1Joh 2:1 - ÎVUKU RÎA ÛVORO MWARO

¹ Ciana ciakwa nîramwandîkîra maûndû mama nîguo mûtikevie. Nwatî mûndû angîvia, tûrî na Jesû Kristû na nî mûthingu. Ke nîke ûtûciragîrîra arî mbere ya îthe.

1Joh 2:1 ပူးပေါင်းရင်းမြစ်များ

Thaburi 4:4

Ndûgatûme marakara maku matûme wîvie; îîcirie mûno îgûrû rîgiî ciugo ino, rîrîa ûmamîte ûrîrî gwaku ûkirîte.

Ezek 3:21

Nwatî ûngîkaania mûndû mûthingu ndakevie na arege kwîvia, nama mûndû ûcio nîagaatûûra mwoyo nîûndû nîeguîte ûkîmûkaania nawe nîûkethîrwa ûvonoketie mwoyo waku.”

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Luka 10:22

“Vava nîmûnengeru maûndû monthe. Gûtirî mûndû wana ûmwe wîcî Mûriû tiga Îthe, na gûtirî mûndû wana ûmwe wîcî Vava tiga Mûriû na andû arîa Mûriû endaga kûmenyithia ke nû.”

Johana 10:15

wata ûrîa Vava ambîcî, nanie ngamenya Vava. Nînaruta mwoyo wakwa nîûndû wa cio.

Johana 13:33

Ciana ciakwa, nîmbîthîrwa nîrî namue îvinda rînini. Mue mûkaanjaria; nwatî nîramwîra wata ûrîa nerire Ayahudi atî, ‘Kûrîa ngûthiî tîmûvota gûka.’

Johana 14:16

Nie nîngûvoya Vava, nake nîakûmûva Mûtethia wîngî nîguo atûûranagie namue tene na tene.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 21:5

Nake Jesû nîwacokire akîmaûria atîrî, “Anake aya, mûrîanyitu nthamaki wanarî îmwe?” Nao nîmaamûcokerie atîrî, “Naarî.”

Johana 5:14

Vuva wa ûguo, Jesû nîwethîrîrie mûndû ûcio hekarûrî na akîmwîra atîrî, “Nîwona, rîu we nîwavona. Tiga kwîvagia nîguo ndûkone ûndû wîngî mûcûku makîria ya ûyû.”

Johana 5:36

Nwatî nîrî na ûira ûmbîgiî ûkîrîte wa Johana. Maûndû marîa Vava aambîrire mbîkage nîmo maumbûraga atî Vava nîke wandûmire.

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Johana 8:11

Nake mûndûmûka ûcio nîwamûcokerie atîrî, “Mwathani, gûtirî mûndû wanduîra.” Jesû nîwamwîrire atîrî, “Wa nanie ndigûgûtuîra. Thiî na ndûgacoke kwîvia rîngî.”]

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

Aroma 5:10

Vîndî îmwe twarî nthû cia Ngai, nwatî ke nîwatûtuire arata ake na njîra ya gîkuû Kîam mûriû wake. Na rîu nîûndû tûrî arata a Ngai ke nîagaatûvonokia na njîra ya Kristû.

Aroma 6:15

Rîu nîtuga atîa? Nî twîvagie atî nîûndû tûtirî rungu rwa watho nwatî tûrî rungu rwa wega wa Ngai? Naarî!

Aroma 8:34

Nû ûngîmatuîra atî nî evia? Gûtirî wana ûmwe. Jesû Kristû nîke wakuire na agîcoka akîriûka na arî njararî ya ûrîo ya Ngai. Ke nîke ûtûthaithanagîra kûrî Ngai.

1Akor 15:34

Ambîrîriani gûtûmîra meciria menyu na njîra îrîa yagîrîrîte, na mûtige kwîvagia. Amwe gatagatîrî kenyu matiîcî Ngai. Nîrauga ûguo nîguo mûconoke.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Agal 4:19

Ciana ciakwa mendete, wa rîngî nîregua nîrî na ûrûrû mwîngî mûno nîûndû wenyu wata ûrûrû ûrîa mûndûmûka egucaga akîgîa na mwana. Nîmbîgua ûrûrû ûcio nginya rîrîa mûgaatuîka arûmîrîri a ma a Kristû.

Aefeso 2:18

Na njîra ya Kristû, tuonthe Ayahudi na andû a Ndûrîrî nîtûvotithagua nî Roho ûmwe gûkinya kûrî Vava wetû.

Aefeso 4:26

Mûngîrakara, mûtigetîkîre marakara menyu matûma mwîvie na mûtigekare mûrakarîte mûthenya wonthe.

1Tim 2:5

Nîûndû Ngai nî ûmwe, nake ûrîa wîgwithanagia andû na Ngai nî ûmwe na mûndû ûcio nî Jesû Kristû.

1Tim 3:14

Timotheo nîrakwandîkîra mataaro mama nîrî na mwîrîgîrîro atî nîngûka kûu ûrî narua.

Ahib 9:24

Nîûndû Kristû ndaatonyire Vandû Vatheru vatumîtwe na njara cia andû, na nîvo mûvuano wa vandû varîa va ma. Kristû aatonyire îgûrû kuo kwene. Kûu nîkuo arûngamîte mbere ya Ngai vandûrî vetû.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.

Jakuvu 3:9

Nîtûrûvûthagîra tûgîcokia ngatho kûrî Mwathani na Vava wetû, na tûkarûvûthîra tûkîruma andû arîa engî maûmbîtwe na mûvianîre wa Ngai.

1Pet 2:22

Ke gûtirî wîvia eekire na ndaanaria maveeni.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Joh 3:18

Ciana ciakwa wendani wetû ndûgatuîke wa kanyua tu, nwatî nîwîthagîrwe ûrî wa ciîko na ûrî wa ma.

1Joh 3:5

Nîmwîcî atî Kristû aaûkire kûthengutia mevia, na atî ndaarî yake gûtirî rîvia.

1Joh 3:7

Ciana ciakwa mûtikanetîkîre kûevenua nî mûndû wana ûrîkû. Mûndû wa wonthe wîkaga maûndû ma ûthingu nî mûthingu wata ûrîa Kristû arî mûthingu.

1Joh 4:4

Nwatî mue ciana ciakwa mûrî a Ngai, na nîmûvootete arathi a maveeni. Nîûndû Roho ûrîa mûrî naguo ûrî na vinya gûkîra roho ûrîa wîthagîrwa ûrî gûkû nthî.

1Joh 5:17

Gwîka naaî nî mevia, nwatî kûrî wîvia ûtangîtûma mûndû akue.

1Joh 5:21

Ciana ciakwa, reganani na ngai cia maveeni!

3Joh 1:4

Gûtirî ûndû wîngî ûngenagia tiga kwîgua atî ciana ciakwa nîitûûraga ûvororî wa ma.