1Joh 1:9 - ÎVUKU RÎA ÛVORO MWARO

⁹ Nwatî tûngiumbûra mevia metû kûrî Ngai ke nîagûtwovera na atûtherie mevia metû monthe nîûndû ke nî mwîvokeku na nîekaga ûma.

1Joh 1:9 ပူးပေါင်းရင်းမြစ်များ

1Atha 8:30

Thikagîrîria mavoya makwa vamwe na mavoya ma andû aku vîndî îrîa magûkûvoya marî hekarûrî îno. Tûthikîrîrie na ûtûovere ûrî îgûrû kûu ûtûûraga.

1Atha 8:47

mangîkeerira marî kûu vûrûrirî ûcio maavirirwe matavwa na makûvoye makiumbûraga ûrîa marî evia na marî aganu, nakûthaitha Ngai-Mûnene ûkaathikîrîria mavoya mao.

Nehemia 1:6

Nthikîrîria na wîgue ngîkûvoya ûtukû na mûthenya nîûndû wa ndungata ciaku, andû a Isiraeli. Nîngumbûra atî tue andû a Isiraeli, nîtwîvîtie.

Thaburi 19:12

Gûtirî mûndû wonaga mevia make ke mwene; ntheria we Ngai-Mûnene kuuma kûrî mavîtia marîa mbîkaga ndakûmenya.

Thaburi 32:5

Nînaacokire ngiumbûra mevia makwa kûrî we, na ndiathitha mavîtia makwa. Nînatwire nyumbûre mevia makwa kûrî we, na nîwanjovere mevia makwa monthe.

Ntha 34:7

Nînginyagîria wendo wakwa ûtathiraga njiarwa ngiri nyîngî na ngarekera arîa mekaga naaî na mareganaga nanie na makevia. Nwatî nîngaaverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.”

Nthi 28:13

Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.

Isaia 45:21

Umbûrani na mwîtetere; tigani andû maciire marî vamwe. Nû waririe maûndû mama wa tene? Anga tî nie Ngai-Mûnene? Gûtirî ngai îngî tiga nie, nînie Ngai mûthingu na Mûvonokia; gûtirî ngai îngî tiga nie.

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Jeremia 33:8

Nîngamatheria mevia monthe na nîmovere maûndû monthe macûku marîa manambîka na kûregana nanie.

Maca 3:23

Ciîthagîrwa irî njerû wa kîraûko wa kîraûko, nîûndû Ngai-Mûnene nîwakwîvokwa.

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Ezek 37:23

Matigaacoka kwîgwatia mûgiro na ngai icio ciao cia mîvuanano rîngî na maûndû marîa nie nthûrîte, kana na mavîtia mao. Nwatî nîngaamavonokia kuuma kûrî maûndû monthe marîa matûmaga mevie na maregane nanie na nîmatherie. Magaatuîka andû akwa, nanie nduîke Ngai wao.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Mathaayo 3:6

Andû acio nîmaaumbûrire mevia mao, na Johana akîmavatithîria rûnjîrî rwa Jorodani.

Maariko 1:5

Nao andû eengî arîa maaumîte vûrûrirî wa Judea na îtûûrarî rîa Jerusalemu nîmaathiîre kûrî Johana nîguo mamûthikîrîrie. Nao nîmaaumbûrire mevia mao na makîvatithua nîke rûnjîrî rwa Jorodani.

Luka 22:57

Nwatî Petero nîwakaanire akiugaga atîrî, “We mûndûmûka ûyû, tenya kûndeterere, nie wana ndiîcî mûndû ûyû!”

Johana 17:25

Vava Mûthingu! Andû a gûkû nthî matigwîcî, nwatî nie nîngwîcî na nginya acio wamvere nîmaicî atî we nîwe wandûmire.

Ciîko 19:18

Andû eengî etîkia nîmaambîrîrie kumbûra cararûkû maûndû macûku marîa o meekîte.

Aroma 3:26

Nwatî rîu mavindarî mama Ngai nîwovanagîra mevia na akonania ûrîa ke arî mûthingu na nîatucaga andû onthe arîa metîkîtie Jesû athingu.

1Akor 1:9

Ngai nî mwîvokeku. Ke nîke wamwîtire nîguo mûgîe na ngwatanîro na Mûrû wake Jesû Kristû Mwathani wetû.

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

Aefeso 5:26

Eekire ûguo nîguo awamûrîre Ngai na njîra ya kiugo gîake. Nîwatheririe kanitha na njîra ya kûûthambia na manjî.

Gûco 7:9

Menyani nama atî Ngai-Mûnene, Ngai wenyu nîke Ngai, na nî mwîvokeku. Ke nîavingagia kîrîkanîro gîake na arî wendo ûtathiraga, kûrî njiarwa ngiri cia andû arîa mamwendete na mavingagia maathani make.

1Tim 1:15

Ûvoro ûyû nî wa ma na nîwagîrîrwe nî gwîtîkîrwa nî andû onthe, atî Jesû Kristû aaûkire gûkû nthî kûvonokia evia. Nie nîrî mwîvia mûcûku mûno gatagatîrî kao.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Ahib 10:23

Nîtûnyiteni na vinya kîîrîgîrîro gîetû kîrîa tumbûraga tûtarî na nganja, nîûndû Ngai nî mwîvokeku na ciîranîro ciake nî cia ma.

Ahib 11:11

Nîûndû wa wîtîkio Sara nîwagîre na mwana wana ethîrwa aarî nthata nake Iburahimu aarî mûkûrû. Iburahimu nîwetîkîtie atî Ngai nîmwîvokeku na nîakaavingia ûrîa aamwîrîîre.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

1Joh 1:7

Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!