1Joh 2:10 - ÎVUKU RÎA ÛVORO MWARO

¹⁰ Mûndû wa wonthe wendete mûrwang'ina na mwarwang'ina ekaraga ûtherirî na ndarî ûndû ûngîtûma mûndû wîngî evie.

1Joh 2:10 ပူးပေါင်းရင်းမြစ်များ

Thaburi 119:165

Andû arîa mendete watho waku marî thayû mwîngî, gûtirî ûndû ûngîmavînga.

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Mathaayo 13:21

nwatî matiîthagîrwa marî na mîri na nîmamîamûkagîra kwa îvinda înini. Nao mambîrîria kûthînua na kûnyamarua nîûndû wa ndûmîrîri îo, nîmamîtiganagîria wa rîmwe.

Mathaayo 18:7

Na kaî nthî îrî na thîna-î, nîûndû atî kûrî na maûndû matûmaga andû mevie. Maûndû ta mau magatuîkîkaga vingo cionthe, nwatî mûndû ûrîa ûtûmaga maûndû mau mekîke arî na thîna.

Johana 11:9

Nake Jesû nîwamerire atîrî, “Na kinthî mûthenya ndwîthagîrwa na mathaa îkûmi na maîrî? Kwoguo mûndû wa wonthe ûthiîcaga mûthenya ndavîngagwa nîûndû nîwonaga ûtheri wa gûkû nthî.

Johana 12:35

Nake Jesû nîwamerire atîrî, “Ûtheri nîwîthîrwa ûrî gatagatîrî kenyu kavinda kanini. Thiîni rîrîa kûrî na ûtheri nîguo mûtikethîrîrue nî nduma, nîûndû mûndû ûrîa ûthiîcaga kûrî na nduma ndamenyaga kûrîa arathiî.

Johana 8:31

Kwoguo Jesû nîwerire Ayahudi atîrî, “Mwona mwathîkîra ciugo ciakwa, nîmûgûtuîka arutwa akwa.

Aroma 14:13

Kwoguo nîtûtige gûtucanîra. Vandû va ûguo twagîrîrwe nî gûtua atî tûtigeke ûndû wana ûmwe ûrîa ûngîtûma mûndû ûrîa wîngî avîngwe kana agwe meviarî.

Afil 1:10

nîguo mûvotage kûthuura ûndû ûrîa mwaro. Namue mûkeethîrwa mûrî atheru na mûtarî na ûcuke mûthenya wa gûcoka gwa Kristû.

2Pet 1:10

Kwoguo ariû na aarî a îthe wetû, geragiani na kîîo mûno kwona atî na ma nîmwîtîtwe na mûkathuurwa nî Ngai. Ethîrwa nîmûgwîka ûguo, mûtigatiganîria wîtîkio wenyu.

1Joh 2:11

Nwatî mûndû wa wonthe ûmenete mûrwang'ina, kana mwarwang'ina ethagîrwa arî ndumarî. Ke athiîcagîra ndumarî na ndamenyaga kûrîa athiîte nîûndû nduma nî îmûtete metho.

1Joh 3:14

Nîtwîcî atî nîtûthengutîrîtue gîkuû na tûgakinya mwoyorî nîûndû nîtwendete ariû na aarî a îthe wetû. Mûndû ûrîa ûtendanaga atûûraga gîkuûrî.