1Joh 1:7 - ÎVUKU RÎA ÛVORO MWARO

⁷ Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.

1Joh 1:7 ပူးပေါင်းရင်းမြစ်များ

Thaburi 104:2

wîkunîkîrîte na ûtheri ta nguo, ûtambûrûkîtie îgûrû ta îgema,

Thaburi 51:2

Nthambia waganu wakwa wonthe, ûnthambie mevia makwa!

Thaburi 56:13

Nîûndû nîûmvonoketie kuuma gîkuûrî, na nîûgirîtie mvootwa. Kwoguo ngethagîrwa nîrî vakuvî na Ngai, nîrî ûtherirî ûrîa waragîra arîa marî mwoyo.

Thaburi 89:15

Kûrathimwa nî andû arîa makûgoocaga na nyîmbo, ûtûûraga ûmegucagîra ntha we Ngai-Mûnene.

Thaburi 97:11

Ûtheri ûtheragîra mûndû ûrîa mûthingu, na nîûretage gîkeno kûrî arîa atheru ngoro.

Isaia 2:5

Rîu, mue njiarwa cia Jakovu, ûkani tûthiîre ûtherirî wa Ngai-Mûnene.

Isaia 33:24

Gûtirî mûndû ûkaauga rîngî atîrî, “Nie nîrî mûrwaru.” Andû onthe arîa matûûraga kûu nîmagaakirîrîrua mevia mao.

Isaia 6:7

Nîwamvutirie mîromo na îkara rîu na akiuga atîrî, “Taroria, îkara rîîrî nî rîavutia mîromo yaku; nîwathengutîrua mavîtia maku na nîwoverwa mevia maku.”

Amosi 3:3

Andû aîrî nwa mathiî rûgendo matarîkanîrîte?

Zakaria 13:1

Ngai-Mûnene augîte atîrî, “Vîndî îrîa kavinda kau gagaakinya, karûnjî nîgakaavingûrwa ga kûthambia nyomba ya Daudi na andû arîa matûûraga Jerusalemu mevia mao na maûndû mao marîa macûku.

Mathaayo 6:12

Twovere mevia marîa twîkîte, wata ûrîa twovagîra arîa matûvîtîrîtie.

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Johana 12:35

Nake Jesû nîwamerire atîrî, “Ûtheri nîwîthîrwa ûrî gatagatîrî kenyu kavinda kanini. Thiîni rîrîa kûrî na ûtheri nîguo mûtikethîrîrue nî nduma, nîûndû mûndû ûrîa ûthiîcaga kûrî na nduma ndamenyaga kûrîa arathiî.

Johana 5:4

nîûndû mavinda kwa mavinda mûraika wa Mwathani nîwanyûrûrûkaga îriarî rîu na akaunjuga manjî. Nake mûrwaru wa wonthe ûrîa watuvûkaga îriarî rîu arî wa mbere manjî marîkia kunjugwa, nîwavonagua mûrimû wa wonthe ûrîa ethagîrwa arwarîte.]

Aroma 13:12

Ûtukû ûrî vakuvî kûthira na mûthenya ûrî vakuvî gûka. Nîtûtige gwîka ciîko irîa ciîkagîrwa ndumarî na tûoce indo cia mbaara irîa itûmagîrwa kûrûa ûtherirî.

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

Aefeso 1:7

Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî

Aefeso 5:8

Vîndî îmwe mwatûûraga ndumarî, nwatî rîu mûtûûraga ûtherirî nîûndû nîmûtuîkîte andû a Mwathani. Kwoguo tûûragani ta andû marî ûtherirî,

1Tim 6:16

Ke nîke tu ûtakucaga. Atûûraga ûtherirî ûtangîkuvîvîrua nî mûndû. Gûtirî mûndû wanamwona na gûtirî mûndû ûngîvota kûmwona. Ke arotîîwa na agîe na wathani ûrîa ûtathiraga! Ameni.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

1Pet 1:19

Mwakûûrirwe na nthakame ya goro mûno ya Kristû, ûrîa wekariî ta ng'ondu îtaarî na wonje kana îroro.

1Joh 1:3

Maûndû marîa tûonete na tûkeîguîra nîmo tûmwîraga wa namue nîguo mûgwatanagîra natue ngwatanîrorî îrîa twîthagîrwa tûrî nayo na Îthe na Mûriû Jesû Kristû.

1Joh 1:5

Îno nîyo ndûmîrîri îrîa twîguîte kuuma kûrî Mûriû wake na nîyo tûmûvunjagîria atî: Ngai nî ûtheri na ndaarî yake gûtirî nduma wana vanini.

1Joh 5:6

Jesû Kristû nîke ûrîa waûkire na njîra ya manjî ma ûvatithio na nthakame ya gîkuû gîake. Ke ndaaûka tu na njîra ya manjî nwatî aûkire na manjî na nthakame. Roho ke mwene nî mûira atî ûvoro ûyû nî wa ma nîûndû Roho ûma.

1Joh 5:8

Roho, manjî na nthakame; na onthe athatû nîmetîkanagia.

2Joh 1:4

Nie nînakenire mûno nona ciana imwe ciaku ikîrûmîrîra ûvoro wa ma wata ûrîa twathirwe nî Vava wetû.

3Joh 1:4

Gûtirî ûndû wîngî ûngenagia tiga kwîgua atî ciana ciakwa nîitûûraga ûvororî wa ma.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.

Kûguû 7:14

Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.