1Atha 8:48 - ÎVUKU RÎA ÛVORO MWARO

⁴⁸ Ethîrwa nîmagaagûcokerera na meciria mao monthe, vamwe na ngoro yonthe marî wa kûu vûrûrirî wa nthû icio ciamatavire, na makûvoye merekerete vûrûri ûyû wao ûrîa waveere methe mao, na îtûûra rîîrî we wathuurire, na hekarû îno ndumîte îtanîtue na rîîtwa rîaku,

1Atha 8:48 ပူးပေါင်းရင်းမြစ်များ

1Atha 8:33

“Vîndî îrîa andû aku Aisiraeli mangîkaavootwa nî nthû ciao nîûndû wa kwîthîrwa makûvîtîrîtie, na macoke magûcokerere na maûke hekarûrî îno na makûvoye na wînyivia nîguo ûmovere,

1Atha 8:49

nakûthaitha vîndî îo ûkaathikîrîria mavoya mao ûrî kûu îgûrû kûrîa ûtûûraga na ûkaamava ûvootani.

2Atha 23:25

Gûtiarî mûthamaki wîngî take, vuva kana mbere yake watungatîre Ngai-Mûnene na ngoro yonthe, meciria na vinya wonthe akîvingagia mawatho monthe ma Musa.

Nehemia 1:9

Nwatî mûngîkaanjokerera na mwathîkîre maathani makwa na mwîkage ûrîa maugîte, nîngaamûcokia vandû varîa nthuurîte va kûngoocagîra, wana ethîrwa mûnyaganîtie mûgakinya mîthiiarî yonthe ya nthî.’

Thaburi 119:10

Ngûcaragia na ngoro yakwa yonthe, ndûkandekererie ndiganîria maathani maku.

Thaburi 119:145

Nînîragûkaîra na ngoro yakwa yonthe; mbîtîka we Ngai-Mûnene na nîngwathîkîra mawatho maku!

Thaburi 119:2

Kûrathimwa nî arîa marûmagîrîra kîrîra gîake, arîa mamûcaragia na ngoro ciao cionthe;

Nthi 23:26

Mwana wakwa, nthikîrîria, na ûrûmîrîre mîthiîre yakwa.

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 3:10

Kûnarî ûguo, mwarwang'ina Juda ûrîa warî mûthaani, ndanjokerera na ngoro yonthe; nwatî aarî na ûvinga. Ûguo nîguo Ngai-Mûnene arauga.”

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Danieli 6:11

Nao andû acio maavangîte maûndû macûku megiî Danieli, nîmaathiîre na makîthîrîria Danieli akîvoya akîthaithaga Ngai wake.

Danieli 9:13

Nîûtûverithîtie na maûndû monthe wata ûrîa kwandîkîtwe wathorî wa Musa. Nwatî nginya rîu Ngai-Mûnene, Ngai wetû, nîtûregete gwîka ûndû ûngîgûkenia na njîra ya kûvera mevia, kana kûrûmîrîra ûma.

Danieli 9:5

Tue nî twîvîtie, nîtwîkîte maûndû macûku, na tûgeka naaî. Nîtûreganîte nawe na tûkaregana na maathani maku na irîra ciaku.

Alawi 26:40

“Nwatî njiarwa cienyu nî ikaaumbûra mevia mao na mevia ma methe mao ma tene, arîa maareganire nanie na makîrega kûmbathîkîra.

Jona 2:4

Neciragia naarî mwîngate kuuma kûrî we, na ndikona hekarû yaku ntheru rîngî.

Zakaria 10:9

Wana ethîrwa nînamanyaganîrîtie mavûrûrirî mengî, marî mavûrûrirî mau ma kûraca, nîmakaandirikana, na vamwe na ciana ciao nîmagaatigara na macoke mûciî kwao.

Ciîko 8:36

Na vîndî îrîa maanyûrûrûkîte na njîra îo, nîmaakinyire vandû vaarî na manjî, na mûndû ûcio akîîra Filipu atîrî, “Taroria! Manjî marî ava. Nîndûî kîngîgiria mvatithue?” [

Aroma 10:10

Nîûndû mûndû etîkagia na ngoro agatuuwa mûthingu, na akaumbûra na kanyua gake na akavonoka.

Gûco 4:29

Mûrî kûu, nîmûgaacaria Ngai-Mûnene, Ngai wenyu na nîmûkaamwona, ethîrwa nama nîmûkaamûcaria na ngoro yonthe na mwoyo wonthe.