1Atha 9:6 - ÎVUKU RÎA ÛVORO MWARO

⁶ Nwatî ethîrwa mue kana njiarwa cienyu nî mûkaarega kûnûmîrîra kana mûrege kwathîkîra mawatho makwa na irîra cia watho wakwa ûrîa nîmûvete, na mûgooce ngai ciîngî,

1Atha 9:6 ပူးပေါင်းရင်းမြစ်များ

2Atha 18:12

Îtûûra rîa Samaria rîagwîre nîûndû Aisiraeli matiathîkîra mûgambo wa Ngai-Mûnene, Ngai wao, nwatî nîmaaunire kîrîkanîro gîake, wana matiathikîrîria kana mathîkîra maûndû monthe marîa Musa, ndungata ya Ngai-Mûnene amaathire.

2Atha 22:17

Nîmandiganîrîtie na nîmarutîrîte ngai ciîngî magongoona na kwoguo nîmandakarîtie nî maûndû monthe marîa mekîte. Nîûndû wa ûguo, nîndakarîtue nî Jerusalemu na marakara makwa matingîthira.

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

Thaburi 89:30

“Nwatî ethîrwa njiarwa ciake itikaathîkîra watho wakwa, na marege kûrûmîrîra matuîro makwa ma ciira,

Thaburi 89:31

ethîrwa nîmakaarega kûrûmîrîra irîra ciakwa, na marege kwathîkîra maathani makwa,

Thaburi 89:32

nîngaacoka nîmaverithie nîûndû wa mevia mao; nîngaamariva nîûndû wa mavîtia mao.

Jeremia 26:4

Ûkamera Ngai-Mûnene arauga atî, ‘Ethîrwa tîmûnthikîrîria na mûrûmîrîre watho ûrîa nîmûvete,

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

1Sam 15:11

“Nie nînîrerira nîûndû wa kûthuura Saûlo atuîke mûthamaki. Ke nîandiganîrîtie na nîaregete kwathîkîra maathani makwa.” Nake Samueli nîwarakarire na akîraara akîvoya Ngai-Mûnene ûtukû mûgima.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.