1Atha 9:4 - ÎVUKU RÎA ÛVORO MWARO

⁴ Ethîrwa ûkaandungatagîra ûrî na wîvokeku na ûthingu ta ûrîa aguo Daudi eekaga, na ûvingagie mawatho makwa na maûndû monthe marîa ngwathîte,

1Atha 9:4 ပူးပေါင်းရင်းမြစ်များ

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Kîam 20:5

Kinthî Iburahimu tîke wambîrire atî Sara nî mwarwang'ina, na Sara akîmbîra wa guo? Nie nekire ûndû ûyû ndarî na thamiri ikûnjuka, na kwoguo ndirî na mavîtia.”

2Sam 22:22

Nîmbathîkîrîte mawatho ma Ngai-Mûnene, na ndirî nagarûrûka ngatiganîria Ngai wakwa.

1Atha 11:38

Ethîrwa ûkathîkagîra maûndû monthe marîa ngwathîte, ûgîkaga maûndû marîa maro, na wathîkagîre irîra cia mawatho makwa, ûkîvingagia maathani makwa wata ûrîa ndungata yakwa Daudi eekire, ngethagîrwa vîndî cionthe nîrî vamwe nawe. Nîngaagûtua mûthamaki wa Isiraeli na ndûme njiarwa ciaku itûûre ciathanaga vuva waku, wata ûrîa nekire Daudi.

1Atha 11:4

Vîndî îrîa Solomoni aakûrire, aka acio ake nîmaatûmire agarûrûke na agooce ngai cia kûndû kwîngî. Ke ndaarî mwîvokeku kûrî Ngai-Mûnene, Ngai wake ta ûrîa îthe Daudi eekariî.

1Atha 11:6

Kwoguo Solomoni nîwevirie mbere ya Ngai-Mûnene na ndaamûrûmagîrîra viû maûndûrî monthe ta ûrîa îthe Daudi eekaga.

1Atha 14:8

Nagaûrire ûthamaki kuuma kûrî njiarwa cia Daudi, na ngîkûnengera guo. Nwatî we ndûrethagîrwa wîkariî ta Daudi, ndungata yakwa ûrîa warûmagîrîra Watho wakwa na agekaga maûndû marîa nie noonaga magîrîrîte.

1Atha 15:5

Ngai-Mûnene eekire ûguo nîûndû Daudi eekaga maûndû marîa maakenagia Ngai-Mûnene na ûtûûrorî wake wonthe ndaanarega kwathîkîra mawatho marîa aamwathîte, tiga ûvoro wîgiî Uria, ûrîa Mûhiti.

1Atha 3:14

Na ethîrwa ûkambathîkagîra na ûvingagie mawatho na maathani makwa ta ûrîa aguo Daudi eekaga, nîngaakûva ûtûûro mûraca.”

1Atha 3:3

Solomoni nîwendeete Ngai-Mûnene na nîwavingagia mawatho ma îthe Daudi. Nwatî nîwarutagîra magongoona na ûbani irîmarî.

1Atha 3:6

Solomoni nîwaugire atîrî, “Nîwonagia vava Daudi, ndungata yaku wendo ûtathiraga, nîûndû aagûtungataga arî na wîvokeku, ûthingu na ûtheru wa ngoro. Na nîûthiîte na mbere kûmûonia wendo ûtathiraga na Nîwamûvere mûvîcî ûrîa wîkarîrîte gîtî Kîam ûthamaki vuva wake nginya ûmûnthî.

1Atha 6:12

“Ûvoro wîgiî nyomba îno ûratuma, ethîrwa ûkarûmagîrîra kîrîra gîakwa na wathîkagîre maathani makwa monthe na ûvingagie ûrîa maugîte, nîngaakûvingîria ûrîa neerîîre aguo Daudi.

1Atha 8:25

Kwoguo we Ngai-Mûnene, Ngai wa Isiraeli, rîu vingia kîîranîro kîrîa werîre vava Daudi rîrîa wamwîrire atî, ‘vîndî cionthe gûkethagîrwa kûrî na mûndû wa njiarwa ciaku ûkethagîrwa arî mûthamaki wa Isiraeli, ethîrwa mûkambathîkagîra wata ûrîa aakwathîkagîra.’

2Atha 20:3

“We Ngai-Mûnene nakûthaitha ûririkane ûrîa ngûtungatîrîte na wîvokeku na ngoro yonthe, na vîndî cionthe mbîkaga maûndû marîa magûkenagia.” Nîwacokire akîrîra arî na ûrûrû mwîngî mûno.

2Maû 17:4

Nwatî nîwagoocaga Ngai wa îthe na akarûmîrîra maathani make, na ndeeka ta ûrîa athamaki a Isiraeli meekaga.

Thaburi 101:2

Nîngwîmenyerera ndûûre ndarî na ûcuke. Ûgaaûka kûrî nie rî? Nîngûtûûra nyombarî yakwa nîrî na ngoro ntheru,

Thaburi 128:1

Gûkena nî andû arîa metigagîra Ngai-Mûnene, arîa marûmagîrîra njîra ciake.

Thaburi 15:2

Nî arîa mathîkagîra Ngai maûndûrî monthe, na vîndî cionthe mekaga maûndû marîa magîrîrîte, arîa maragia ûma kuuma ngororî ciao,

Thaburi 26:1

We Ngai-Mûnene, nduîra atî ndirî na mavîtia, nîûndû mbîkaga maûndû marîa magîrîrîte, na nî ngwîvokete viû.

Thaburi 26:11

Nwatî nie mbîkaga maûndû marîa magîrîru, mbîguîra ntha na ûmvonokie!

Thaburi 78:72

Daudi nîwamamenyerere na ngoro ntheru, na nîwamatongoririe arî na wara mwîngî.

Nthi 10:9

Andû arîa marî mîthiîre mîkinyanîru methagîrwa marî agitîre, nwatî arîa matarî evokeku nîmakaamenyeka.

Nthi 20:7

Mûndû mûthingu ûrîa ûtûûraga na mîtugo mîagîrîru, njiarwa ciake nîikaarathimwa.

Nthi 28:18

Mûndû ûrîa ûthiîcaga na mîthiîre mîkinyanîru nîakaavonokua, nwatî mûndû wa mîthiîre mîcûku nîakaagwa wa rîmwe.

Ezek 18:9

Ethîrwa mûndû ta ûcio nî avingagia irîra cia watho wakwa, na nîamenyagîrîra matuîro makwa ma ciira na nîekaga maûndû ma kîvooto, na ma mûndû ûcio nî mûthingu na nîagaatûûra mwoyo. Ûguo nîguo Ngai-Mûnene augîte.

Zakaria 3:7

“Ngai-Mûnene mwene vinya wonthe augîte ûngîathîkîra maathani make na ûrûmagîrîre maûndû marîa akwathîte, nîagaakûva ûvoti wathanage hekarûrî yake na ivaarorî ciayo, na nîagaagwîtîkîria ûtungatage ta ûrîa aya marûngamîte ava matungataga.

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Gûco 28:1

“Ethîrwa nî mûkwathîkîra Ngai-Mûnene, Ngai wenyu, na mûrûmagîrîre na kinyi maathani make monthe marîa ngûkwatha ûmûnthî, Ke nîakaamûtua rûrîrî rûnene gûkîra ndûrîrî cionthe cia nthî.