waku ûndongoragie nthiîcagîrîre njîrarî irîa nûngarû.

Thaburi 39:6

Nama, mûndû wonthe nî ta kîruru. Mawîra monthe marîa marutaga nî ma mana; acaragia ûtonga nwatî ndamenyaga ûrîa ûkaarigia nacio akua.

Thaburi 90:9

Ûtûûro wetû nîûthiragua nî marakara maku, ûthiraga ta mîvevû.

Nthi 10:25

Rîrîa rûkûngi rûnene rwaûka rûthiragia andû arîa aganu, nwatî andû arîa athingu matûûraga mekindîrîtie tene na tene.

Mathaayo 21:31

Nî ûrîkû gatagatîrî ka acio aîrî wekire ûrîa îthe eendaga?” Nao nîmaacokirie atîrî, “Nî ûcio wa mbere.” Kwoguo Jesû nîwamerire atîrî, “Nîramwîra nama atî etia a mbeca cia gooti na maraa nîmagaatonya Ûthamakirî wa Ngai mbere yenyu.

Mathaayo 24:35

Îgûrû na nthî nîikaathira, nwatî ciugo ciakwa itikaathira.

Mathaayo 7:21

“Tî mûndû wa wonthe ûmbîtaga ‘Mwathani, Mwathani’ ûgaatonya Ûthamakirî wa îgûrû, nwatî nî andû arîa tu mekaga wendi wa Vava ûrîa wî îgûrû.

Maariko 3:35

Mûndû wa wonthe ûvingagia wendi wa Ngai, nîke mûrwaiya na mwarwaiya, na nîke nyanya.”

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Johana 6:58

Ûyû nîguo mûgate ûrîa wanyûrûrûkire kuuma îgûrû. Ndwîkariî ta mûgate ûrîa warîrwe nî methe menyu ma tene na vuvarî magîkua. Nwatî mûndû wa wonthe ûrîa ûrîcaga mûgate ûyû nîagaatûûra tene na tene.”

Johana 7:17

Mûndû wa wonthe wendaga kûvingia wendi wa Ngai nîamenyaga kana maûndû marîa nthomithanagia maumîte kûrî Ngai, kana mbaaragia na wathani wakwa.

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

1Akor 7:31

Nao andû arîa matûmagîra mavinda mao na gwîka maûndû ma gûkû nthî, magîrîrwe nî gwîkara takwa matatûmagîra mavinda mao monthe na gwîka maûndû ma gûkû nthî, nîûndû nthî îno wana mwîkarîre wayo wa rîu îthiîte kûthira.

Akol 1:9

Kîu nîkîo gîtûmaga tûmûvoere vîndî cionthe kuuma rîrîa twambîrîrie kwîgua ûvoro ûmwîgiî. Tûragia Ngai amûvotithagie kûmenya wendi wake na kûgîa na ûûgî mwîngî na ûtaûku ûrîa Roho wake avecanaga.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

1Ath 4:3

Ngai endaga mwîthagîrwe mûrî atheru na mûtagwîka ûmaramari.

1Ath 5:18

na mûcokagie ngatho maûndûrî monthe. Ûguo nîguo Ngai endaga mûtûûre mue arîa mwîtîkîtie Jesû Kristû.

Ahib 10:36

Mue nîmwagîrîrwe nî gûkirîrîria nîguo mûvotage gwîka wendi wa Ngai, na nîmûkaavewa kîrîa eeranîre.

Jakuvu 4:14

Nwatî mûtiîcî ûrîa gûgaatuîka rûyû. Mwoyo wenyu wîkariî ta nundu. Mwavota kûmîona gwa kavinda kanini, nwatî îgacoka îkathiî.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.

1Pet 4:2

Kuuma rîu mûtûûrîre wenyu gûkû nthî nîwîthagîrwe ûtongoretue nî wendi wa Ngai nwatî tî merirîria ma ûmûndû.