1Joh 2:16 - ÎVUKU RÎA ÛVORO MWARO

¹⁶ Indo cionthe cia nthî ta, merirîria macûku ma mwîrî, merirîria ma indo njûku irîa twonaga, wana kana mwîtîîo nîûndû wa indo cia gûkû nthî matiîthagîrwa maumîte kûrî îthe wetû, nî ma nthî.

1Joh 2:16 ပူးပေါင်းရင်းမြစ်များ

Kîam 3:6

Nake mûndûmûka nîwonire ûrîa mûtî ûcio warî mûthaka na ûrîa matunda maguo maarî maro ma kûrîwa, na atî warî wa kwîrirîrua nîûndû wa kûva mûndû ûgî. Kwoguo nîwatuire matunda ma mûtî ûcio akîrîa. Nîwacokire akîva mûthuuriwe mamwe, wa nake akîrîa.

Kîam 6:2

ciûmbe cia îgûrû nîcionire erîtu acio a andû marî athaka mûno. Ciûmbe icio nîciethuurîre erîtu amwe matuîke aka ao.

Ayubu 31:1

Nie mwene nînîvîtîte atî, ndikaroria mwîrîtu nîmwîrirîria.

Thaburi 73:6

Kwoguo mekagîra mwîtîîo ta mûkathî wa ngingo; naguo waganu ûkamakunîkîra ta nguo.

Thaburi 78:18

Nîmaatwire na ngoro ciao magerie Ngai, na njîra ya kûmwîtia irio irîa meeriragîria.

Thaburi 78:30

Nwatî wana mbere ya marîa irio mavaa, wa makîrîcaga,

Nthi 27:20

Kwa arîa akuû gûtiîcûraga, wana metho ma mûndû matiîganagia kwona.

Nthi 6:25

Ndûkerirîrie ûthaka wake, na akûveneria na metho make ndûkamûrûmîrîre.

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Ndari 11:34

Kwoguo vandû vau nîvaatuîrîrwe rîîtwa Kivirothi Hatava (ûguo nî kuga mbîrîra cia arîa akoroku) nîûndû vau nîvo andû arîa maarî na ngumba ya nyama maathikirwe.

Ndari 11:4

Kwarî na andû ageni mathiîcanîtie na andû a Isiraeli. Andû acio maarî na ngumba ya nyama mûno. Kwoguo nîmaatûmire andû a Isiraeli mambîrîria kûrîra makiugaga atîrî, “Narî kethîrwa tûrî na nyama cia kûrîa!

Mathaayo 4:8

Nayo Ngoma îo nîyacokire îkîvira Jesû kîrîmarî kîraca mûno na îkîmwonia mothamaki monthe ma nthî, ûnene na ûthaka wamo.

Mathaayo 5:28

Nwatî rîu nîramwîra atî: mûndû wa wonthe ûroragia mûndûmûka na akerirîria kûmenyana kîîmwîrî nake, nîarîkîtie kûtharia na mûndûmûka ûcio ngororî yake.

Luka 4:5

Ngoma nîyacokire agîtongoria Jesû akîmûvira vandû îgûrû. Na kavinda ta ga kûvucia kwa riitho ngoma nîyonirie Jesû mothamaki monthe ma nthî,

Aroma 13:14

Nwatî îkîrani Mwathani Jesû Kristû arî take indo cienyu cia mbaara, na mûtige kwîthînia nîûndû wa mîîrî yenyu îrîa îvagia atî nîguo mûvingie maûndû marîa îriragîria.

1Akor 10:6

Maûndû mau monthe meekîkire nîguo matuîke kîonereria kûrî tue gîa gûtûkaania atî tûtikeriragîrie maûndû macûku ta ûrîa mekire,

Agal 5:17

Nîûndû merirîria ma mwîrî nîmareganîte na wendi wa Roho, naguo wendi wa Roho nîûreganîte na merirîria ma mwîrî. Mwîrî na Roho nîireganîte. Kwoguo mûtingîvota gwîka wa ûrîa mûkwenda.

Agal 5:24

Nao arîa metanîtue na Kristû Jesû nîmaûragîte ûmûndû wao wa vamwe na ngumba na merirîria maguo macûku.

Aefeso 2:3

Ûma nî atî wa natue tuonthe twekaga wa tao. Twatûûraga twathagwa nî merirîria metû ma kîîndwîre na tûgekaga maûndû marîa meriragîrua nî mîîrî yetû na meciria metû, na twarî tûkinyîrwe nî marakara ma Ngai wata andû arîa engî.

Tito 2:12

Wega ûcio wa Ngai nîûtûtaaraga tûreganage na maûndû marîa matarî ma ûngai na tûtigane na merirîria ma maûndû ma gûkû nthî. Wega ûcio nîûtûtaaraga twîkarage twînyitîtie maûndûrî, tûrî andû arûngîrîru na twîtîkîtie Ngai rîrîa tûrî nthî îno.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

Jakuvu 3:15

Ûûgî ta ûyû tî ta ûrîa ûnyûrûrûkaga kuuma îgûrû, nwatî nî wa gûkû nthî na ndumanîte na Roho wa Ngai, umanîtie na ndaimono.

Jakuvu 4:16

Nwatî rîu, mue mûrî etîi na egathi, na mwîgatho ta ûcio wonthe nî mûcûku.

Josh 7:21

indo imwe cia irîa twacûkangagia nînonire nguo mbaro yarî ya kuuma Babuloni, kilo igîrî cia sîlûva na thaavu yarî na ûrito wa nuthu kilo. Nonire irî mbaro na ngîciîrirîria na ngîcioca. Indo icio nîithithîte îrimarî nenjire îgemarî rîakwa. Mûgaaciona irî vamwe na sîlûva îrî rungu rwa cio.”

1Pet 1:14

Rîu nîûndû mûrî ciana mbathîki cia Ngai, mûtigatûûre na merirîria marîa mwatûûraga namo vîndî ya tene rîrîa mûtaarî ataûkîre.

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.

2Pet 2:10

Andû arîa makaaverithua nî arîa marûmagîrîra merirîria macûku ma mîîrî yao, na makanyarara wathani wa Ngai. Arimû a maveeni nî aûmîrîru na nî ndûrîka na mationanagia gîtîîo kûrî ciûmbe cia îgûrû irîa irî riiri, vandû va ûguo nîkwa mairumaga.

2Pet 2:18

Nîecari na nîmaragia maûndû ma ûrimû. Na njîra ya merirîria mao macûku ma mwîrî, nîmathaagîrîria andû arîa mambîrîrîtie kûthengutîra andû arîa matûûraga mavîtagia.